Home Info Na shkruani Foto nga Berati Lajmet e tjera Arkiva Forumi i Lajmetarit

.

Foto: Poshnje

 

 

Titujt kryesore

Lepuj të zinj, lepuj të bardhë, ose bardhë e zi.

Editorial

Ushqime të skaduara shiten edhe në Berat

Fshatarët e Vodzës shkatërrojnë autobusin e linjës

Kronika e javes shkurt

Projektprogram për aftësimin e të verbërve

Homazh piktorit Yzedin Shelegu

Deklaratë e degëve vendore të partive të opozitës shqiptare në rrethin e Kuçovës

Eno Bendo Fitues i Medaljes së Bronxit

HOME NEWS KRONIKA

Lajme shkurt

Akisident i rëndë në Zhitom

Luftë për gardhin

“Toponimet e Beratit” nga Ajet Nallbanin

 

Ndalohet maniaku

Ushqime të skaduara shiten edhe në Berat

 

Akisident i rëndë në Zhitom

Bie traktori dhe gjen vdekjen drejtuesi i tijë. Aksidenti ka ndodhur rreth orës 12 në fshatin Zhitom të Beratit. Traktorist Sazan Hoxha 48 vjeç nga fshati Bilçë, komuna Velabisht e Beratit, në një tokë të pjerrët ka pësuar aksident me traktorin e tij dhe gjatë rrokullisjes mjeti e ka zënë poshtë tij.
Edhe pse aty afër ka pasur banorë, tokat e të cilëve po punonte me mjetin që drejtonte, Sazan Hoxha nuk ka mbijetuar. Pavarsisht se është transportuar shpejt për në spitalin rajonal të Beratit 48- vjeçari ka mbërritur i pajetë në spital. Sazan Hoxha ishte i martuar dhe kishte tre fëmijë.

Ne krye

Luftë për gardhin

 

 

 Grinden për gardhin e shtëpisë dhe rrihen me mjete të forta. Arjan Vreto 29 vjeç nga lagja “4 Shkurti” e Urës vajgurore ka përfunduar në spital me fraktura të shumta në trup. Shkak ka qënë një grindje me komshiun për një gardh. Askush nuk ka dashur që të lëshojë pe për gardhin dhe të dyja palët janë konfliktuar duke përdorur forcën që të vinin në vend pretendimet e tyre.
Avdyl Janxhiu 18 vjeç ka përdorur një dru për të përballuar forcën fizike të 29-vjeçarit e pas kësaj e ka mposhtur kundërshtarin duke e dërguar në spitalin e Beratit.
Policia, e cila ka shkuar në vendin e ngjarjes, ka arrestuar 18 -vjeçarin Avdyl Janxhiu, i cili do të përballet para gjykatës për plagosjen e rëndë që i ka bërë komshiut 29 -vjeçar me mjete të forta.

Ne krye

“Toponimet e Beratit” nga Ajet Nallbanin

 

Këto ditë doli në qarkullim libri “Toponimet e Beratit” me autor Ajet Nallbanin, botuar nga shtëpia botuese UEGEN.
Është një botim tepër i veçantë. Në të janë rendititur rreth 240 toponime, emërtime vendesh, shoqëruar me shpjegime të veçanta dhe me 102 fotografi për ilustrim, duke e kthyer këtë libër që, në llojin e vet botohet për herë të parë, edhe në një album.
Në këto fotografi, shumica të pabotuara, autori na sjell pamje tepër interesante nga Beratit i dikurdhëm.
Botimi shoqërohet edhe me një parathënie të hartuar nga studiuesi Agim Mehqemeja.

