Home Info Na shkruani Foto nga Berati Lajmet e tjera Arkiva Forumi i Lajmetarit

.

Kastriot Dervishi

Titujt kryesore

Zgjedhjet mbaruan ... zgjidhjet kur do të fillojnë

Editorial

Këshilltarët e bashkisë Berat

Rezultatet pas numerimit te votave per Kryetar Bashkie Berat e Kuçove

Kronika e javes shkurt

Aprovuan kandidatet e PD-se per kryetar bashkie dhe komuna.

HOMAZH PËR EMRIN E NJERIUT

 

Udhëtimi i artistit- Ekspozite e piktorit Jak Sereqi

Pse humbi Partia Demokratike në Berat

Tomori turpërohet në shtëpi nga Gramshi

HOME NEWS POLITIKA

Pse humbi Partia Demokratike në Berat

 

Të humbasësh një garë elektorale është normale, njëra palë do të fitojë, kjo është një llogjikë e thjeshtë. Kjo është një përgjigje që e jep një votues i thjeshtë, i cili shkon për të votuar, voton të preferuarin e tij dhe pret rezultatin. Por, pas rezultatit negativ, në rastin e votuesit demokrat, lind pyetja:
Pse humbi Partia Demokratike në Berat?
Unë po mundohem të rendis disa arsye për opinionin për të analizuar humbjen e Partisë Demokratike në Berat, që analiza të mos jetë sipërfaqësore dhe përgjegjësia të shkojë në vendin e saj.
Në Berat nuk fituan socialistët.
Në Berat humbën demokratët.
Socialistët nuk mund ta fitonin Beratin, pasi dihet puna e tyre në 8-të vitet e qeverisjes qëndrore, e cila e mori ndëshkimin më 3 korrik 2005, dhe këtë ndëshkim ia dha ekipi kompakt i PD-së, ku në territorin e bashkisë deputeti Xheka së bashku me Haznedarin, plus LZHK-në morën mbi 9000 vota, ndërsa në 18 shkurt aleanca e djathtë mori 6800 vota.
Me marrjen e pushtetit PD-ja filloi menjëherë me reformat, për të ndryshuar imazhin e qeverisjes së korruptuar të socialistëve. Drejtuesit e PD-së me koncept modern, filluan të zbatonin programin e qeverisë për zbatimin e reformave. Filloi të ndihej era e ndryshimit, qeverisja në Berat iu bashkua qeverisjes qëndrore.
Në këto momente vëmendja e PD-së si në qendër dhe në bazë, u përqendrua tek reformat dhe kjo është normale. Partitë në sistemin demokratik e marrin pushtetin për të qeverisur, ju drejtohen qytetarëve me modelin e tyre qeverisës dhe jo me modelin e drejtimit të partisë-shtet, tipar i shoqërive totalitare. Qytetarët votojnë programin e forcës politike për t’u qeverisur.
Pikërisht këtu fillon edhe keqkuptimi i parë.
Përkrahësit, anëtarët, simpatizantët e kërkojnë zgjidhjen tek partia, kjo si një reminishencë e sistemit të kaluar. Atyre nuk ju interesojnë reformat dhe mënyra se si po qeverisen. Dhe pikërisht, me këtë frymë, një grup i përcaktuar qartë në qëllimet e tyre filluan sulmin denigrues ndaj drejtuesve të PD-së, të cilët e mbajtën Partinë Demokratike për 8-të vite në një opozitë të vështirë, duke i përkufizuar si xhaketa të vjetra (term i huazuar nga lufta brenda kampit socialist). Ishin këto”xhaketa të vjetra”, që në 3 korrik i dhanë fitoren e shumëpritur demokratëve beratas. Ky grup, që unë do ta përkufizoja, grup sharlatanësh, nuk lanë gjë pa shpifur për drejtuesit e PD-së. Në këto kushte, qëndra u bë pre e këtij presioni dhe u besoi atyre drejtimin e PD-së, duke mbyllur sytë dhe duke vendosur apriori në krye të një partie me vlera historike si PD-ja, kryetarin e Partisë Punëtore (partite punëtore njihen si parti të ekstremit të majtë) shokun Shkëlqim Hysi. Shoku Hysi, me të marrë në dorë partinë, falë përvojës së militimit në partite e majta, filloi sulmin e menjëhershëm për denigrimin e personaliteteve të PD-së dhe rezultati u duk hapur në kuvendin e nëndegës 74, ku në forumet