Home Info Na shkruani Foto nga Berati Lajmet e tjera Arkiva Forumi i Lajmetarit

.

 

 

Titujt kryesore

Zgjedhjet mbaruan ... zgjidhjet kur do të fillojnë

Editorial

Këshilltarët e bashkisë Berat

Rezultatet pas numerimit te votave per Kryetar Bashkie Berat e Kuçove

Kronika e javes shkurt

Aprovuan kandidatet e PD-se per kryetar bashkie dhe komuna.

HOMAZH PËR EMRIN E NJERIUT

 

Udhëtimi i artistit- Ekspozite e piktorit Jak Sereqi

Pse humbi Partia Demokratike në Berat

Tomori turpërohet në shtëpi nga Gramshi

HOME NEWS KRONIKA

Lajme shkurt

Vodhi farmacinë, pranga 20- vjeçarit

Aksidetohet 60- vjeçari,vdes rrugës për në spitalin ushtarak Tiranë

Prangoset nga policia Kishte kthyer banesën në shtëpi publike

17 vjet burg për xhelozin vrasës

 

Vodhi farmacinë, pranga 20- vjeçarit

Berat - I ngelur pa lekë në xhep, kishte ditë që mendohej për të realizuar një vjedhje.
Pasi e kishte vrarë mendjen, ai kishte piketuar që të kryente një vjedhje ndryshe nga të tjerët që në kësi rastesh preferojnë të vjedhin banesa dhe dyqane. 20- vjeçari Markel Gjika, banor i lagjes “10 Korriku”, pasi kishte studiuar disa prej objekteve, ku pas vjedhjes mund të siguronte disa lekë, ia kishte vënë syrin një farmacie të ndodhur në afërsi të poliklinikës së specialiteteve në lagjen “8 Nentori”.
Vjedhja është realizuar në mesëditë ku shtetasi M.Gjika, pasi ka mundur që të thyej kuçin e qepenës prej hekuri, ka depërtuar në brendësi të farmacisë dhe më pas i është drejtuar sirtarit ku mbaheshin lekët, të cilin me sa duket e kishte piketuar që më parë.
Pasi e ka hapur atë ka nxjerr prej andej 1500 mijë lekë, të cilat më pas kanë përfunduar në xhepin e vjedhësit.
Por ende pa kaluar 10 ditë, agjentët e policisë kriminale kanë grumbulluar informacionin e nevojshëm për të zbuluar autorin e vjedhjes së farmacisë dhë pas përgjegjes të krahasimit të gjyrmëve të gishtave në laboratorin kriminalistik ka rezultuar që M.Gjika të jetë vjedhës i farmacisë.
Pas kësaj oficerët e policisë kriminale nuk kanë nguruar që të prangosin të riun Gjika, i cili sipas organit të hetimit, mund të jetë një vegël e bindur e një rrjeti vjedhsish të cilët fshihen pas tij.

