|
Furtunë në drejtorinë e policisë së
qarkut
Mbas ngjarjes së disa ditëve më parë në
qelitë e burgut të Beratit, ku njëri nga të
burgosurit tentoi të arratisej, e pikërisht Leonard
Durrësi, drejtoria e policisë, e ndodhur përballë
kësaj situate tronditëse, ka vepruar menjëherë.
Vetë kreu i kësaj drejtorie Shkëlqim Kokonozi
ka vënë pikën mbi i. Burime brenda kësaj
drejtorie bëjnë të ditur se për normalizimin
e gjendjes dhe rikthimin e besimit në këtë
drejtori janë bërë shumë transferime dhe
disa ndryshime të disa drejtuesve e oficerë sektorësh,
Nazmi Tusha, ish-shefi i rendit, është transferuar
për në Rrëshen me një detyrë tjetër;
Petrit Myslymi, ish-shefi i pasaportave, ka kaluar në
zyrën operative në komisariatin e Kuçovës.
Po këtë fat e ka patur Leonard Doçi, Llukan
Tumani, komandant i forcave të gatshme; Azis Lybesha,
komandanti i repartit, që kanë kaluar në zyrën
operative të komisariatit Berat; Klodian Profti është
transferuar në Vlorë. Largimi nga detyra i këtyre
oficerëve u është komunikuar nga titullari
i kësaj drejtorie në orën 08.00 të mëngjesit.
Menjëherë ata janë zëvendësuar me
oficerë të specializuar nga komisariati i Kuçovës
dhe Skraparit.
Dilaver
Xhelili
Zbërthehet
grupi i trafikantëve të mishit të bardhë
3 persona janë arrestuar nga policia Policia
e Beratit zbulon një grup që merrej me trafik të
mishit të bardhë në rajonin e Beratit. Arrestohet
në flagrancë Besnik Kanaçi 28-vjeç,
lindur e banues në fshatin Duhanas në një nga
lokalet e Tiranës. Nga hetimet në prangat e policisë
kanë rënë edhe dy pjesëtarë të
tjerë të grupit. Burime të policisë bëjnë
të ditur se në orën 22.00 u bënë
arrestimet e dy pjesëtarëve të tjerë të
grupit të trafikantëve të mishit të bardhë,
49-vjeçari Sali Kanaçi, lindur e banues në
fshatin Duhanas, 48-vjeçari Sali Shkëmbi, banor
i lagjes "30 vjetori". Të 3 këta shtetas
kishin një kohë të gjatë që, në
bashkëpunim me njëri-tjetrin, kanë organizuar
trafikimin e klandestinëve për qëllime përfitimi
për në Greqi, kundrejt shumës 1000 euro për
person. Nga kontrolli i ushtruar nga policia, ka sekuestruar
në cilësinë e provës 16 pasaporta shqiptare,
14 nga të cilat 10-vjeçare, të gjithë
banorë të qarkut të Beratit. Gjtihashtu janë
gjetur dhe 4 aparate celularë, një sasi të
hollash, disa çertifikata në gjuhën shqipe
e të përkthyera në greqisht dhe sende të
tjera. Burime të policisë puhuan se këto dokumente
do të futeshin në ambasadën greke në Tiranë
për të marrë viza shengen. Drejtuesit e policisë
kanë thënë se kemi të bëjmë
me një rrjet të gjerë, që ka të bëjë
me 3 qytete të tjerë, por nuk bëjnë të
ditur qytetet për efekt hetimesh. Burime të policisë
thanë se grupi përdorte Greqinë si trapolinë
për të shkuar në vendet e tjera perëndimore.
Ky është grupi më i madh trafikantësh
që goditet për vitin 2004 në qarkun e Beratit.
Tashmë të tre të arrestuarit janë në
dhomat e izolimit. Policia po verifikon të gjithë
numrat e telefonave që ishin regjistruar në kartën
e celularit që ata përdornin.
