Home Info Na shkruani Foto nga Berati Lajmet e tjera Arkiva Forumi i Lajmetarit

.

Refat Arizi

Kryetar i partise Socialiste Berat-rreth

 

Titujt kryesore

Anarkia e vlerave dhe shosha e munguar

Editorial

Aksident tragjik, tre persona humbin jetën në Kuçovë

Vret gruan në krevatin bashkëshortor

Kronika e javes shkurt

Interviste me z.Refat Arizi, kryetar i PS-se rrethit Berat

Libri i ri“Kënga e nepërkës” nga Yzedin Hima

 

“SIXHILATI I SHERIJES SË BERATIT” NJË THESAR I RRALLË ENCIKLOPEDIK

Nis fushata e ethshme në PD-në e Beratit

Në Lushnje rezultat si 70 vjet më parë
“Lushnja”- “Tomori” 2-0

HOME NEWS KRONIKA

Një anëtar një vote i ka dhënë vlerën dhe peshën e duhur çdo anëtari të PS-së

Interviste me z.Refat Arizi, kryetar i PS-se rrethit Berat

Tani e majta shqiptare është bashkuar në një koalicion të gjerë, ku përfshihet i gjithë krahu i majtë i spektrit politik. Po në qytetin e Beratit si është bashkëpunimi i së majtës së bashkuar?

R.A. Bashkëpunimi i forcave të koalicionit të majtë, ashtu si në të gjithë vendin edhe në rrethin e Beratit funksionon normalisht.
Ky bashkëpunim midis së majtës ka ardhur si domosdoshmëri për të përballuar qeverisjen e djathtë në pushtet dhe lidershipin e saj ekstremist.

Flitet për kërkesa të forta të Lëvizjes Socialiste për Integrim për një sërë komunash dhe bashkishë në rajonin e Beratit, ku LSI kërkon zona të lira. Cili është mendimi juaj për këto kërkesa?

R.A. Është e vërtet që LSI kërkon shumë zona të lira në rrethin e Beratit.Për mua kjo është një gjë pozitive sepse kjo forcë politike duke qëverisur merr përsipër përballjen e drejtë-përdrejt me të djathtën që, siç thashë edhe më lart, është shumë ekstreme.Qendrimi i PS-s për këtë problem është që më parë të përzgjidhen kandidaturat konkuruese nga të gjitha partitë e koalicionit të majtë dhe më pas të gjykohet për zonën. Mbi bazën e përzgjedhjes së kandidaturës më të mirë dhe bindëse që na siguron fitoren do të përcaktojmë edhe zonën.Ky do të jeët kriteri dhe pavarësisht se i kujt force politike të kualicionit të majtë do të jetë kandidati, ai do të përfaqësohet me siglën e të majtes së bashkuar dhe do të jetë një për të gjitha forcat e koalicionit të majtë.

Tani fushata elektorale per zgjedhjet vendore ka trokitur te portat e politikës shqiptare. A keni filluar per te percaktuar listat e kandidatëve per këshilltarë dhe kryetarë komune?

R.A. Po, kemi filluar nga puna për përzgjdhjen e kandidaturave për kryetar komunash dhe bashkish.Ky proces do të kalojë në disa faza dhe do të përfundojë në dt.30 nëntor 2006.
Faza e parë është ajo e evidentimit të kandidaturave nëpërmjet vetdeklarimit.
Faza e dytë do të jetë ajo e përzgjedhjes së kandidaturave nga organizata socialiste .
Faza e tretë do të jetë ajo e tërheqjes së mendimit nga një forum qytetar i përbërë nga shumë element të shoqërsië civile.
Faza e katërt do të jetë ajo e diskutimit të kandidaturave në strukturat më të larta të partisë këtu në rreth, siç janë këshillat zonale, kryesia dhe asambleja socialiste e rrethit.
Listat e kandidaturave për çdo njësi vendore, e renditur sipas pikëve të fituara nga të gjitha struktuart e përfshira në process, do t’i dërgohen asamblesë së PS-së në Tiranë dhe më pas do të jetë tavolina e përfaqësuesve nga të gjitha forcat poitike të koalicionit të majtë ajo që do të vendosë për kandidaturën që do të përfaqësojë të majtën për çdo njësi vendore.


Në shmë komuna të Beratit ju jeni në pushtet që nga viti 2000. Cilat kanë qënë arritjet e kësaj qeverisjeje.

