Home Info Na shkruani Foto nga Berati Lajmet e tjera Arkiva Forumi i Lajmetarit

.

 

 

Titujt kryesore

Zgjedhjet mbaruan ... zgjidhjet kur do të fillojnë

Editorial

Këshilltarët e bashkisë Berat

Rezultatet pas numerimit te votave per Kryetar Bashkie Berat e Kuçove

Kronika e javes shkurt

Kisha e “Shën Gjergjit”, i kthehet të zotit

HOMAZH PËR EMRIN E NJERIUT

 

Udhëtimi i artistit- Ekspozite e piktorit Jak Sereqi

Pse humbi Partia Demokratike në Berat

Tomori turpërohet në shtëpi nga Gramshi

HOME NEWS KRONIKA

Kisha e “Shën Gjergjit”, i kthehet të zotit

Kisha 660- vjeçare e “Shën Gjergjit”, e cila ndodhet në kalanë e ndertuar në shekullin IV para Krishtit dhe e ribërë nga Mëhilli I, Engjëll Komeneni, në vitin 400, i është kthyer të zotit.
Premtimi i Kryeministrit Berisha në muajin shkurt të këtij viti për kthimin e kishës besimtarëve ortodoksë që deri tani ka qenë pronë e Drejtorisë së Shërbimeve Qeveritare si dhe ndryshimi i ligjit, me qëllim hipotekimin e pronave të komuniteteve, ka bërë që kjo kishë më në fund t’u kthehet besimtarëve të cilëve ajo u përket.
Kisha e “Shën Gjergjit” është rindërtuar dy herë, në vitin 1346 dhe në vitin 1605, pra, 407 vjet më parë.
Ajo ka marrë emrin kisha e “Shën Gjergjit” për të nderuar heroin tonë kombëtar Gjergj Kastriot Skënderbeun. Vlerat historike dhe kombëtare të kësaj kishe janë të shumta.
Në vitin 1990-1991, me vendim të qeverisë së atëhershme, u kthyen disa objekte kishtare, por kisha e “Shën Gjergjit” nuk u kthye dhe ngeli pronë e Drejtorisë së Shërbimeve Qeveritare, duke vazhduar kështu destinacionin e atëhershëm të shërbimit për pritjen e drejtuesve të shtetit.
Në vitin 1997 objekti u shkatërrua në të gjitha ambjentet e brendshme te tij. Në 12 janar të vitin 1999, Këshilli i Ministrave i ndau në dy pjesë objektet që do të ktheheshin dhe midis objekteve të kultit që do të ktheheshin, ishte dhe kisha e “Shën Gjergjit”, por edhe pas kësaj gjithçka e mbuloi harresa. Në vitin 2003 u dha një urdhër që objekti të inventarizohej mirëpo bashkiakët e atëhershëm nuk e firmosën urdhërin, pasi sipas besimtarëve ortodoksë njeri prej pushtetarëve kërkonte ta tjetërsonte dhe ta kthente në pronë të vetën ish-pikën turistike, pronë e hershme e kishës ortodokse.
Në muajin maj të vitit 2005 kisha u kërkua nga ana e autoriteteve të mitropolisë së Beratit t’u kthehej besimtarëve ortodoksë, kërkesë e cila u pranua nga Drejtoria e Shërbimeve Qeveritare, por që nuk u miratua nga instancat përkatëse të Këshillit të Ministrave. Rikthimi i kishës së “Shën Gjergjit”, bëhet në kuadrin e përpjekjeve që po bën qeveria shqiptare për rikthimin e pronave për besimet fetare në Shqiperi, gjë që më së fundi e tregon edhe ndryshimi i ligjit, me qëllim hipotekimin e pronave të komuniteteve.

Abedin Kaja

 

Lajmetari:26 03 .2007. |top | Commente | Printo