|
|
| Keqësohet
gjendja shëndetësore e 5 të burgosurve ne grevë
urie
Kanë
hyrë në ditën e gjashtë të grevës
së urisë 5 të burgosur në dhomat e paraburgimit,
në burgun e sigurisë së lartë në Berat.
Burime të burgut bëjnë të ditur se dhe dje,
5 të burgosurit nuk kanë pranuar mjekun dhe ushqimet
të servirura nga gardianët. Po këto burime bëjnë
të ditur se 3 nga të burgosurit gjenden në gjendje
të rëndë shëndetësore. Madje 3 të
rënduarit, pasi kanë marë serumin në spital,
janë futur përsëri në grevë urie duke
u bashkangjitur dy të burgosurve të tjerë. Të
burgosurit kanë deklaruar se nuk do të ndërpresim
grevën e urisë deri në vdekje, nëse nuk
do të transferohen nga dhomat e paraburgimit të sigurisë
së lartë, këtu në Beratit. Ata edhe njëherë
kanë kërkuar transferimin e tyre për në
dhomat e paraburgimit në Laç. Ata janë mbështetur
edhe nga familjarët që kanë 4 ditë pranë
portës së drejtorisë duke mbështetur të
afërmit e tyre në kërkesat që ata kanë
për transferimin e tyre në dhomat e paraburgimit në
Laç.
D.XH
Arrestohen 3 adoleshentë,
vodhën ullinj
Në media flitet për abuzime me
pakot e qytetarëve. Cila është praktika e postës
shqiptare në transportin e objekteve postare?
Arrestohen 3 adoleshentë, vodhën ullinj
Tre vjedhës ullinjsh janë arrestuar nga policia, pasi
janë kapur nga roja duke vjedhur ullinj. Bujar Shkurti,
19 vjeç, lindur e banues në lagjen “Donika
Kastrioti” të qytetit, Ermal Torraj, 16 vjeç,
lindur e banues në lagjen “Donika kastrioti”;
Erion Kasollja, 17 vjeç, lindur e banues në lagjen
“Donika Kastrioti” të qytetit, janë arrestuar
në orën 18.00 nga policia e Beratit. Arrestimi i tyre
është bërë pasi në bashkëpunim
me njëri-tjetrin u kapën duke vjedhur ullinj në
sasinë 20 kg në parcelën që administrohet
nga shtetasi Servet Hyskaj, 59 vjeç, banues në lagjen
“Donika Kastrioti”.
D.XH
Arrestohet 20-vjeçari, vodhi 3 banesa
Një grabitës 20-vjeçar, banor në lagjen
Uznovë të qytetit të Beratit, është
ndaluar në orët e para të mëngjesit nga
policia e këtij qyteti. Sipas policisë, Elton Pajës,
20 vjeç, i vunë prangat rreth orës 08.00 të
mëngjesit, pasi ky i fundit kishte vjedhur në lagjen
“Kodra e Sulmit” 3 milionë lekë të
vjetra dhë një sasi bizhuteri. Sipas policisë
së këtij qyteti, 20 vjeçari Paja kishte arritur
futjen në banesë kur familjarët nuk ndodheshin
në shtëpi. Tashmë 20-vjeçari është
në dhomat e paraburgimit, materialet i kanë kalaur
prokurorisë për hetime të mëtejshme. Ndërkaq
për të ndaluarin Elton Paja gjykata e këtij rrethi
pritet të marrë masën e sigurisë burg pa
afat për hetime të mëtejshme.
Masakrohet
me automatik familja Reka në Berat
Breshëri
automatiku kallash nikovi në orët e mesnatës
në lagjen Bilçë. Burime të policisë
bëjnë të ditur se persona të paidentifikuar
të maskuar kanë qëlluar në familjen e shtetasit
Izedin Reka në lagjen Bilçë të qytetit
të Beratit. Burimet bëjnë të ditur se personat
të paidentifikuar kanë tentuar për të vrarë
djalin e Izedin Rekës, I.Reka, 25 vjeç, për
motive të një llogarie të vjetër parash.
25 -vjeçari, pasi i kishte pikasur në errësirë,
është larguar nga banesa i ndihmuar edhe nga errësira
e natës, duke u futur në një pllajë me ullinj.
Personat kur kanë parë se gjahu që ata kërkonin
për ta qëlluar janë hakmarrë me banesën
duke qëlluar me breshëri me automatik kallashnikov
duke shkatërruar të gjitha dritaret dhe dyert e banesës.
Në kohën e breshërive, familjarët që
ndodheshin në banesë, të llahtarisur, janë
shtrirë të gjithë përtokë duke u shpëtuar
plumbave të shumtë që dilnin nga grykat e automatikëve.
