Home Info Na shkruani Foto nga Berati Lajmet e tjera Arkiva Forumi i Lajmetarit

 

Titujt kryesore

A është Fadil Nasufi Qytetar i Parë i Beratit?

Editorial

Mungesa e sigurisë në rrugë burimi kryesor i aksidenteve

Përmbytet Berati, as një masë për shmangien

Kronika e javes shkurt

Qyteti i rikthehet traditës së hershme

Bashkia me dy kryetarë, njëri Fadil Nasufi
dhe tjetra Flutura Mbrati

 

HOME NEWS KRONIKA

Kronika

 

Mungesa e sigurisë në rrugë burimi kryesor i aksidentevet

Në zbatim të urdhërit të kryeministrit , nr.44 dt.24.03.2006, si dhe nisur nga vlerësimi i gjendjes së infrastrukturës rrugore, gjendje e cila është e lidhur jo vetëm me jetën e drejtuesve të mjeteve, pasagjerëve, por edhe me jetën e këmbësorëve, rreth orës 10:00 të datës 24 maj 2007, prefekti i qarkut Roland Bejko ka thirrur një takim, i cili është zhvilluar në mjediset e prefekturës së qarkut Berat. Në këtë takim krahas nënprefektit të qarkut Fadil Kapllani, merrnin pjesë edhe përfaqësues të bashkive, shefi i qarkullimit rrugor të komisariatit të policisë Berat, Kreshnik Skëndo, drejtori i mirëmbajtjes së rrugëve Astrit Qafa, kryetarë komunash si dhe të ftuar të tjerë. Prefekti i qarkut Bejko, nisur nga numri i lartë i aksidenteve të ndodhura në qarkun e Beratit, të cilat krahasuar me një vit më parë kanë pësuar rritje, është shprehur i pakënaqur me punën e sektorit të qarkullimit rrugor si dhe mungesën e sinjalistikës në akset rrugore, mungesa të cilat janë konstatuar dhe bërë të pranishme nga specialistët e prefekturës që një vit më parë, por që ka vazhduar e njejta gjendje duke mos marrë asnjë masë në drejtim të përmirësimit të saj. “Krahasuar me një vit më parë është punuar shumë pak. Për këtë flasin dhe aksidentet e shumta të ndodhura në qarkun e Beratit, aksidente të cilat kanë përfunduar edhe me vdekje. Krahas rrugëve të dëmtuara, vihen re në mes të qytetit dhjetëra puseta të hapura, ku në vend të kapakëve janë vendosur shpella guri, të cilat shpesh herë për shkak të shmangies prej tyre ato bëhen burim aksidenti. Kjo situatë ngarkon me përgjegjësi jo vetëm policinë e qarkullimit rrugor, por edhe bashkitë, të cilat kanë për detyrë vendosjen e sinjalistikës në të gjitha pikat ku ato janë të domosdoshme”, është shprehur midis të tjerash prefekti Bejko. Më pas specialisti pranë prefekturës Berat Halim Koxhai nëpërmjet pamjeve filmike ka evidentuar pikat më të rrezikshme dhe shkaqet që kanë sjellë aksidentet rrugore të cilat janë:
Aksi rrugor Ura e Goricës-Ura e Hanit, komuna Otllak, ku në vazhdimësi kanë ndodhur gati 50% e numrit të aksidenteve.
Mungesa dhe dëmtimet në sinjalistikën vertikale dhe horizontale.
Shpejtësia, përdorimi i aklkoolit nga drejtuesit e mjeteve si dhe gjendja jo e mirë teknike e mjeteve.
Amortizimi i rrugëve ku një pjesë e konsiderueshme janë me gropa.
Objektet që cënojnë sigurinë rrugore, si ndërtim kioskash në afërsi të rrugës, mure rrethues, hedhja e inerteve në rrugë etj.
Prania e tregjeve në rrugë, si ai në Urën e Goricës, komuna Poshnje etj.
