Home Info Na shkruani Foto nga Berati Lajmet e tjera Arkiva Forumi i Lajmetarit

Kreu i bashkisë së Beratit Nasufi : “Me legalizimet nuk do të prishim zonën muzeale”.

 

 

Titujt kryesore

Vlera të përkohshme, vlera të përhershme

Editorial

Legalizimet, kreu i Agjensisë Kombëtare Memia takon vendorët

Poliçan, 210 punëtorët hyjnë në grevë pa afat

Kronika e javes shkurt

Berati i hidranteve ...

Përkujtohet Thoma Rrapi në tre-mujorin e vdekjes

Dhjetëra autobusë drejt sheshit “Skënderbej

Vlerësim për kontributin e futbollistëve nga Kuçova 

HOME NEWS KRONIKA

Kronika

Legalizimet, kreu i Agjensisë Kombëtare Memia takon vendorët

Kreu i Agjensisë Kombëtare të Legalizimeve Shaban Memia ka
takuar dje paradite në mjediset e prefekturës së Beratit, 5 kryetarët e bashkive si dhe 22 kryetarët e komunave si dhe të gjithë regjistruesit e këtij qarku. Në takimin e organizuar nga prefekti i qarkut të Beratit Roland Bejko, pjesëmarrësit u njohën me ligjin e lagalizimeve, me logjistikën përkatëse, e cila do të ndihmojë në hartimin dokumentar të dosjeve të posaçme për legalizimet si dhe me punën organizuese paraprake që duhet të ndikojë më pas për dy muajt 15 korrik deri 15 shtator.
“Është një fushatë që fillon me sensibilizimin e opinionit publik me anë të posterave, afisheve e spoteve televizive”, u ka thënë pjesëmarrësve në takim kreu i ALUIZNI-t për të vazhduar më pas me takimet direkete me personat e apo grupe banorësh që kanë interesa për të mësuar rreth procedurave ligjore që duhet të kryejnë për legalizimet e banesave të tyre. Më pas Memia tha se kjo është reforma më e madhe ekonomike e pas viteve ’90, pasi rreth 60 % e industrisë së ndërtimeve në Shqipëri është e palegalizuar dhe i përket informalitetit. Po në këtë takim Memia tha se askujt të mos i shkojë në mendje se me legalizimin ne do të prishim zonat muzeale. Për këtë problem Berati dhe Gjirokastra kanë një specifikë të veçantë, pasi kanë ansamble muzeale si ansambli i tri lagjeve muzeale Goricë, Mangalem e Kala. Në këtë rast nuk do të tolerohet qoftë edhe 1m2 i ndërtuar me beton, ndryshe duket të veprojnë strukturat vendore.. Sipas Memisë dy janë përfitimet nga legalizimi: e para është se bëhet pronar shtetasi shqiptar, duke u pajisur me çertifikatë pronësie dhe duke rritur të ardhurat ekonomike të shtetit, pa dëmtuar pronarët e rinj të legalizimeve, sepse është projektuar që tarifa të jetë letësuese.

Pjesëmarrësit në takim

Më pas kryertari i bashkisë së Beratit Fadil Nasufi kërkoi një organikë shtesë për njerzëit që do të punojnë për plotësimin e dokumentave për legalizimet si dhe fonde shtesë për plotësimin e infrastrukturës ligjore, e cila, sipas Nasufit, fillon nga përpilimi i hartës së banesës dhe të zonave informale. Në Berat janë mbi 10 të tilla. Ndërsa bashkia do të përballet edhe me konflikte për vijen kufitare mes bashkisë dhe komunave për rreth.saj. Nisur nga specifika e veçantë e qytetit të Beratit, kreu i bashkisë i këtij qyteti i kërkoi në takim kreut të ALUZIN-t që në grupin e punës të legalizimeve në Berat të jetë edhe një përfaqësues nga Monumentet e Kulturës.
Kreu i bashkisë së Kuçovës Artur Kurti pohoi se edhe ky qytet ka specifikë të vacantë, pasi në këtë qytet janë mbi 1570 ndërtime në zonën nafëtmbajtse. Ai u shpreh se duhet një klauzolë e veçantë në lidhje me përpilimin e ligjit në këtë zonë, pasi sipas kreut të bashkisë të qytetit të naftës mbi këtë zonë janë dy pronarë ai i naftës dhe pronari ilegjitim i ndërtimit pa leje. Thuajse të njëtat probleme ka ngritur në takim edhe kryetari i komunës Perondi Ramiz Oboni, ku në teritorin e komunës së tij janë tri zona informale me 1250 ndërtime pa leje, të ndërtuara nga viti 1990 e në vazhdim.
Për të gjitha problemet në konkluzionin përfundimtar kreu i Agjensisë Kombtare të Legalizimeve tha se askujt të mos i shkojë në mëndje se reforma e nisur do të kthehet mbrapsht. Me legalizimet nuk merren përsipër të prishen ato ndërtime që bashkia me kohë duhet të kishin nxjerrë vendimet e prishjes dhe policia e ndërtimit duhet të mos tregohej e mefshtë, nëse ka pasur vendimet në dispozicion. Asnjëherë nuk do të legalizohen banesat që janë të ndërtuara në vendet e mbrojtura për vlerat kombtare që kanë në arkitekturë, zonat muzeale etj. Sipas të dhënave paraprake në qarkun e Beratit në territoret e 5 bashkive dhe 22 komunave janë mbi 7 mijë ndërtime të ndërtuara pas vitit 1990, ndërsa më të prekura me zona informale janë bashkia e Beratit me mbi 2500 ndëtime pa leje, me 5 zona informale, e pasuar nga bashkia Kuçove me mbi 1570 banesa të ndërtuara si dhe komuna Perondi me 1250 të tilla, të pasuara me 980 komuna Kozare, 950 komuna Velabisht dhe 750 komuna Kutalli etj.
Sulo Gozhina 

 

Lajmetari:17.07.2006. |top | Commente | Printo