Home Info Na shkruani Foto nga Berati Lajmet e tjera Arkiva Forumi i Lajmetarit

Takimi ne prefekture.

Titujt kryesore

Ndodhi ajo që pritej.

Editorial

Ndërtimet paleje në qytetin muze, gati ruspat

Tenton të përdhunojë mikeshën

Kronika e javes shkurt

Konstituohet këshilli i qarkut, triumfon Pelivan Shatri

HOMAZH PËR EMRIN E NJERIUT

 

Udhëtimi i artistit- Ekspozite e piktorit Jak Sereqi

Pse humbi Partia Demokratike në Berat

Tomori turpërohet në shtëpi nga Gramshi

HOME NEWS KRONIKA

Ndërtimet paleje në qytetin muze, gati ruspat

Lirimi nga ndërtimet pa leje i qytetit të Beratit, dhe sidomos i lagjeve muzeale të tij, ka qënë sërish në fokusin e diskutimit të institucionit të prefektit. Me urdhër të prefektit të qarkut, Roland Bejko, në fillim të këtij viti është ngritur një grup pune i përbërë nga bashkia Berat, dega e policisë ndërtimore dhe institucioni i prefektit, i cili ka evidentuar ndërtimet pa leje në qytetin e Beratit nga ku ka rezultuar se qytetarët vazhdojnë të ndërtojnë pa leje ndërtimi, me pretendimin se kanë bërë vetdeklarimin për legalizimin e këtyre objekteve. Po kështu grupi i punës ka evidentuar se në bashkinë e Beratit janë 577 ndërtime pa leje, ndërkohë që në zyrën e ALUIZNI-t, janë vetdeklaruar 2276 ndërtime. Për vitin 2005 bashkia Berat ka njoftuar në prefekturën e qarkut 87 ndërtime të kundraligjshme. Për periudhën janar-dhjetor 2006 ka njoftuar 64 ndërtime të kundraligjëshme, nga këto në territorin e shkollave 14 objekte për të cilat policia ndërtimore ende nuk ka ekzekutuar vendimet për prishjen e tyre. Më problematike situata është në zonën muzeale, ku aktualisht, sipas drejtorit të monumenteve të kulturës Nallbani, janë 147 ndërtime pa leje, të cilat konsistojnë në hapje muresh rrethues për garazhe makinash, zëvendësimi i dyerve dhe dritareve të banesave prej druri me dritare duralumini, përdorimi i betonit etj. Këto ndërtime në masën 80% të tyre janë të riparueshme, pasi nuk kërkojnë prishje, por vetëm përshtatjen e tyre me zonën muzeale, është shprehur Nallbani. Po kështu, sipas drejtorit të Aluiznit Aleksandër Melonashi, në lagjet muzale janë ndërtuar edhe rreth 60 objekte të reja pa leje për të cilat pronarët kanë paraqitur dokumentat për legalizimin e tyre, por që sipas Melonashit ligji nuk parashikon legalizimin e ndërtimeve pa leje në zonat muzeale.