drejtuese të partisë dolën individë pa vlera, të paarsimuar dhe pa integritet. Nën dhe filloi një luftë e ashpër midis drejtuesve të rinj të partisë dhe pjesës integrale të Partisë Demokratike. Një pjesë mundohej të justifikonte ardhjen e një të majti në krye të PD-së me idenë e marrjes së votave nga e majta, herë- herë afrimi i ndonjë “larushi” shfaqej si vlerë dhe aftësi për diversion ndaj të majtës. Por ky fenomen siç u duk edhe në 18 shkurt dha rezultat të kundërt. Kjo i rëndoi rëndë PD-së, pasi i humbi identitetin e saj. E djathta integrale nuk e gjeti vendin e saj që i takon në PD.
Një arsye tjetër e rëndësishme e humbjes ishte edhe mos denjimi nga shoku Hysi për nënshkrimin e aleancës me aleaten qeverisëse, PBDNJ dhe konkretisht zonjën Ilda Sylari. I kam kërkuar shokut Hysi (pas kërkesës së znj. Sylari) të mbrojë kandidaturën e znj. Sylari në listën e këshilltarëve të PD-së dhe znj. Sylari nuk do të kandidonte në maxhoritar. Shoku Hysi si ekspert politik më deklaroi se zj. Sylari nuk merr as votën e vet dhe nuk kemi nevojë për këtë aleancë. Zj Ilda Sylari mori plot 660 vota në maxhoritar dhe pikërisht në bastionet e PD-së, Mangalem, Kala, Goricë, etj.
Paraqitja e listës së këshilltarëve të PD-së, listë e formuluar tërësisht me prepotencë nga kryetari duke shkelur statutin e PD-së, duke anashkaluar kryesinë e partisë, vendosja në krye të listës e personave që do të bëjnë për të qeshur qytetin dhe për të qarë demokratët, e dha rezultatin.
Vendosja në krye të fushatës e kryetarit të Partisë Republikane z. Kasëm Mahmutaj, tregoi qartë dhe hapur se PD-ja e Beratit kishte mbaruar, ishte e paaftë për të drejtuar fushatën dhe se kishte probleme të mëdha brenda saj.
Mospërkrahja e kandidatit Sali Hoxha nga shoku Hysi, u duk fare hapur gjatë fushatës. Për shokun Hysi, Sali Hoxha nuk ishte i përzgjedhuri i tij. Edhe në lagjet, ku 6-të vjet më parë shoku Hysi mori nja njëmijë vota si kandidat i Partisë Punëtore, ku pritej edhe përkrahja masive, rezultati ishte i dobët. Ndërsa komunat ku shkoi kryetari i degës së PD-së i fitoi të gjitha Partia Socialiste, me përjashtim të komunës Cukalat, ku fitoi falë punës së kandidatit Justinian Zyka. Po kështu edhe bashkinë e Urës Vajgurore. Rezultati i degës së PD-së në Berat është rezultati më i dobët në të gjithë vendin.
Po të vazhdoj të rendis fakte ato janë pa fund. Rezultati është mirë të analizohet në anëtarësinë e Partisë Demokratike.
Unë si një nga “xhaketat e vjetra” të Partisë Demokratike (nuk ka nder më të madh se të jesh xhaketë e vjetër e PD-së, turp është të jesh xhaketë e vjetër apo e kthyer e PS-së) i kërkoj kryetarit të Partisë Demokratike zotit Shkëlqim Hysi (hera e pare që e quajta zoti, pasi pranë emrit Parti Demokratike nuk shkon fjala shoku), të japë dorëheqjen. Përvoja në PD është e pasur, Zoti Haznedari, edhe pse fitoi qytetin në një fitore të jashtëzakonshme, duke humbur si kandidat dha dorëheqjen duke vepruar si një politikan i civilizuar.
Ju, shoku Hysi keni humbur kudo, në qytet, në fshat, në lagje, madje edhe ish partia juaj ka humbur thellë, humbje e cila na rëndon ne demokratëve.
Pra, PD-ja e Beratit humbi sepse në krye ka një kryetar që po bën për të qeshur me performancën e tij qytetin dhe për të qarë demokratët.
Futja e Partisë Demokratike në Berat në një process të ri zgjedhor duke filluar nga seksionet dhe deri në zgjedhjen e kryetarit është e vetmja analizë me vlerë, e cila do t’i japë frutet në 2009-ën.

 

Lajmetari: 26.02.2007. |top | Commente | Printo