Home Info Na shkruani Foto nga Berati Lajmet e tjera Arkiva Forumi i Lajmetarit

Y. Hima

 

 

Titujt kryesore

Tregu që vret çdo ditë qytetarët

Editorial

Narkomanët sulmojnë urgjencën
e spitalit në Berat

1.8 MILIARDE LEKE PER RRUGEN
BERAT- LUSHNJEt

Kronika e javes shkurt

Shkëmbi mbi lagjen Goricë rrezikon 280 familje

Mblidhet grupi i punës për hartimin e historikut të Bashkisë

Intervistë me z. Shkëlqim Hysi, kryetar i komanduar i degës së PD-së Berat

Vlerësim për kontributin e futbollistëve nga Kuçova 

HOME NEWS EDITORIALE

Tregu që vret çdo ditë qytetarët

 

Ka disa vite që fermerët shqiptarë nxjerrin në treg
prodhime të simuluara me lloj- lloj hormonesh që kanë
zhdukur çdo shije të perimeve, frutave, bostaneve dhe mishit. Qytetarët shkojnë në treg dhe shohin domatet, pjeshkët, bostanet që në pamje të parë të joshin me ngjyrën, formën e shëndetshme. Kur shkon në shtëpi dhe pas larjes provon shijen e tyre zhgënjehesh. Perime dhe fruta pa shije. Po çfarë ka ndodhur në teknologjinë e prodhimit të fermerëve tanë? Ata kanë mësuar në mënyrë klandestine të përdorin simulantë hormonalë për të nxitur rritjen, pjekjen sipërfaqësore dhe volumin e perimeve dhe frutave. Thuhet se simulantët hyjnë në Shqipëri kontrabandë, pa asnjë lloj çertifikate përbërje dhe përdorimi. Thuhet, (them thuhet se asgjë nuk është bërë e qartë për konsumatorët nga organet që përgjigjen ligjërisht për mbrojtjen e tij) se këto prodhime e dëmtojnë rëndë shëndetin e njerëzve. Thuhet se këto simulantë vrasin ngadalë përdoruesit e perimeve, frutave dhe mishit, por ende nuk e kemi dëgjuar fjalën e mjekut për këtë çështje.
Simulantët hormonalë mund të përdoren nga një pjesë e fermerëve edhe në vendet e tjera evropiane, por gjithçka realizohet mbi baza shkencore dhe rrepësisht të kontrolluara nga specialistët. Sidoqoftë kjo mënyrë përdoret në prodhimin për konsum të qindra miliona njerëzve, duke ruajtur edhe prodhimet bio. Ndërsa te ne përdorimi i simulantëve hormonalë bëhet nga individë që nuk dinë asgjë për efektet e tyre, ndërkohë që tregu ka qenë i tejngopur me prodhime frutash dhe perimesh bio për shkak të numrit të vogël të popullsisë.
Sidoqoftë specialistët në bashkinë e Beratit duhet të kontrollojë tregun dhe prodhimet e tij për të mbrojtur qytetarët nga këto prodhime. Duhet të paralajmërojnë qytetarët për mashtrimin e fermerëvë pa ndërgjegje, të cilët para fitimeve të tyre nuk duan t’ia dinë për shëndetin e njerëzve që janë klientët e tyre.
Në Shqipëri ndjenja e humanizmit në përgjithësi mungon. Në botën e qytetruar kjo ndjenjë përcakton në një masë të madhe sjelljet dhe marrëdhëniet midis qytetarëve. Natyrisht shteti ligjor është garanti i madh i qytetarëve. Në botën e qytetruar humanizmi mund të burojë nga iluminizmi, mund të jetë edhe humanizëm që rrjedh nga besimi te Zoti. Te ne mungon çdo lloj humanizmi (me pak përjashtime). Ndaj bëhet i domosdoshëm shteti ligjor, që rregullon marrëdhëniet midis grupeve të ndryshme në një shoqëri. Po shpesh shteti ne banorëve të këtij trualli na ka lënë në dorë të mashtruesve, horrave, qënieve me mendje të ngushtë që besojnë vetëm te Shën Paraja. Nëse ka një luftë të suksesshme ndaj trafikut të drogës nga policia, ende nuk ka ligje për trafiqe të tilla si simulantët hormonalë që po vrasin prodhimin e traditës në vend dhe po rrezikojnë jetën e banorëve. Mund të ketë vakum ligjor, por le të veprojnë vendimet e këshillit të bashkisë, me kontrollet e specialistëve të kësaj bashkie dhe drejtorive përkatëse. Nëse do të kishte një përkujdesje të tillë edhe fermerët do të tregoheshin më njerëzorë me klientët e tyre, jo nga vetëdija, por nga frika e ndëshkimit ligjor.
Yzedin Hima

 

Lajmetari: 24.07.2006. |top | Commente | Printo