Në vendngjarje ka mbërritur grupi i gatshëm,
policia kriminale dhe ajo e rendit. Në çastin e
mbërritjes së forcave të shumta të rendit,
autorët janë larguar me shpejtësi në drejtim
të paditur duke u ndihmuar nga errësira dhe terreni
i thyer malor. Burimet bëjnë të ditur se janë
shoqëruar persona që dyshohej për atë masakër
që terrorizoi jo vetëm familjen Reka, por krejt lagjen
Bilçë. Policia po punon për identifikimin e
autorëve dhe zbardhjen e ngjarjes.
D.XH
Shfaqet
virusi i plasjes në Berat
Shfaqet
plasja në zonat periferike të Beratit e pikërisht
në fshatin Bistrovicë . Specialistët thonë
se plasja rrezikon seriozisht jetën e banorëve, pasi
produktet e mishit, qumështit dhe nënprodukte të
tjera u shiten qytetarëve të bashkisë së
Urës-Vajgurore e më gjerë. Burime pranë
drejtorisë së bujqësisë e ushqimit bëjnë
të ditur se në këtë zonë kanë
zbritur menjëherë specialistët e sektorit zooveterinar
për të marrë masa të menjëhershme për
parandalimin e këtij virusi shumë të rrezikshëm
për jetën e banorëve. Janë konstatuar 30
kokë bagëti që mbartin virusin e plasjes. Specialistët
pohuan se pas ekzekutimit të bagëtive ato janë
djegur. Drejtori i bujqësisë e ushqimit Adriatik Çela
tha për gazetën se me marrjen e sinjalit në këto
zona kanë zbritur specialistët përkatës
nga ku po ushtrohen kontrolle periodike për mbajtjen nën
kontroll të situatës pas shfaqjes së këtij
virusi. Më tej ai ka thënë se kontrolle po ushtrohet
edhe në zonat e tjera të prefekturës ku mbarështrohen
kafshët blegtorale. Kontrolle po ushtrohen edhe në
zonat e qytetit ku tregtohet mish dhe produkte të tjera
blegtorale duke kryer analizat përkatëse për
secilën nga këto produkte.D.Xh
Rikthehet 97-a në zonën e Kutallisë
Frikë
dhe panik në fshatrat e komunës së Kutallisë
nga terrori i ushtruar nga fiset tashmë të njohur
nga banorët e fshatrave Samaticë, Drenovicë e
Kutalli. Burime të policisë së qarkut të
Beratit bëjnë të ditur se rreth orës 24.00
persona të paidentifikuar kanë sulmuar në shenjë
hakmarrje lokalet e fisit Hoxha. Burime të policisë
dhe banorëve të fshatrave bëjnë të
ditur se persona ende të paidentifikuar kanë qëlluar
me armë automatik kallashnikov lokalet e shtetasve të
fiseve Vrapi dhe Hoxha, në lokalin e Nuri Gishtit dhe Gramoz
Hoxhës në fshatin Drenovicë dhe lokalet e shtetasit
Mirjan Bega, Samaticë dhe dyqanin e celularëve të
vëllait të Mirjan Begës në Kutalli
Ngjarja
Persona të armatosur të dy fiseve janë nisur
me armë automatikë dhe në shenjë hakmarrje
kanë qëlluar mbi lokalet e shtetasve Gramoz Hoxha,
Nuri Gishtit dhe Mirjan Bega në fshatin Samaticë dhe
E. Bega në fshatin Kutalli. Nga breshëritë e
automatikëve që hodhën qindra fishekë, janë
shkatërruar komplet lokalet dhe dyqani i celularëve.
Pas këtij terrori autorët janë larguar me motorr
për në fshatin Goriçan. Motorrin e kishin lënë
në baçen e shtetasit Beqar Hoxha në fshatin
Goriçan që tashmë është shoqëruar
për në dhomat e paraburgimit në komisariatin
e Beratit. Bëhet e ditur se të 3 fshatrat e terrorizuar
janë mbërthyer nga frika e paniku. Ata thanë
se po rikthehet 97-a në zonën e gjakut pas një
pauze qetësie. Policia ka bërë identifikimin
e autorëve, por nuk bën të ditur emrat e tyre
për efekt hetimesh.
Policia
Pas marrjes së sinjalit, forca të mëdha të
policisë kanë udhëtuar 25 km për të
mbërritur në vendngjarje, kanë blinduar komplet
zonën dhe kanë bllokuar të gjitha hyrjet e daljes
së kësaj zone ku tashmë, po rikthehen hasmëritë
e vjetra. Bëhet e ditur se së bashku me policinë
e Fierit, Lushnjes dhe Kuçovës ka filluar aksioni
për kapjen e autorëve dhe prangosjen e tyre. Banorët
e zonës i kanë kërkuar organeve të policisë
marrjen e masave urgjente për të shmangur rihapjen
e tragjedive të viteve të mëparshme në këtë
zonë ku u vranë rreth 21 veta. Qetësia në
këtë rajon ka rreth 6 muaj që i ka humbur parametrat
e sigurisë.
| |
