Home Info Na shkruani Foto nga Berati Lajmet e tjera Arkiva Forumi i Lajmetarit

Y. Hima

 

 

Titujt kryesore

Anarkia e vlerave dhe shosha e munguar

Editorial

Aksident tragjik, tre persona humbin jetën në Kuçovë

Vret gruan në krevatin bashkëshortor

Kronika e javes shkurt

Interviste me z.Refat Arizi, kryetar i PS-se rrethit Berat

Libri i ri“Kënga e nepërkës” nga Yzedin Hima

 

“SIXHILATI I SHERIJES SË BERATIT” NJË THESAR I RRALLË ENCIKLOPEDIK

Nis fushata e ethshme në PD-në e Beratit

Në Lushnje rezultat si 70 vjet më parë
“Lushnja”- “Tomori” 2-0

HOME NEWS EDITORIALE

Anarkia e vlerave dhe shosha e munguar

 

“Natyrisht, Amerika ka mjaft çudi dhe mrekulli, por çudive të Shqipërisë nuk ua gjen shoqen as në Shtetet e Bashkuara të Amerikës”, tregonte një emigrant nga qyteti i Beratit, i kthyer për pak ditë në vendlindje. Dhe vazhdoi... “ Kur u tregova se Amerika më shpëtoi nga metamorfoza e plotë nga njeri prej mishi e gjaku në një njeri kukull prej plasmasi, askush nuk më kuptonte. M’u desh kohë që t’ua shpjegoj se duke u rritur babai vuri re se nuk kisha as prirje e as dëshirë për të vazhduar shkollë. Më çoi në punë që të mësoja ndonjë zanat, ndërsa për shkollën u kujdes vetë. Më regjistroi në shkollën e mesme të përgjithshme më kohë të shkurtuar dhe nuk mungoi asnjëherë në dhënien e provimeve, ai, jo unë. Pas pesë vitesh u gjenda me shkollë të mesme , ndërkohë që mezi kisha mbaruar tetëvjeçaren. Po babai im qëlloi njeri me një dëshirë të papërballueshme për shkollë, ndaj nuk u ndal këtu. Ai u nis në Tiranë dhe më rregjistroi në universitet me kohë të shkurtuar, ose siç i thonë edhe në Shqipëri, part time. Unë punoja në garazhin e tim eti dhe u bëra vërtet mjaft i kërkuar falë dëshirës për profesionin e mekanikut, ndërsa im atë vazhdonte shkollën me kohë të shkurtuar në degën e juridikut, gjithmonë në emrin tim. Kur “qeshë duke mbaruar” vitin e tretë të juridikut fitova llotarinë për SHBA. U nisa për në Amerikë dhe brenda pak kohe gjeta punë si kamionist. Tani i bie Amerikës kryq e tërthorë me kamionin tim gjigand dhe ndihem shkëlqyeshëm. Fitoj edhe shumë para. Po të kisha qëndruar edhe ca në Shqipëri do të isha kthyer krejt në njeri fals, me diplomë juridiku dhe mund të punoja edhe noter me ndihmën e babait, që nuk lodhej kurrë për të siguruar të ardhmen e të birit. Mund të isha bërë edhe prokuror a gjykatës dhe të jepja drejtësi. Mjerë drejtësia në Shqipëri!”
Në tregimin e mësipërm ka një të vërtetë të madhe. Shumica e banorëve të këtij vendi rropaten që të bëhen ashtu siç nuk janë. Mund të jenë kopshtarë të zotë, gurgdhëndës të mirë, mekanikë shembullorë, bletërritës të kujdesshëm etj., por shpenzojnë para me grushta për t’u shfaqur si juristë e profesorë, si gazetarë e edukatorë. Në Shqipëri mungojnë filtrat për t’i bërë ballë kësaj prurjeje kashtë e kokrra. Në universitetet shqiptare po u rregjistrove si student del pas disa vitesh i diplomuar. Pavarësisht se mund të kesh njohuritë e një filloristi, në fund të 4 viteve merr në dorë një diplomë të rëndë specialisti me universitet. Falë aleancës së të këqinjëve, e cila funksionon si aleanca më e fuqishme në këtë truall, merr edhe një emërim për t’u pasur zili. Atëherë kot ankohemi se në zyrat tona nuk zgjidh dot punë, se asnjëherë nuk flasim të njëjtën gjuhë me zyrtarët tanë etj. etj.
Mekanizmi i famshëm i konkurseve është një farsë më vete, si të gjitha farsat në Shqipëri. Ndaj ndodh rëndom që kujtojmë se jemi duke biseduar me një professor, ndërkohë që realisht jemi duke folur me një marangoz që e ka braktisur profesionin e nderuar vite e vite më parë, falë vullnetit për depërtuar, për të marrë atë që nuk i takon. Reformimi i shoqërisë shqiptare nuk mund të realizohet pa vendosur rendin e vlerave të vërteta. Filtrat për të penguar poplat dhe shoshat për shoshitjen e një shoqërie që nuk është vetvetja, për të ndarë egjrin nga gruri ende nuk funksionojnë mirë. Matura Shtetërore, e zbatuar këtë vit në shkollën tonë u mbështet nga të gjithë qytetarët për vlerat e saj të shoshitjes së nxënësve dhe kandidatëve për studentë. A mjafton vetëm vetëm Matura Shtetërore për të dalë nga anarkia e vlerave?
Yzedin Hima

Lajmetari: 22.10..2006. |top | Commente | Printo