Home Info Na shkruani Foto nga Berati Lajmet e tjera Arkiva Forumi i Lajmetarit

Foto Y. Hima

 

 

Titujt kryesore

Berati dhe qendra historike e tij.

Editorial

Ndahen çmimet “PEGAS 2006-2007”

LSI ALEANCE E QARTE ME PD PER KRYETARIN E KESHILLIT TE QARKU

Gazment Shehu, maratonomaku nga Berati

HOME NEWS EDITORIALE

Këshilli i qarkut dhe ligji bolshevik për qarkun

 

Prej disa vitesh në Shqipëri funksionon këshilli i qarkut, i cili ushtron pushtetin e vet në hapsirën ku përfshihen bashki dhe komuna të tëra. Në qarkun e Beratit, bie fjala, përfshihen 5 bashki dhe mjaft komuna. Këshilli i qarkut aktualisht kryen shërbime mjaft të rëndësishme në rang rajoni siç janë investimet në shëndetësi, arsim, rrugë rurale etj. Krahas investimeve këshilli i qarkut harton politikat rajonale të zhvilllimit, bashkërendon këto politika me njësitë e tjera vendore si bashki e komuna.
Po ta shohësh nga funksioni është vëren se është një institucion i rëndësishëm në shërbim të qytetarëve dhe vendit. Nëse do të shohim formën e ngritjes së këshillit të qarkut do të vërejmë se formimi i tij nuk është aspak demokratik. Madje me plot gojën mund të themi se është tipik bolshevik.
Pse mendoj kështu? Sepse parimi themelor i formimit të qarkut është shumica që zgjedh shumicën duke dërrmuar deri në likujdim pakicën. Bie fjala nëse një parti politike ka fituar në rang qarku 6 % të të gjitha votive, në qarkun e Beratit me 51 anëtar nuk përfaqësohet. Sipas ligjit demokratik të përfaqësimit sipas votës së marrë, kjo forcë politike duhet të kishte në këtë qark të paktën 3 anëtarë.
Në qarkun aktual, jo të riun, Partia Demokratike ka fituar afro 30 % të votave dhe sipas ligjit themelor të përfaqësimit sipas votës së marrë duhet të kishte afro15 këshilltarë, ndërsa ka vetëm 5 anëtarë. Ligji aktual thotë se këshilltarët zgjidhen nga këshillat bashkiakë dhe komunalë me votë të fshehtë. Në fakt, nëse do të votohej normalisht në rajonin e Beratit e djathta në opozitë në pushtetin vendor do të kishte aq anëtarë të këshillit të qarkut, sa ka kryetarë komunash dhe bashkishë, domethënë nja 2-3 anëtarë. Falë pazareve, votimit tribal dhe shitjes së votës (dhe së bashku me të edhe shitjes së identitetit politik), në qarkun e Beratit mund të ketë më shumë se kaq anëtarë në këshillin e qarkut që ligjërisht përfaqësojnë të djathtën, ndërsa faktikisht një Zot e di se ç’përfaqësojnë!
Ky ligj duke patur në themel parimin bolshevik zhduk sidomos përfaqësimin e partive të vogla, por tepër të rëndësishme për funksionin normal të demokracisë në qark.
Ky ligj thellësisht antidemokratik, antikushtetues është kaluar dhe kalohet në heshtje, sepse nuk prek interesat e partive të mëdha. Nëse shumica e Partisë Socialiste zgjedh shumicën në qarkun e Beratit, shumica e Partisë Demokratike vepron po kështu në një rajon ku shumica i takon asaj.
Partitë e tjera që janë jashtë skemës bolshevike të dy partive të mëdha mbeten pa përfaqësim. Nëse një këshill qarku me 51 anëtarë ka vetëm 5 anëtarë të opozitës, atëherë kurrësesi nuk mund të funksionojë në mënyrë demokratike.
Ai mund të jetë këshilli popullor i rrethit cit me komunistë dhe midis tyre edhe nja 4-5 anëtarë që përfaqësojnë bashkimet profesionale, organizatën e gruas, a të rinisë. Një institucion pluralist me një spektër të tillë, nuk mund të quhet pluralist. Dhe aty merren vendime që kryejnë shërbime afro dy milionë dollarë në vit.
Edhe pas zgjedhjeve të fundit këshilli i qarkut do të jetë sërish këshilli popullor i qarkut të Beratit. Vota e marrë nga qytetarët është shpërfillur falë një ligji tipik stalinist si ligji ekzistues i formimit të këshillit të qarkut.

Yzedin Hima

Lajmetari: 09.04..2007. |top | Commente | Printo