Ne krye

Aksidetohet 60- vjeçari,vdes rrugës për në spitalin ushtarak Tiranë

Berat - Rruga nacionale Berat-Ura Vajgurore dhe në veçanti pjesa që i përket komunës Otllak e cila është edhe pjesa më fushore e kësaj rruge, është aksi ku në vazhdimësi kanë ndodhur aksidete, pjesa më e madhe e të cilëve me pasojë vdekje.
Aksidenti i fundit në këtë aks rrugor, i ndodhur në vendin e quajtur “Kthesa e Lapardhasë”ose “Kthesa e vdekjes”, siç e quajnë banorët e fshatit Lapardha, ka marrë një jetë tjetër njerëzore.
Shtetasi Azbi Shkurti, vjeç 60, nga fshati Lapardha, ka qenë viktima e radhës midis disa viktimave të tjera të cilat kanë humbur jetën në këtë vend. Pjesa më e madhe e viktimave e kanë humbur jetën në momentin që kanë tentuar të presin rrugën kryesore për të kaluar në anën tjetër të saj në pritje të ndonjë mjeti të rastësishëm për të shkuar më pas për në destinacionin ku ata do të shkonin.
Njëri prej banorëve të komunës Otllak, i ndodhur në vendngjarje, shprehet për gazetën se në këtë pjesë të rrugës, e cila është thuajse e populluar gjatë gjithë ditës dhe deri në orët e vona të saj është e domosdoshme që të ndërtohet një mbikalim, i cili do të ndihmonte kalimtarët që të hidheshin në pjesën tjetër të rrugës dhe anasjelltas.
60- vjeçari Shkurti kishte dalë nga shtëpia e tij e ndodhur në fshatin Lapardha dhe, ndërsa ka tentuar të presë rrugën për tu hedhur në krahun tjetër të saj në pritje të autobuzit të linjës për të ardhur për në qytetin e Beratit, është goditur nga mjeti tip “Wolsvagen”, me targa greke, KYA 6864 me drejtues mjeti shtetasin Lefter Arshini, vjeç 33, nga fshati Pashalli, komuna Perondi e rrethit Kuçovë, i cili udhëtontë nga Berati për Kuçovë.
Menjëherë pas aksidentit 60- vjeçari Shkurti është derguar me urgjencë për repartin e kirurgjisë të spitalit civil rajonal të qytetit të Beratit nga ku ka marrë ndihmën e parë mjekësorë nga mjekët kirurgë të këtij reparti. Gjendja e rënduar shëndetësore e A.Shkurtit për shkak të frakturave dhe goditjeve në kokë, i ka detyruar mjekët që ta nisin atë me urgjencë për në spitalin ushtarak Tiranë, por ndërsa ambulanca udhëtontë drejt Tiranës, 60 -vjeçari ka ndërruar jetë në afërsi të Durësit.
Në vendngjarje kanë shkuar ekspertë të policisë rrugore dhe grupi hetimor, i cili po punon për përcaktimin e shkaqeve të aksidentit me pasojë vdekjen e të ndjerit Azbi Shkurti.
Abedin Kaja

Ne krye

Prangoset nga policia Kishte kthyer banesën në shtëpi publike

Berat - Kishte rreth katër muaj që e kishte kthyer banesën e vet në shtëpi publike, duke filluar një aktivitet që mendonte se do t’i sillte fitime të konsiderueshme, ngaqë nuk paguante asnjë lloj qiraje.
Vetëm njëra nga dhomat ishte adaptuar për ushtrim prostitucioni, megjithëse është konstatuar se vizitat e shpeshta të njerëzve të panjohur, midis të cilëve edhe pleq, kanë ardhur në rritje.
Por, nga sa duket, pikërisht ky shtim klientele ka bërë që dhoma publike të bjerë në sy të komshinjve, të cilët në fillim kishin menduar se njerëzit shkonin në shtëpinë e mjekes popullore 37-vjeçare për t’u yshtur dhe për t’u shëruar nga syri i keq.
Më pas, komshinjtë kishin vënë re se klientët dilnin më pak energjikë sesa dukeshin në momentin e hyrjes për në banesë. Çfarë pra po ndodhte në shtëpinë misterioze të K.M? Për të mësuar më tepër rreth banesës njëkatëshe në lagjen “Donika Kastrioti”, disa prej komshinjve kanë njoftuar agjentët e policisë kriminale, të cilët kanë filluar ta mbajnë në vëzhgim shtëpinë.
Pas rreth katër muaj hetimesh dhe grumbullim të dëshmive, agjentët e policisë kanë organizuar punën e kapjes në flagrancë të 37-vjeçares K.M. e cila ushtronte prostitucion në banesën e vet. Në mesditën e djeshme, dy prej klientëve të saj të rregullt, një burrë rreth 65 vjeç dhe kolegu i tij 72 vjeç, kanë hyrë njëri pas tjetrit në banesën njëkatëshe të K.M, por janë kapur në flagrancë prej agjentëve të policisë kriminale dhe oficerëve të luftës kundër trafiqeve dhe prostitucionit.
Këta kanë hyrë befasisht në banesën e qejfit dhe kanë prangosur pronaren që priste dhe përcillte kientët. Më pas, klientët e gjetur në dhomë janë shoqëruar për në mjediset e policisë, ku kanë rrëfyer përpara oficerëve të policisë të gjitha mëkatet që kishin bërë. Ata iu kanë thënë oficerëve se kishin disa muaj që ishin klientë të rregullt të 37-vjeçares K. M dhe se për të shuar epshet e tyre seksuale paguanin nga 500-1000 lekë.
Ndërsa, klientët, pas marrjes në pyetje janë lënë të lirë, shtetësja K.M. është ndaluar për konsumimin e veprës penale “ushtrim prostitucioni”, parashikuar nga neni 113 i K.Penal.
Në harkun kohor prej tre muajsh, arrestimi i djeshëm e çon në tre numrin e të ndaluarve për ushtrim prostitucioni në lokalet dhe banesat e tyre, ku protogoniste kanë qenë femrat.