Lajmëtari

Ndalohet maniaku

Ndalohet 42- vjeçari Agim Lleshi, banor i lagjes “1 Maj” në Kuçovë. Lleshi është ndaluar sepse sipas policisë është denoncuar nga shtetësja Enkeleda Doko. Doko banore e lagjes “Llukan Prifti” e ka akuzuar 38 -vjeçarin se ka tentuar të kryejë marrëdhënie seksuale me dhunë me këtë të fundit.
Ngjarja sipas Dokos ka ndodhur në shtëpinë e saj, ku 42- vjeçari ka shkuar për të pirë një kafe ndërsa ka qënë i ftuar nga 38 -vjeçarja për miqësi. Mirëpo, duket se biseda dhe ngjarja nuk duhet të ketë rrjedhur sipas parashikimeve dhe llogarive që kishte bërë që më parë ndaj, pas largimit të Lleshit, ajo i është drejtuar organit të policisë, që i ka shkuar në ndihmë dhe ka bërë ndalimin e tij.
Është prokuroria ajo që pas hetimeve do të kërkojë masën e arrestit për 42- vjeçarin dhe më pas gjykata e cila do të vendos për shkallën e fajit të tij pas denoncimit që i është bërë nga një femër që e ka thirrur vetë në shtëpi.

Ne krye

Ushqime të skaduara shiten edhe në Berat

Sekuestrohen dhe asgjësohen 20 tonë ushqime të skaduara. Inspektoriati i drejtorisë së bujqësisë dhe ushqimit në Berat, i cili ka dalë në një kontroll këto ditë tek subjektet private ka sekuestruar rreth 20 tonë prodhime ushqimore si biskota, çokollata, e prodhime të tjera me bazë miellin e ëmbëlsirat, të cilat ishin kryesisht mall tregu për t’u konsumuar nga fëmijët.
Sasia e mallrave të skaduar janë gjetur në Berat në disa njësi tregtare me pakicë, ndërsa më tepër se gjysma e sasisë së sekuestruar dhe të asgjësuar është gjetur në njësi tregtare me shumicë, e destinuar për t’u shpërndarë në treg.
Sipas drejtorit të Drejtorisë Rajonale të Bujqësisë, Ushqimit dhe Mbrojtjes së Konsumatorit z. Piro Bica, kontrolli ka nisur fillimisht si rutinë, por ka gjetur mjaft të meta dhe probleme në subjektet tregtare dhe prodhuese të nënprodukteve bujqësore e blegtorale.
“Ka disa subjekte të cilat tregtojnë kryesisht afër territoreve të shkollave për të cilat rrallë bëhet kontroll duke menduar se janë subjekte të vogla, por që në fakt tregtojnë shumë dhe në rast pakujdesie sjellin pasoja në shëndetin e fëmijëve”, ka thënë z. Bica, ndërsa ka shtuar se pas kësaj janë gjetur shumicë produktesh të skaduar në disa njësi.
“Pavarsisht se sasi e mallit të skaduar është asgjësuar pas sekuestrimit, kontrolli ka qënë vetëm në qytet, ndërsa po vazhdohet edhe në zona e fshatra sepse destinacioni i mallrave të skaduara është kryesisht ai lloji konsumatori duke pasur parasysh edhe nivelin e tij ekonomik e kulturor për të kontrolluar vetë dhe për të kundërshtuar prodhimin skarco që i afrohet”, ka sqaruar Piro Bica.
Nga kontrollet e deritanishme javën e fundit janë vendosur edhe 21 gjoba në subjekte të ndryshme, sidomos ato përpunuese, të cilat janë gjetur me mangësi në mjediset e përpunimit të produkteve bujqësore dhe blegtorale sidomos nëpër baxho. Gjobat kanë variuar nga 50 mijë deri në 300 mijë për subject. Objekt i kontrollit të inspektoriatit të bujqësisë ushqimit dhe mbrojtjes së konsumatorit kanë qënë edhe baxhot që përpunojnë qumështin nëpër zona, ku janë vrejtur edhe aty shkelje të shumta, të higjenës edhe mënyrës së përpunimit, ruajtjes dhe tregtimit të produkteve. Si rezultat janë bllokuar dy baxho që kishin shkelje më të mëdha, një në fshatin Pronovik të Skraparit dhe një tjetër në Lumas të Beratit.

 

 

 

Lajmetari:04.09.2006. |top | Commente | Printo