Nga rezultati i votimeve ka rezultuar që në krye të listës së fituesve të jetë kryetari aktual i bashkisë Berat, Fadil Nasufi, i cili ka marrë 335 vota nga 659 gjithsej, i ndjekur nga Selman Hodo me 175 vota dhe nën kryetari i bashkisë Stavri Ceca me 67 vota, duke vazhduar më poshtë me Çlirim Brisku 41 vota,Valbona Zylyftari 28 vota, Artur Çepani 7 vota dhe Ilir Manka nga shoqeria civile 6 vota.

HOME NEWS EDITORIALE

LSI e Beratit: JO NASUFI KRYETAR BASHKIE

Edhe pse dy liderët e të majtës Rama dhe Meta, të ardhur në Berat përpara pak ditësh për një tur paraelektoral, kanë konfirmuar aleancën mes dy grupimeve më të mëdha të të majtës PS-së dhe LSI-së, si dhe daljen bashkë në zgjedhjet e ardhshme për pushtetin vendor, duket se në bazë marrëveshja ngelet ende e brishtë dhe e paqëndrueshme.
Rreth orës 08:30 përpara selisë së LSI, dega Berat, krerët vendorë të kësaj partie kishin nxjerrë një tavolinë dhe sipër saj ishte vendosur peticioni që hartuesit e kësaj force politike kishin formuluar me kërkesën e anëtarëve dhe mbështetësve të LSI, dega Berat.
Dhjetëra prej antarëve dhe mbështetësve të kësaj partie u kanë kërkuar drejtuesvevendorë të LSI, që të mbështetur nga firmat e tyre t’i drejtojnë një peticion kryetarit të LSI-së, Ilir Meta dhe kryetarit të PS-së, Edi Rama, nëpërmjet të cilit u kërkojnë të dy liderëve kryesorë të së majtës që të kundërshtojnë kandidimin për herë të dytë të kryetarit të bashkisë Berat Fadil Nasufi, pasi siç shprehen edhe në peticion, ai e ka humbur besimin te komuniteti në Berat dhe nuk ka më moral që të jetë kryetar i kësaj bashkie edhe për një mandat tjetër
Shkak i këtij peticioni është bërë pakënaqësia e antarëve të LSI-së, pas daljes së rezultatit të votimeve që u zhvillua ditën e shtunë nga anëtarësia e PS, për kandidatët garues të kësaj force politike .Nga rezultati i votimeve ka rezultuar që në krye të listës së fituesve të jetë kryetari aktual i bashkisë Berat, Fadil Nasufi, i cili ka marrë 335 vota nga 659 gjithsej, i ndjekur nga Selman Hodo me 175 vota dhe nën kryetari i bashkisë Stavri Ceca me 67 vota, duke vazhduar më poshtë me Çlirim Brisku 41 vota,Valbona Zylyftari 28 vota, Artur Çepani 7 vota dhe Ilir Manka nga shoqeria civile 6 vota.
Krerët e të majtës Rama dhe Meta të ardhur në Berat përpara pak ditësh ju kanë bërë me dije kandidatëve garues se pavarësisht rezultatit të votimeve nga anëtarësia, do të jetë tavolina e tyre ajo që do të vendosë për kandidatin që do të garojë për karrigen nr.1 të pushtetit vendor të qytetit të Beratit, duke shtuar se për këtë do të bëhet edhe një test në publik duke mbledhur opinionet e votuesve për secilin nga kandidatët. Por kjo nuk e ka bindur bazën e LSI, e cila duke parë rezultatin shumë të thellë të votimit nga antarësia e PS, për kryetarin aktual të bashkisë F.Nasufi, i druhet një kandidimi të dytë të tij, ndaj ata nëpërmjet peticionit drejtuar krerëve të së majtës kërkojnë që ata të mos miratojnë kandidaturën e Nasufit për kryetar të ardhshëm të bashkisë, pasi ata e quajnë atë edhe si shkak i humbjes së zgjedhjeve parlamentare të 3 korrikut të vitit të kaluar. Ai nuk ka moral të jetë kryetar i bashkisë thuhet në peticion. Duke vazhduar më poshtë në pikën e tretë thuhet: “Në zgjedhjet e 3 korrikut 2005 në qytetin e Beratit PS, e humbi thellë bashkinë dhe fitoi kandidati i PD.
Kjo ishte përgjegjësi e kryetarit të PS në Berat dhe politikave të gabuara drejtuese të kryetarit të bashkisë F.Nasufi. Në peticion nënëshkruesit e tij thonë se ata do të jenë dakort me çdo përfaqësues të të majtës, por që ka integritet dhe përfaqëson realisht vlerat e të majtës së bashkuar.
Të pyetur nga gazeta se çfarë do të bëjnë ata në rast se krerët e të majtës do të vendosin kandidimin për herë të dytë të kryetarit aktual të bashkisë F. Nasufi, disa prej firmëtarëve të peticionit janë shprehur se ditën e votimeve nuk do të shkojnë për të votuar, pasi siç shprehen ata nuk duan që të jenë pjesë e humbjes së koalicionit të majtë në bashkinë e Beratit.
Abedin Kaja

Lajmetari: 27.11..2006. |top | Commente | Printo