Home RINORE Contact Foto nga Berati Lajmet e tjera Arkiva Forum

 

Foto :

 

 

Titujt kryesore

Ese , Esmeralda Kosaxhi

 

Nëpërmjet teleskopit të Merlinit.,Xh. Hasani

 

Një çast i vështirë, Xh. Hasani

 

Poezi,Albiona Ajazi,

 

Ese,Albiona Ajazi

 

Poezi, Sopot Gjini

 

Poezi, Sonila Dardha

 

Saimir Muzhaka, ese

 

Poezi, Erjona Sulaj

 

Ornela Oruçi, ese

HOME RINORE FORUM

F l u r k a

Tunele Dashurie

SY

Pasi shishet e shtrënjta
të verërave kaliforniane u pinë,
U grisën fjalitë e stërgjatura si streçe femrash,
mbaruan ndërkaq,
U mblodhën gotat e boshatisura,
gotat këmbë’holla, si balerina,
Dhe u vendosën në lavapjatë
për t’u shpëlarë...
Vezullimi sipërfaqësor
I Hënës mbi të ftohtin
Atlantik.
Të bënë të kuptoshë
se e gjithë kjo fasadë
Si një mbulesë dëbore është
mbi kratere ovake,
Histori e lexuar / fatëzuar dikur
në faqet e Perandorisë Romake.
Në një mangall të bronxët gjigand-historik,
Vullkani i fjetur si dem i tredhur,
dërgonë e-mail pirateske
thëngjij’sh të djegur prej
SYshë të arratisur nga Guernika, ( që hijesojnë )
Portretet tona impotente
të dollarizuara mbi parmak.
Copëza yjesh që ndizen
dhe shuhen / puro kubaneze
Fishekzjare mbi buzën e mbetur pa gjak.
Bisedat materiale vazhdojnë,
fjalitë grisen dhe bën ftohtë,
shërbëtorja spanjolle servir kafe
të kredhur në dhimbje
si buzëqeshja e Ernesto Che Guevaras
ndër sytë e saj, latin të ngrohtë.
Lëngu i ndjenjave si nje cigane ngadhnjimtare
Me hapa të shpejta shpëtimtare,
si batare kosovare, 
Vallëzonë një valle yjësore lasgushiane
Prushi i ndezur i mangallit
është i rrethuar
Prej SYve mjeshtëror / mjergullor 
të ujkë’zuuuuar
Dhe gishtat e mi qerosë
si Buda misionarë-paqësor-bark’fryrë
Cicat e porcelanit aziatik prekin butësisht
Cicat e bardha të “bukurosheve të fjetura”
Nga fisi i pemës -
- që kur gërvishtet lëvozhga e ndjenjave 
rrjedh si kaoçuk tëposhtë
rjedhës, një lëng i nxehtë
Që më kujton një dashuri varfërisht të shtrenjtë
Dashuri
Të vendit tim,
dashuri me to(oh)llona,
si askund !
Da(ah)shuri e rreshtuar në rradhën
e kosit të pafund !
Për një kile djath,
një pako gjalp,
një kile mish
Nga trupi dashurisë.
( Kush e solli Doruntinë’ ?!
Valltaren këmbëzbathur nga njëri yll në tjetrin,
përmbi shpinë.
Premtimi i mpleksur
i flokëve të përbaltura ) që më ringjalli,
Mëmëdheu
që prodhonte aq pak qumësht
vetëm me njërin gjoks përjashta
prej murrimit legjendar,
Dashuri
që vjen drejt meje me kalërim jetësor / vrastar,
Më bënë ky që jam,
në bregun e këtij oqeani të ftohtë -
- kalorës fantazmagorik
lunatik i veçuar
qytetar i botës së qytetëruar 
SY-zgjuar
Në këtë gosti materiale uqërish,
ftohtësisht të pasur,
( Si një Konstandin për kushedi se ku ?! ) - Përsëri
i rimërguar...
Cape Cod, 2005