Home Info Na shkruani Foto nga Berati Lajmet e tjera Arkiva Forumi i Lajmetarit

 

Titujt kryesore

Tregu informal vret çdo ditë tregun ligjor

Editorial

RRITET BASHKËPUNIMI POLICI-KOMUNITET

“URA” PRIVATE, 20 LEKË PËR NJË TË KALUAR

Kronika e javes shkurt

Interviste me z.Refat Arizi, kryetar i PS-se rrethit Berat

Libri i ri“Kënga e nepërkës” nga Yzedin Hima

 

Udhëtimi i artistit- Ekspozite e piktorit Jak Sereqi

“ Rrezohet “ kryesia e nendeges 74t

Tomori turpërohet në shtëpi nga Gramshi

HOME NEWS KRONIKA

Kronika

RRITET BASHKËPUNIMI POLICI-KOMUNITET

Në kuadrin e takimeve me komunitetin, perfaqësues të
komisariatit të policisë Berat dje rreth orës 11:30 kanë ndalur për herë të dytë brenda pak muajve për të zhvilluar një takim me banorët, kryepleqtë e fshatrave, dhe një përfaqësi të shkollës së mesme të bashkuar të fshatit Syzes, komuna Poshnje. Në këtë takim krahas përfaqësuesve të pushtetit vendor si kryetari komunës Poshnje Meleq Lila, dhe kryeplakut të fshatit Poshnje Ramadan Baho merrnin pjesë edhe përfaqësuesit e policisë së rendit dhe kreu i policisë së Beratit Nikolla Vatnika. Objekti i këtij takimi ka qënë forcimi i bashkëpunimit komunitet- polici, me qëllim parandalimin e krimit dhe rritjen e zbulueshmërisë së autorëve të veprave të ndryshme kriminale. Takimin e hapi kryetari i komunës Poshnje, i cili pasi vlersoi punën shumë të mirë të policisë për sigurimin e rendit dhe të qetësisë në këtë komunë u shpreh “Jemi të kënaqur nga puna e deritanishme e policisë së shtetit në drejtim të sigurisë së rendit, por për të rritur më tej besimin e krijuar të komunitetit ndaj strukturave të rendit meqenëse komuna Poshnje, shtrihet përgjatë dy rrugëve nacionale Berat-Lushnje dhe Berat –Fier, për shkak të këtyre rrugëve, elementë të ndryshëm kriminalë e kanë më të lehtë për të vepruar, ndaj kërkojmë që në këtë komunë të ketë edhe një patrullë policie”. Kjo, kërkesë e kryetarit të komunës M.Lila u quajt e drejt nga komisari Nikolla Vatnika, i cili premtoi se së shpejti nga sektori i policisë së rendit do të planifikohet edhe një shërbim patrulle për komunën Poshnje. Një problem tjetër që u ngrit në këtë takim ishte edhe ai i lehtësimit të qarkullimit rrugor, sidomos në ditët kur në të dy krahët e rrugëve nacionale zhvillohet tregu i prodhimeve bujqësore dhe industriale. Edhe pse deri tani sigurimi i rendit dhe i qetësisë publike në të gjitha shkollat e komunës Poshnje ka qenë i kënaqshëm ,përfaqësuesit e nxënësve të shkollës së mesme të bashkuar të fshatit Syzes i kërkuan policisë që të tregojë më shumë kujdes, sidomos për të larguar nga ambjetet për rreth shkollës disa nga të rinjtë adoleshentë që parkojnë makinat dhe që mund të provokojnë nxënëset e shkollës së mesme. Shefi i komisariatit të Policisë Nikolla Vatnika pasi dëgjoi dhe vlerësoi kërkesat e përfaqësuesve të komunitetit të komunës Poshnje tha : - “Takimin e sotëm e vlerësoj si shumë të frytshëm dhe si domosdoshmëri të punës së policisë për të parandaluar krimin dhe rritur zbulueshmërinë ndaj autorëve të veprave të ndryshme kriminale. Asnjëherë nuk mund të pretendohet për arritje dhe suksese të policisë pa bashkëpunimin me komunitetin. Policia do të jetë gjithmonë në shërbimin tuaj dhe për t‘iu shërbyer sa më mirë lipset edhe një bashkëpunim shumë i mire i strukturave të policisë së shtetit me të gjithë faktorët dhe aktorët përfaqësues të këtij komuniteti”.
Abedin Kaja

Lajmetari:30.10.2006. |top | Commente | Printo