Dilaver Xhelili
Zgjohen
sindikatat
Protestat e sindikatës së pavarur të transportit
që u zhvilluan në Tiranë e Durrës, tashmë
kanë zbritur në Berat. Plot 140 taksistë janë
hedhur në protestë kundër autobusëve.
Lajmin e bën të ditur për gazetën kreu
i sindikatës së pavarur të transportit shqiptar,
Gëzim Qato, i cili prej disa ditësh ndodhet në
Berat për të organizuar e udhëhequr këto
protesta të 140 taksistëve 4+1 e 8+1, që janë
të licensuara ligjërisht. Qato, thotë se sindikata
që ai drejton, ka vendosur organizimin e një greve
të përgjithshme, që do të zgjasë
2 orë. Për këtë, drejtuesit e saj, janë
marrë vesh me autoritetet e policisë lokalë.
Taksistët 4+1 dhe 8+1(autovetura e furgonë), do
të grumbullohen në hyrje të qytetit, pranë
ish-ndërmarrjes ushqimore dhe më pas do të
lëvizin drejt qendrës së qytetit, në dy
korsi, duke u rënë borive pa pushim e duke paralizuar
totalisht lëvizjen e automjeteve të tjera në
këtë aks të vetëm rrugor, që përshkon
tej e tej qytetin e Beratit. Pas këtij demonstrimi dyorësh
taksistët do të grumbullohen në sheshin përpara
godinës së bashkisë, ku organizatorët
do të flasin nga një tribunë e improvizuar
dhe do të përpilojnë një peticion proteste
kundër qëndrimeve indiferente të instancave
të shtetit. Sipas kreut të sindikatës së
pavarur të transportit shqiptar, përveç katër
kërkesave që janë të njëjta për
të gjithë taksistët shqiptarë, taksistët
beratas do të kenë edhe kërkesat e tyre specifike.
Nga këto kërkesa mund të përmenden: nënshkrimi
i marrëveshjes midis sindikatës lokale dhe bashkisë
si dhe midis sindikatës lokale dhe qendrore, që
qarku i Beratit të përcaktojë numrin e automjeteve
e furgonëve- taksi dhe procedurat e licensimit sipas
kërkesave të bashkisë, që bashkia e Beratit
të caktojë vendqëndrimin e taksive larg autobusëve
dhe vetëm për ata që paguajnë taksën
e vendqindrimit, që leja e bashkisë të përsëritet
një herë në 5 vjet dhe taksa e rrugës
të ulet nga 7000 në 3500 lekë. Organizatorët
thanë se pas kësaj proteste dyorëshe në
Berat, taksistët do të presin reagimin e pushtetarëve
vendorë, të nesërmen. Nëse ata do të
vazhdojnë të jenë indiferent dhe nuk do të
reagojnë, do të përshkallëzojnë protestën
e tyre, duke bllokuar e paralizuar për ditë me radhë
rrugën kryesore dhe nuk do të paguajnë detyrimet
ligjore financiare për taksën tatimore vendoree
që lidhet me kërkesat e tyre të ligjshme.
Dilaver Xhelili
Shtohen
të sëmurët nga astma në Kuçovë
Burime të spitalit të Kuçovës bëjnë
të ditur për gazetën "Lajmëtari"
se në statistikat shëndetësore mësohen
shifra tronditëse të të sëmurëve
me diagnozën asma bronkiale. Këtë lajm e bën
të ditur edhe drejtori i spitalit Arqile Mjeshtri. Ai
ka thënë se në statistikat e spitalit janë
500 të sëmurë me kartelë me diagnozë
asmë bronkiale, e cila ka rënduar gjendjen e këtyre
banorëve. Burime të spitalit kanë pohuar se
është rast i rrallë në shkallë vendi
që në një qytet me 30 mijë banorë
të jenë kaq të sëmurë me këtë
diagnozë. Specialistët japin alarmin se ndotja e
mjedisit nga nënproduktet e naftë dhe të gazit
që shpërndahen në natyrë, ka bërë
që qyteti të përjetojë një ndotje
të madhe e shumë të rrezikshme për shëndetin
e këtyre banorëve çdo ditë. Më
të rrezikuar në këtë qytet janë lagjet
"11 janari", "Distileria", "Polovina",
"1 Maji", që ndodhen aktualisht në territorin
naftëmbajtës. Burime nga spitali bëjnë
të ditur se kjo shifër është në rritje.