Ne krye

17 vjet burg për xhelozin vrasës

Berat- Është penduar për vrasjen e bashkëshortes, por kjo pendesë nuk ka mundur që ta shpëtojë nga denimi me 17 vjet burg për një vrasje të ardhur nga xhelozia e sëmurë.
Kjo ka qenë masa e denimit të dhënë nga trupi gjykues i kryesuar nga gjyqtari Agron Vavla në seancën e zhvilluar në mesditën e djeshme në gjykatën e faktit Berat.
Në seancën, ku është gjykuar vrasësi i bashkëshortes Ismail Lace organi i akuzës përfaqësohej nga prokurori Tasim Puci, i cili, pasi i solli trupit gjykues provat dhe dëshmitë që e akuzojnë shtetasin Ismail Lace, vjeç 40, lindur dhe banues në lagjen “11 Shkurti” të qytetit të Kuçovës, se më 17.10.’06, ka vrarë me thikë bashkëshorten e vet Natasha Lace, vjeç 38, lindur në lagjen “Uznovë” të qytetit të Beratit dhe banuese në lagjen “11 Shkurti” të qytetit të Kuçovës, i ka kërkuar trupit gjykues 19 vjet burg për I.Lacen, akuzë e parashikuar nga neni 76 i kodit penal.
Prokurori Puci, pasi i është referuar dosjes hetimore, solli si prova që e akuzojnë shtetasin Ismail Lace në kryerjen e krimit të vrasjes së bashkëshortes Natasha, arrestimin në flagrancë të tij, thikën me të ciliën është kryer krimi si dhe rrobat e gjakosura të autorit të krimit. 40-vjeçari Ismail Lace në seancën e djeshme ka shprehur pendesë për krimin e vrasjes me thikë të bashkëshortes së tij 38 -vjeçare Natasha Lace, duke i thënë trupit gjykues së ka qenë xhelozia ajo që e ka tjetërsuar atë nga një njeri normal në vrasës.
Në fund të seancës trupi gjykues, pasi është njohur me provat që e akuzojnë shtetasin I.Lace për vrasjen e bashkëshortes së tij, ka vendosur që Ismailit t’i japë masën e dënimit 17 vjet burg nga 19 që kishte kërkuar prokurori T.Puci.
Bashkëshortët Lace kishin dy fëmijë përkatësisht 18 dhe 20 vjeç. Krimi me pasojë vrasje, ka ardhur pas konflikteve të gjata që kanë patur midis tyre Ismaili dhe Natasha dhe ka si motiv xhelozinë e Ismail Lace ndaj bashkëshortes së vet, xhelozi e cila e ka shtyrë Ismailin që të mendojë se ish- bashkëshortja e tij e tradhtonte.
Debatet dhe mosëmarrveshjet mes bashkëshortëve Lace kanë kulmuar ditën e martë të javës së tretë të muajit tetor të vitit të kaluar, kur Ismaili ka marrë thikën dhe e ka qëlluar Natashën disa herë në pjesën e gjoksit,ku njëra prej goditjeve që ka qënë në afërsi të zemrës ka bërë që 38- vjeçarja, nënë e dy fëmijëve, të gjejë vdekjen e menjëhershme. Pas kryerjes së krimit Ismaili iu është dorëzuar uniformave blu duke pranuar autorësinë e krimit.
Më pas grupi hetimor, i cili ka shkuar në vendngjarie, ka sekuestruar në cilësinë e provës materiale në banesën e shtetasit Lace, thikën me të cilen është kryer krimi dhe rrobat e gjakosura të autorit të krimit.
Më pas trupi i viktimës është përcjellë për në morgun e spitali të qytetit të Beratit për kryerjen e aktit të ekspertizës mjeko-ligjore dhe prej andej është marrë nga të afërmit e saj në lagjen “Uznovë”, të cilët i kanë bërë edhe shërbesat e fundit për t’u prehur më pas në varrezat e vendlindjes së saj. Krimi i vrasjes së Natashës nga bashkëshorti i saj Ismaili është një ndër gjashtë krimet në familje të ndodhura gjatë viti të kaluar në qarkun e Beratit, nga ku kanë humbur jetën nëntë persona.

Abedin Kaja

Ne krye

 

Lajmetari:26.02.2007. |top | Commente | Printo