R.A. Është e vërtetë .Ne qeverisim prej 6 vitesh në 9 njësi vendore, nga 11 që ka rrethi i Beratit.Gjatë viteve 2000-2006, periudhë në të cilën qeveris PS dhe aleatët e saj, sukseset tona kanë qënë të dukshme në shumë drejtime.Gjatë kësaj periudhe u riparua dhe u bë i kalueshëm i gjithë rrjeti rrugor i zonës rurale .Investime të dukshme ka patur në sektorin e arsimit dhe të shëndetësisë, ku janë riparuar mbi 70% e numrit të shkollave dhe qëndrave shëndetësore.Janë ndërtuar shumë ujësjellësa dhe janë sistemuar shumë kanale të ujërave të zeza.Investime të dukshme si nga buxheti i shtetit dhe nga donatorët e huaj gjithashtu ka patur në sferën e bujqësisë, sidomos në mirëmbajtjen e sistemit të ujitjes, kullimit, mbrojtjes nga përmbytjet dhe gërryerjet.

Cfarë lipset të ndryshojë në qeverisjen vendore në Berat?

R.A. Ne konstatojmë se është cënuar rëndë atonomia e pushtetit vendor, jo vetëm në Berat, por edhe në gjithë Shqipërinë.Kjo është a-ja e kësaj gjendje të krijuar, të cilës i duhet dhënë fund menjëherë nga qeveria qëndrore.

Kryetari i PS-së z. Edi Rama ka theksuar disa herë se është realizuar me sukses reformimi i Partisë Socialiste. Cilët janë treguesit e këtij reformimi në organizatën socialiste të Beratit?

R.A. Mund të them me bindje se gjatë vitit 2006 PS i është nënshtruar një procesi të plotë reformimi.Implementimi i parimit një anëtar një votë në përzgjedhjen e drejtuesve të niveleve të ndryshme në PS dhe përzgjedhjen e kandidaturave drejtuese të pushtetit vendor ka bërë që antari i PS të ndihet i vlerësuar dhe përcaktues në zgjedhjen e këtyre kandidaturave.Është hequr kufizimi i panevojshëm gjatë procesit të pranimeve të reja në PS.Është bërë zgjerimi i bazës për krijimin e organizatave socialiste, jo vetëm në bazë territory, por edhe moshe, gjinie apo niveli intelektual.Vendosja e raportit ku, 50% e kandidaturave në listat e konkurimit për strukturat drejtuesve të partisë të jenë shoqe, ka bërë që numri i anëtarsisë në PS për tre mujorin e fundit korrik-shtator 2006.
të rritet me mbi 250 pranime të reja.

Jeni prononcuar në media për lëvizjet që ka realizuar koalicioni i djathtë në mjaft ndërmarrje dhe institucione. Pse këto lëvizje i quani lëvizje politike?

R.A. E kam theksuar dhe do ta përsëris sa herë që të më jepet mundesia këtë fakt.Do ta quaja disi normale lëvizjen, por jo lënien pa punë të drejtuesve që kanë punuar në ndërmarrje dhe institucionet që janë në varësi të qëndrës, fenomen që ndodh kur ndërrohen pushtetet.Është i pajustifikueshëm fakti i pushimit nga puna pa asnjë motiv i qindra dhe mijëra specialistëve të administratës shtetërore dhe zëvendësimi i tyre me specialistë më të pakualifikuar dhe militantë partie, lëvizje të cilat bëhen pa respektuar asnjë nen të ligjit për shërbimin civil.Ky është një dëm i madh që i bëhet shoqërisë dhe shtetit shqiptar.Është i pafalshme pushimi nga puna i mijëra punonjësve të kualifikuar dhe me një eksperienc pune, 20 apo 30 vjet, apo largimi nga puna i mijëra punonjësve më të thjeshtë si roje apo pastrues institucionesh për të vetmin mëkat pse mendojnë ndryshe nga drejtuesit e instiucionit të tyre apo pushtetarëve të sotëm dhe kjo s’ka se si shpjegohet ndryshe përveç se lëvizje politike.

A do të kandidoni për kryetar komune?

R.A. Ky nuk është qëllimi im në vetvete.Po ma kërkoi një gjë të tillë baza e PS dhe interesat e koalicionit të majtë, pa dyshim që do të kandidoj.Unë besoj se përvoja ime e punës dhe e jetës si dhe sukseset që kam arritur gjatë punës sime si drejtues në institucione të ndryshme kanë bërë që të kem fituar një eksperiencë të kënaqshme, gjë të cilën do ta reflektoj edhe në drejtimin e ndonjë komune që mund të më ofrohet për të drejtuar.

bisedoi: Abedin KAJA

Lajmetari:22 10 .2006. |top | Commente | Printo