Home Info Na shkruani Foto nga Berati Lajmet e tjera Arkiva Forumi i Lajmetarit

Besnik Shuka

 

Titujt kryesore

Fituesit, këta humbës të mëdhenj

Editorial

Vritet Besnik Shuka

Lindita Shuka rrëfehet për vrasjen e bashkëshortit të saj, Besnik Shuka

Kronika e javes shkurt

Nëpër faqet e gazetës “Lajmëtari”

Berati prezantohet në UNESCO

 

“SIXHILATI I SHERIJES SË BERATIT” NJË THESAR I RRALLË ENCIKLOPEDIK

Piktori Kastriot Dervishi përballë mjekut Shkëlqim Hysi

Eno Bendo Fitues i Medaljes së Bronxit

HOME NEWS KRONIKA

Kronika

Vritet Besnik Shuka

Dëshmitari kyç i procesit gjyqësor në ngarkim të ish- drejtorit të policisë së Beratit, Ilirjan Dida, është ekzekutuar nga bashkëshortja e tij. Besnik Shuka është vrarë në dhomën e gjumit në orët e para të mëngjesit dhe përgjegjësinë për këtë vrasje e ka marrë bashkëshortja e tij, Lindita Shuka. Ajo është dorëzuar në polici dhe tha se e ka vrarë bashkëshortin për motive xhelozie. Besnik Shuka, nga i akuzuar për vrasjen e Gjergj Gushalit në nëntor të vitit 2001, është shndërruar në dëshmitarin kryesor, për këtë vrasje, për të cilën akuzohet ish- drejtori i policisë së Beratit, Ilirjan Dida. Sipas të dhënave të policisë, Lindita Shuka ka vrarë bashkëshortin me një automatik Skorpions, me një tek të shtënë në kokë, ndërsa ishte prezent edhe fëmija i vogël i çiftit. Gruaja ka njoftuar policinë me telefon, ndërsa viktima është transportuar për në spital, por ka ndërruar jetë. Shuka u arrestua më shumë se një muaj më parë, por mungesa e provave bëri që ai të lirohet nga akuza për vrasjen e Gushalit. Një muaj më parë ai ka dëshmuar në gjykatë, dëshmi e cila indirekt implikonte Ilirjan Didën.
Vrasja
Sipas të dhënave paraprake të policisë, vrasja është kryer rreth orës 02:30 minuta të mëngjesit në hotel “Belinda”, pronë e Besnik Shukës. Policia thotë se 35- vjeçarja, Lindita Shuka, nënë e tre fëmijëve, është ndaluar për vrasjen e kryer. Sipas policisë, Lindita e ka qëlluar Besnik Shukën, me një automatik Skorpions. Ajo ka qëlluar vetëm një herë në kokë, ndërsa bashkëshorti i saj po flinte. Ndërkohë, rreth orës 04:00 të mëngjesit, Lindita ka bërë një telefonatë në polici dhe ka njoftuar për vrasjen. Drejt hotelit kanë shkuar me dhjetëra forca policie. Viktima është marrë nga urgjenca dhe është dërguar në spital i gjallë, por atje ka ndërruar jetë. Policia ka ndaluar Lindita Shukën, 35-vjeçare, lindur në Laprakë të Tiranës dhe banuese në Berat. Ajo ka pranuar vrasjen e kryer.
Dëshmia
Policia ka shoqëruar në komisariat Lindita Shukën ku e ka marrë në pyetje në lidhje me ngjarjen. Bashkëshortja e viktimës ka pohuar se ajo është autore e vrasjes. Ajo ka thënë se e ka kryer krimin për motive xhelozie. Gjatë marrjes në pyetje, Lindita Shuka, ka refuzuar të japë përgjigje të tjera të detajuara. Ajo u ka thënë policëve se do të tregonte edhe për gjëra të tjera, por pasi të ketë folur me avokatin e saj. Për policinë, kjo vrasje është enigmatike. Besnik Shuka është protagonist kryesor në gjyqin që zhvillohet në ngarkim të ish -drejtorit të policisë së Beratit, Ilirjan Dida. Shuka është shpallur në kërkim nga Dida kur ishte drejtor policie, për një vrasje, për të cilën tashmë akuzohet Dida. Bëhet fjalë për vrasjen e Gjergj Gushalit në Berat, në nëntor të vitit 2001. Dida tha se është gjetur arma e krimit në shtëpinë e Besnik Shukes, ndërsa ky i fundit u arratis jashtë vendit. Ai është kthyer në Shqipëri, pasi provat u kthyen kundër Didës, dhe në favor të tij. Ai ka dëshmuar në Gjykatë pak kohë më parë se nuk ka dijeni për vrasjen e Gushalit, ndërsa atë e kishte parë për herë të fundit në shoqërinë e Ilirjan Didës.

 

 

Lajmetari:9.10.2006. |top | Commente | Printo