Lidhur me këtë problem, të cilit me sa duket po i vjen fundi, prefekti Roland Bejko rreth orës 11:00 të ditës së premte ka thirrur një takim, ku krahas kryetarit të bashkisë Fadil Nasufi, kanë qënë të pranishëm edhe drejtori rajonal i monumenteve të kulturë Berat Ajet Nallbani, drejtori i degës së policisë ndërtimore Rrezart Dollani, drejtori i bordit të kullimit, i cili disponon mjete për prishjen e ndërtimeve pa leje, Bujar Dhëmbo, shefi komisariatit të policisë Berat Artan Mehmeti etj. Në këtë takim prefekti Bejko u shpreh se aksioni i nisur muaj më përë për prishjen e ndërtimeve pa leje do të rifillojë së shpejti dhe për këtë nuk do të ketë më kthim prapa, pasi qyteti i Beratit që të bëhet një qytet i hapur, atraktiv dhe tërheqës për turistët vendas dhe të huaj duhet që të ketë kujdesin njerëzor.
“Askush mos të mendojë se do t’i shmanget ndëshkimit ligjo, një situatë e tillë duhet dhe do të marrë fund njëherë e mirë dhe për të realizuar këtë aksion do të veprojmë të gjithë në bllok.Edhe pse nuk ka munguar bashkpunimi me bashkinë prishja e ndërtimeve pa leje nuk ka qënë e suksesshme, pasi policia ndërtimore është treguar e mefshtë në punën e saj”,- u shpreh në vazhdim prefekti Bejko.
Më pas drejtori i monumenteve të kulturës Ajet Nallbani, pasi solli për të pranishmit pamje filmike të ndërtimeve pa leje në zonat muzeale dhe ato tampon, u shpreh se zona më problematike është faqja lindore dhe ajo perndimore e lagjes “Kala”, ku si rezultat i “zaptimit”, për ndërtime të sipërfaqeve në të dyja këto pjesë, jo vetëm që është ndërtuar pa leje, por edhe nuk janë patur parasysh kriteret e ndërtime në zona të tilla. Po kështu në lagjen “Kala” janë ndërtuar edhe disa antena televizive të kompanive private, të cilët kanë betonizuar sipërfaqet ku ngrihen, ndërkohë që ligji e ndalon në mënyrë kategorike ndërtimin e këtyre antenave në zonat muzela.Për të gjitha konstatime,t u shpreh më poshtë Nallbani, ne kemi vendosur gjoba në 15 objekte, të cilat varjojnë nga 100 deri 500 mijë lekë, por as kjo masë nuk e ka zgjidhur problemin, pasi për të ndëshkuar ndërtuesit e objekteve pa leje është një kalvar i tërë veprimesh burokratike dhe më në fund duhet që të vendosë gjykata dhe më pas të veprojë përmbarimi dhe kësisoj gjithçka ka vazhduar ashtu si edhe më parë, duke mos u ndëshkuar askush. Gjithëashtu Nallbani kërkoi që të verifikohen lejet e ndërtimit, pasi ka leje që janë të fallsifikuara, ku siper shkresave mund të jenë vendosur vula fallso.
Kryetari bashkisë Fadil Nasufi duke mos iu shmangur përgjegjësisë për ndërtimet pa leje, sidomos në lagjet muzeale dhe zonat tampon, u shpreh se edhe gjobat e vendosura nga bashkia, ashtu si në rastin e drejtorisë së monumenteve të kulturës, kanë rezultuar të paefektshme dhe nuk e kanë disiplinuar gjendjen për shkak se ato nuk janë ekzekutuar.Në radhë të parë përgjegjesia për këto ndërtime është e bashkisë Berat, pasi këto ndërtime janë brenda territorit të saj, ndërtime që kanë filluar 16 vjet më parë dhe që vit pas viti janë rritur në numër. Më poshtë Nasufi u shpreh se për prishjen e këtyre ndërtimeve më parë duhet që të bëhet një studim urbanistik. Në lidhje me antenat e vendosura në lartësin e Kalasë, Nasufi u shpreh se duhet që pronarëve të këtyre antenave t’u lihet një afat kohor për t’i zhvendosur ato në një vend tjetër, duke propozuar si vend të mundshëm lartësinë në Sheshin e Dosave. Në përfundim të takimit u vendos që në kohën më të shpejtë të mundëshme të ditëve të ardhshëme prefektura, bashkia dhe policia ndërtimore, të mbështetur edhe nga policia e rendit dhe të ndihmuar me mjete nga drejtoria e bordit të kullimit, do të fillojnë prishjen e të gjitha nërtimeve pa leje, të cilat do të fillojnë nga zonat muzeale, duke zbritur në zonat tampon dhe të gjithë qytetin, për të vazhduar më pas në zonën naftëmbajtëse të Kuçovës.

Lajmetari:30.04.2007. |top | Commente | Printo