Puna e pamjaftueshme e policisë rrugore, si dhe puna e dobët e sektorit të shfrytëzimit të automjeteve në dhënien e lejeve të drejtimit etj.
Më poshtë Koxhai u shpreh se nëse në rrugët urbane për vitin 2003-2006 kanë ndodhur gjithsej 50 aksidente me 20 të plagosur rendë dhe 11 të vdekur, nga analiza e katër mujorit të parë të vitit 2007 ka rezultuar se në qarkun e Beratit kanë ndodhur gjithsej 17 aksidente ku 7 prej tyre kanë qenë me pasojë vdekje. Nga 17 aksidente të ndodhura gjithsej në qarkun e Beratit për katërmujorin e parë të këtij viti, 14 prej tyre, ku 5 kanë qenë me pasojë vdekje, i përkasin rrethit të Beratit, dhe tri aksidentet e tjera me dy të vdekur kanë ndodhur në rrethin e Kuçovës.
Shefi i sektorit të qarkullimit rrugor të komisariatit të policië Berat, Kreshnik Skëndo, në këtë takim u shpreh: “Pa dashur t’i heqë asnjë presje konstatimit të situatës ku ndodhemi si dhe pa shmangur përgjegjësinë e sektorit të policisë së qarkullimit rrugor, dua të them se jo të gjitha problemet e ngritura varen nga puna e kësaj policie. Ka shumë rrugë të dëmtuara si dhe të bllokuara nga objektet e ndërtuara pa leje, puseta të hapura si dhe mungesë të sinjalistikës. Mungesën e sinjalistikës ne e kemi bërë të pranishme në mënyrë të vazhdueshme nëpërmjet shkresave të dërguara në bashki, por që deri tani nuk është marrë asnjë farë mase në drejtim të këtij problemi. Gjysma e numrit të aksidentuarëve janë këmbësorë, ndaj për këtë kërkojmë edhe bashkëpunimin me shkollat me qëllim që nxënësve t’u bëhen të njohura rregullat e qarkullimit të këmbësorëve në rrugë”.
Krahas 7391 gjobave gjithësej të vendosura nga sektori i qarkullimit rrugor për katermuajorin e parë të këtij viti, janë hequr edhe 62 leje drejtimi nga ku , 5625 gjoba dhe 58 leje drejtimi i përkasin rrethit të Beratit.
Drejtori i mirëmbajtjes së rrugëve Astrit Qafa, midis të tjerash, tha se puna jonë është përqëndruar në drejtim të mirëmbajtjes së rrugëve si dhe pajisjen e tyre me sinjalistikë, e megjithatë ngelet ende shumë për të bërë në këtë drejtim. Sipas drejtorit Qafa problem ngelet mirëmbajta e urave  të cilat rrezikohen nga kalimi sipër tyre i mjeteve me peshë mbi 40 ton, të cilat transportojnë pllaka guri ndërkohë që kapaciteti mbajtës i këtyre urave është deri në 24 ton.
Në fund të takimit prefekti Roland Bejko ka kërkuar nga policia ndertimore që bashkë me prishjen e të gjitha ndërtimeve pa leje të prishë edhe objektet pa leje të cilat kanë ngushtuar rrugët dhe që në disa raste janë bërë burim aksidentesh, ndërsa ka lënë për drejtorët në vartësi të tij një sërë detyrash dhe kërkoi prej tyre rritjen e bashkëpunimit me përfaqësuesit e pushtetit vendor me qëllim që, siç u shpreh ai, t’i jepet fund situatës së gjendjes së pasigurisë në rrugë, si dhe kërkoi prej tyre që për të gjitha detyrat e marra të raportohet deri në dt.10 qershor të këtij viti, kohë prej nga do dilet edhe me masa konkrete.

Abedin Kaja

 

Lajmetari:28.05.2007. |top | Commente | Printo