Home Info Contact Foto nga Berati Lajmet e tjera Arkiva Forum

Esmeralda Kosaxhi

 

 

Titujt kryesore

Ese , Esmeralda Kosaxhi

 

Nëpërmjet teleskopit të Merlinit.,Xh. Hasani

 

Një çast i vështirë, Xh. Hasani

 

Poezi,Albiona Ajazi,

 

Ese,Albiona Ajazi

 

Poezi, Sopot Gjini

 

Poezi, Sonila Dardha

 

Saimir Muzhaka, ese

 

Poezi, Erjona Sulaj

 

Ornela Oruçi, ese

Emisa Asllani, ese

Matilda Braho, poezi

Alba Shahini, ese

HOME NEWS RINORE

Esmeralda Kosaxhi, IV a “K.Capo”

Ese

Përfytyroni... Jo, s’keni pse, mjafton që e përjetojmë çdo ditë. T’i shpëtosh paradoksales, absurdes, skandalozes dhe asaj që pashmangshmërisht e quajnë “normale”. T’i shpëtosh kësaj gremisjeje, deformimi duhet një shpirt thellësisht i pastër, që nuk mund të mos jetë dhe thellësisht ëndërrimtar. Arratisja e tyre e vetme, krijimi imagjinar i një realiteti tjetër është mundësia që ata me vetsiguri dhe dashamirësi ia ofrojnë vetes. Ndjeshmëria, emotiviteti i fundos krejt në këtë hon ëndërronjës. Pastaj, pastaj vjen pritja, një pritje e ankthshme...
Njerëzit shpesh ngatërrojnë ndjeshmërinë me dobësinë. Të jesh i ndjeshëm, do të thotë të nënshtrosh shpirtin ndaj çdo ngacmimi të jashtëm, të lejosh gdhendjen e gjurmëve të trishtimit, dëshpërimit, vuajtjes, haresë dhe pastaj këto gjurmë t’i përçohen ndërgjegjes. Ndërsa shpirti elastikisht kthehet si më parë, i pastër, i freskët, i gatshëm.
Kurse të jesh i dobët do të thotë të nënshtrosh ndërgjegjen ndaj sfilitjes së jashtme, duke i përçuar më pas në shpirt, ku “grumbullohen”. Dhe këtu fillon dhembja, shtypja, frika. Kjo s’do të thotë që të ndjeshmit nuk ndiejnë dhimbje, absolutisht. Por, dhimbja e tyre është e një natyre tjetër, ajo e ka fillesën te shpirti dhe kjo e bën më sublime.
Ëndërrimtarët janë të ndjeshëm dhe ndërgjegja e tyre, enciklopedi gjithënjerëzore ndërton, skicon, me pjesëmarrjen ekskluzive të shpirtit, ëndrrat. Ëndrrat, që koha ose për të qenë më konçiz, fati, mund t’i kthejë në një ardhmëri të bukur e të lumtur ose në një fjalë të vetme: desiluzion.
Fati filozofikisht është përcaktuar bashkim i nevojshmërisë dhe rastësisë. Fati qëndron pezull mbi çdokënd. Thonë se gjeniu (Bonoparti) ishte i shqetësuar para fillimit të betejës së Marengos, ndërkohë që legjionarët prisnin fjalimin. Kjo sepse kishte dalë një diell i shkëlqyer e që kishte munguar në Austerlitz, dielli i vetëm që sjell fitore e entuziasëm. Nëse gjeniu, i aftë pothuaj për gjithçka, ndruhet, trembet ose mbase dhe tmerrohet nga supersticione të pabaza, atëherë ngrihet pikëpyetja mbi kokën e njerëzve të ndjeshëm e ëndërrimtarë.
Nuk e di sa afër të vërtetës mund të jetë ky “refleksion” sipërfaqësor, por ajo që shpresoj është të jetë larg llafollogjisë së mërzitshme që vërtitet rreth gjërave të ditura nga të gjithë.
- Megjithatë, ajo që dua të them se të ndjeshëm apo të pandjeshëm, ëndërritarë apo realistë praktikë, si thotë dhe një këngë e mrekullueshme: “I guess, I will always be a soldier of fortune” (Mendoj se gjithmonë do të jem një ushtar i fatit).