Specialistët those se, nëse nuk do të merren
masa për parandalimin e shpërndarjes së gazit
në natyrë, në këtë qytet do të
rritet numri i të sëmurëve.
Dilaver Xhelili
Këtë
verëGjermanët çojnë Bogovën në
Kuçovë
50
mijë banorët e qytetit të Kuçovës
do të kenë më shumë ujë, me të
cilin do të lajnë më shumë halle të
akumuluara ndër vite.
Konfirmimi zyrtar bëhet i ditur nga drejtori i ndërmarrjes
së ujësjellës-kanalizimeve, zoti Avdulla Xhema.
Sipas zotit Xhema, janë plot 750 mijë euro që
banka gjermane ka akumuluar për zgjatimin e ujësjellësit
nga Bogova deri në Kuçovë, si dhe për
rikonsruksion të pjesshëm e ndërhyrje në
segmentin e ujësjellësit ekzistues nga vendburimi
i Bogovës deri në Berat. Ky projekt, gjithmonë
sipas drejtorit të ujësjellësit, është
në kuadër të bashkëpunimit serioz që
banka gjermane ka realizuar me bashkinë e Kuçovës
dhe të Beratit. Për të rrjedhur ujë i
pastër i Bogovës në çezmat e 50 mijë
banorëve të Kuçovës, do të shtrohen
12 kilometër tubo të dimensioneve të ndryshme
si dhe do të zgjerohen arteriet që dalin nga burimi
kryesor i daljes në Bogovë. Burime të Bashkisë
së Beratit bëjnë të ditur për gazetën
se zbatimi i këtij projekti të shumëpritur
do të ndikojë edhe në rikonstruksionin e tubacionit
të rrjetit të brendshëm të qytetit, që
ka rreth 40 vjet pa u ndërruar. Madje, tubacionet kanë
ndikuar negativisht në shëndetin e banorëve
beratas nga çarja e tyre. Nga këto çarje
është bërë e mundur përzierja e ujërave
të pijshëm me ato të zezat. Sipas burimeve
zyrtare, zbatimi i këtij projekti do të përfundojë
brenda vitit.
Dilaver Xhelili
Gjendet
një arsenal armësh në fshatin Sinjë
Gjendet
nga policia një arsenal armësh në një
banesë të braktisur në fshatin Sinjë.
Këtë lajm e ka konfirmuar drejtoria e policisë
së prefekturës së Beratit. Policia e Beratit,
e nisur në bazë të disa informaci-oneve paraprake,
ka ushtruar kontrolle në disa banesa në fshatin
Sinjë. Rezultatet e bluve kanë qenë të
kënaqshme. Fillimisht forcat policore kanë hyrë
për një kontroll të befasishëm në
disa banesa të dyshuara për armë. Madje, policia
ushtroi konroll edhe në disa banesa të braktisura,
ku kishte të dhëna për armë. Nga kontrollet
e ushtruara në këto banesa të braktisura, u
gjendën një sasi armatimesh të modeleve të
ndryshme. Armët e gjendura: 3 pushkë model 56, 1
pushkë sportive, 2 murtaja 60 mm, 3 mitrolozë 12.7
mm si dhe një mitroloz maksim 1910. Burime të policisë
pohuan se është bërë sekuestrimi i armëve.
Sipas të dhënave, këto armë janë
grabitur nga magazinat e armatimit të bazës së
Jugut, më e madhja në shkallë vendi. Policia
po punon për gjetjen e autorëve të mundshëm.
Grupi hetimor po punon për zbardhjen e ndonjë trafiku
të mundshëm armatimi. Brenda harkut kohor prej një
muaj policia ka zbuluar e sekuestruar një sasi të
konsiderueshme municionesh që vinin nga Tepelena me destinacion
Tiranën.
D. Xhelili
|
|
|
