Berat :Kronika Beratit nentor 2005

Berat:
Cilët janë treguesit e të ardhurave në bashkinë e qytetit të Beratit për 10-mujorin e këtij viti?
Plani i të ardhurave në bashkinë e Beratit për 10-mujorin e këtij viti ka qënë 144.490 mijë lekë dhe është realizuar në masën 150.006 mijë lekë. Pra, është tejkaluar në vlerën prej 5.516 mijë lekë ose është realizuar në masën 103.8%. Kjo ka ardhur si rezultat i punës së mirë të stafit që punon në drejtorinë e të ardhurave të bashkise Berat.

Si janë realizuar të ardhurat në bashki, e ndarë kjo në zëra?
I ndarë në zëra, realizimi i planit të të ardhurave paraqitet si më poshtë:
Plani i të ardhurave që mbledh vetë bashkia nga taksat vendore për 10-mujorin e këtij viti ka qënë 41.305 mijë lekë dhe është realizuar në masën 42.332 mijë lekë, pra në masën 102.5%. Tarifa, nga 24.872 mijë lekë, është realizuar në 24.793 mijë lekë ose në masën 99.7%. Qera, nga 8.940 mijë lekë në 9.533 mijë lekë, ose 106.6%. Të ardhurat nga qëndra ekonomike janë realizuar në masën 101.7%, d.m.th. nga 9.120 mijë lekë që ka qënë plani janë realizuar 9.278 mijë lekë. Nga biznesi i vogël janë realizuar 62.617 mijë lekë, nga 60.253 mijë lekë që ka qënë plani, ose në masën 103.9%. Gjithsej si numër i subjekteve nga 1240 të planifikuara e kanë shlyer detyrimin e tatim taksave 1148 subjekte, nga të cilat 84 janë biznese të reja. Janë evidentuar 75 subjekte të reja dhe është njoftuar për këtë drejtoria e tatim taksave Berat. Po kështu për këtë vit është shtuar edhe një zë i ri në të ardhurat e bashkisë, ai taksës së tokës bujqësore që i përket rajonit Nr. 4 në Uznovë. Puna e bërë në grupe për mbledhjen e kësaj takse duke shkuar në çdo familje ka bërë që të mblidhen nga kjo taksë 184.000 mijë lekë.

A ka subjekte që nuk i kanë shlyer detyrimet ndaj bashkisë dhe çfarë masash keni marrë dhe do të merrni ndaj tyre?
Nga konsultimet që kemi bërë me policinë bashkiake dhe drejtorin e tatim- taksave z. Arben Velçani, kemi rënë dakort që në bashkëpunim me njëri-tjetrin, të dy institucionet tona të ushtrojnë një kontroll të rreptë për identifikimin e subjekteve dhe më pas shtrëngimin nëpërmjet ligjit që ato të paguajnë detyrimet ndaj shtetit. Nga numri prej 1240 subjekte nuk e kanë shlyer detyrimin 92 subjekte, prej të cilave 27 prej tyre janë gjobitur me nga 20 mijë lekë të reja secili dhe vazhdon puna për t’i detyruar këto subjekte që në bazë të ligjit të paguajnë detyrimet ndaj bashkisë. Ne nuk duam që t’i mbyllet biznesi askujt, përkundrazi kërkojmë që ato të shtohen por, nga ana tjetër, nuk mund të tolerojmë biznese të paliçensuara që nuk paguajnë detyrimet ndaj bashkisë. Prandaj, në rast se ndonjëri nga keta perfaqësues të biznesit nuk i përgjigjet ligjit, do të kërkojmë mbylljen e ketij biznesi. Po keshtu është ngritur me urdher të kryetarit të bashkise z.F. Nasufi një grup pune për të kontrolluar të gjitha bizneset e reja si dhe subjektet që nuk kanë shlyer detyrimet e vitit 2005 për futjen në rrugë ligjore edhe të ketyre subjekteve me qëllim realizimin në masën 100% të detyrave të ketij viti në të gjitha zërat.

shkruajtur me: 21.11.2005. |top | Commente