Home Info Na shkruani Foto nga Berati Lajmet e tjera Arkiva Forumi i Lajmetarit

.

 

Mbledhja e këshillit bashkiak ka patur si qëllim diskutimin e disa pikave
projektvendime si:

a-Miratim i rregullores së brendëshme të këshillit bashkiak.

b-Mbi pjesëmarrjen e shtetit në rast dëmesh dhe fatkeqësish.

c-Mbi dhenien e ndihmes ekonomike dhe pagesës së paaftësisë për muajen prill 2007 etj.

Titujt kryesore

A është Fadil Nasufi Qytetar i Parë i Beratit?

Editorial

Mungesa e sigurisë në rrugë burimi kryesor i aksidenteve

Përmbytet Berati, as një masë për shmangien

Kronika e javes shkurt

Qyteti i rikthehet traditës së hershme

Bashkia me dy kryetarë, njëri Fadil Nasufi
dhe tjetra Flutura Mbrati

 

HOME NEWS POLITIKA

Bashkia me dy kryetarë, njëri Fadil Nasufi
dhe tjetra Flutura Mbrati

 

Po kështu në rendin e ditës janë paraqitur edhe dy relacione dhe projektvendime që më pas janë hequr nga rendi i ditës, pasi këshilltarët e të dy krahëve politikë kanë kërkuar që më parë që ato të kalojnë në komisione dhe të jepen shpjegime rreth këtyre projektvendimeve.
Njeri nga këta relacione ka qënë ai “Mbi vendosjen e taksës së përkohshme të kalimit në rrugët në qendër të qytetit të mjeteve të rënda të transportit”, i cili është kundërshtuar nga këshilltari LSI-së Lonik Çuedari i cili e ka quajtur jo normal projektvendimin e mësipërm dhe teknikisht të parealizueshëm.
Projektvendimi i dytë, “Mbi miratimin e ndryshimeve dhe listës përfundimtare të pronave të paluajtshme publike, shtetërore që i transferohen në pronësi ose përdorim bashkisë Berat”, është kundërshtuar nga përfaqësuesit e grupimit të djathtë, të cilët kanë kërkuar të njihen më konkretisht me llojin dhe hartën e pronave.
Këshilltari PDR-së, Arjan Soraj, me qëllim rritjen e imazhit të bashkisë në sytë e qytetarëve dhe mënjanimin e elementeve të korrupsionit në ndarjen e ndihmave, i ka propozuar anëtarëve të këshillit bashkiakë që ndihma ekonomike të mos ndahet më në mjediset e bashkisë, por të kalojë në filialin e shërbimit të “Alb-Postës”, propozim i cili është miratuar nga këshilltarët e bashkisë Berat.
Jashtë rendit të ditës anëtari i këshillit bashkiak të PS-së, dhe ish-kryetari i PS Mensur Hoxha ka kritikuar ashpër kryetarin e bashkisë Fadil Nasufi, i cili, sipas tij, në vend të decentralizimit i ka përqëndruar të ardhurat nga institucionet e kulturës dhe financimin e këtyre institucioneve në duart e përgjegjëses së qendres ekonomike të bashkisë Flutura Mbrati, ndërkohë që flitet për decentralizimin edhe të këtyre institucioneve. Ndërsa ka akuzuar kryebashkiakun Nasufi, Hoxha është shprehur: “Tani që të gjitha institucionet e kulturës janë në varësi të qendrës ekonomike, bashkia rezulton të jetë me dy kryetarë, njëri është Fadil Nasufi dhe tjetra përgjegjësja e qendrës ekonomike Flutura Mbrati. Drejtuesve të institucioneve të kulturës dhe sporteve në qytetin e Beratit tani e tutje u bie që të jenë punonjës transporti pranë qendrës ekonomike të bashkisë. E njëjta gjë duhet të ndodhë edhe me futbollistët e ekipit të “Tomorit”, të cilët, të ndodhur në kategorinë e dytë për shkak të keqmenaxhimit nga ana e bashkisë, edhe këta duhet që të paraqiten pranë qendrës ekonomike të bashkisë për të marrë “liçencën e hamallit”, ka irionizuar ish-kryetari i PS-së, Mensur Hoxha.

Abedin Kaja

Lajmetari: 28.05.2007. |top | Commente | Printo