Home Info Na shkruani Foto nga Berati Lajmet e tjera Arkiva Forumi i Lajmetarit

Y. Hima

 

 

 

Titujt kryesore

Lepuj të zinj, lepuj të bardhë, ose bardhë e zi.

Editorial

Ushqime të skaduara shiten edhe në Berat

Fshatarët e Vodzës shkatërrojnë autobusin e linjës

Kronika e javes shkurt

Projektprogram për aftësimin e të verbërve

Homazh piktorit Yzedin Shelegu

Deklaratë e degëve vendore të partive të opozitës shqiptare në rrethin e Kuçovës

Eno Bendo Fitues i Medaljes së Bronxit

HOME NEWS EDITORIALE

Lepuj të zinj, lepuj të bardhë.Ose bardhë e zi.

 

“Kur u lind vëllai më i vogël, dy lepujt qumësht të bardhë u tronditën. Ai ishtë skrop i zi. Të tre shëtitnin në lëndinën me bar e lëpjeta të menduar. Kush mund të tregojë se çfarë mendonte njëri e çfarë mendonte tjetri? Si mund të rrjedhë më tej kjo ngjarje?”
Kjo qe një nga situatat që paraqiti para edukatoreve të kopshteve të qytetit të Beratit një nga mësuesët e ardhura nga Italia në një trajnim të organizuar nga kopshti “Ylli i Mëngjesit” te Motrat Filipine. Kjo situatë ishte e shoqëruar edhe me pamjet e dy lepujve të bardhë dhe atë të lepurit të zi. Kjo pyetje e shtruar në mjedisin shqiptar nuk mund të ketë një përgjigje të njëjtë me atë të një mjedisi italian. Arsyet janë të shumta. Ato kanë të bëjnë me mentalitetin, historinë, fatin e qytetrimeve etj. etj.
Atëherë le të shohim se cilat do të qenë përgjigjet e mundshme në mjediset tona.
“Dy lepujt e bardhë do ta mbytnin lepurin e zi në pellgun më të afërt, sepse do t’u vinte turp nga ngjyra e vëllait të tyre”, do të qe një përgjigje në një mjedis tipik shqiptar, sidomos para shumë viteve. “Do ta braktisnin në fatin e tij”, do të përgjigjej një tjetër. “Do ta dëbonin (internonin) larg fermës ku banonin”, mund të përgjigjej dikush. “Do ta mbanin si shërbetor, siç ka ndodhur e ndodh jo rrallë në historinë njerëzore “, mund të shtonte një tjetër. Nuk përjashtohet edhe përgjigjja me zemër të thyer: “Do ta donin sepse e kishin vëllanë e tyre.”
Nuk po komentojmë përgjigjet e dhëna nga pjesëmarrësit e këtij trajnimi, të cilat kurrsesi nuk iu afruan surprizës që paraqitën Xhovana dhe Piera, dy mësueset italiane. Në vazhdim të rrjedhës së ngjarjes ato paraqitën dy lepujt e bardhë të ndryshuar në gri dhe i ziu gjithashtu për shkak të ngjyrimit e kishte humbur të zezën e thellë. Të gjithë qenë përpjekur me sukses për të ndryshuar. Për të ndryshuar me të vetmin qëllim që t’i afroheshin njeri-tjetrit. Me të vetmen arsye për të zbutur sadopak diferencat midis tyre, me të vetmin synim për të bashkëjetuar në harmoni, paqe e dashuri midis tyre.
Nuk e lodhëm pa arsye lexuesin me këtë tregim për kopshte. Se fare mirë kjo fabul mund të zhvillohej mu në mes të Parlamentit Shqiptar dhe do qe mjaft e dobishme se do të shërbente për edukimin e deputetëve tanë, që aq shumë na ngjajnë (krejt si ne janë), për të zgjidhur situatat e ngjashme që përsëriten çdo ditë në këtë që duhej të qe tempulli i demokracisë. Kjo fabul mund të zhvillohej me mjaft interes edhe në partitë tona politike, ku ai që mendon ndryshe (lepuri i zi), do të linçohej, pa dyshim. Kjo fabul mund të tregohej në sheshet e qyteteve dhe të katundeve tona, ku toleranca ( i ziu lepur) më së shumti mungon.Të vështruarit bardh e zi është tipar i mjediseve tona: në rrugë , në institucione, në këshillin bashkiak, nëpër parti. Lepuri fatzi do ta pësonte kudo që ai të ishte në minorancë. Të lyhesh me gri për t’iu afruar të zezës, të lyhesh me gri për t’iu afruar të bardhës është , pa dyshim sakrificë, është faturë që paguhet në emër të bashkëjetesës në harmoni, paqe e begati. Duke sulmuar tjetrin për ta ndryshuar me dhunë e për ta bërë si veten, ky është mesazh lufte, ky është mesazh diktature, ky është mesazh për ndarje. Atëhere nga duhet t’ia fillojmë? Pa dyshim nga vetja.
Yzedin Hima

 

 

Lajmetari: 4.09.2006. |top | Commente | Printo