Home Info Na shkruani Foto nga Berati Lajmet e tjera Arkiva Forumi i Lajmetarit

Shtëpia që u shkatërrua nga shkëmbi

 

Një grup nga Ministria e Brendshme në vendin ku ranë shkëmbinjtë

Titujt kryesore

Shkëmbi i Goricës bën apel

Editorial

Gjendja në”Goricë alarmante, 3 shkëmbinj kërcënojnë lagjen

Berati ka filluar që të përjetojë mungesën e ujit të pijshëm

Kronika e javes shkurt

Përshpirtje për vëllezërit Pambuku në Kishën e Shën Spiridhonit

Gezhojat e Policanit “shkelen” nga vallezimi

Erisa Maska dhe Albiona Ajazi janë Nderi i Beratit

Përurohet në Librazhd memoriali kushtuar dy poetëve të pushkatuar nga regjimi komunist, Genc Leka dhe Vilson Blloshmi

Mundësit në dy kampionate në vende nderi  

HOME NEWS KRONIKA

Kronika

Gjendja në”Goricë alarmante, 3 shkëmbinj kërcënojnë lagjen

Një ditë pas rënies së një masivi shkëmbinjsh në lagjen Goricë, në vendin e ngjarjes kanë mbërritur një grup ekspertësh të Ministrisë së Brendshme, të cilët kanë konstatuar gjendjen alarmante të krijuar. Sipas burimeve nga bashkia e Beratit, mësohet se pas zëvendësministrit Ferdinand Pone në lagjen Goricë kanë mbërritur një grup ekspertësh, të cilët kanë parë nga afër gjendjen e shtëpive të prishura nga shkëmbinjtë e rënë.
Gjendja
Kanë qenë vetë banorët e lagjes, të cilët kanë shoqëruar grupin prej 5 ekspertësh, të cilët kanë qenë të shoqëruar edhe nga nënkryetari i bashkisë së Beratit, Fatmir Shehu. Sipas grupit të ekspertëve, gjendja në pjesën shkëmbore mbi lagjen Goricë është tepër alarmante dhe se duhen marrë masa të menjëher-shme, pasi ndryshe kjo lagje është e kërcënuar nga momenti në moment. Në pjesën mbi 200 metra lartësi, grupi i ekspertëve ka konstatuar 3 shkëmbinj me diametër mbi 2.5 metra, që janë gati të shemben nga momenti në moment. Sipas grupit të ekspertëve, brenda javës që vjen një tjetër grup ekspertësh do të bëjë një projekt për eliminimin e rrezikut të krijuar prej shkëmbinjve.
Alarmi
Kryetari i Bashkisë, Fadil Nasufi: “Kemi kërkuar ndihmën e ushtrisë për të sjellë grupin e xhenierëve, të cilët ndërhynë edhe në masivin shkëmbor mbi lagjen Mangalem.” Po i njëjti grup xhenierësh mundet të eliminojë rrezikun që u kanoset banorëve të lagjes Goricë. Nga ana tjetër janë marrë masa për t’i ardhur në ndihmë familjes që shkëmbi i dëmtoi shtëpinë. “Një skuadër ndërtimi këto dy ditë do të fillojë nga puna për riparimin e shtëpisë së shkatërruar nga rënia e shkëmbinjve”, ka thënë kreu i bashkisë së Beratit, Fadil Nasufi. Mëngjesin e së hënës Shkëmbinjtë plagosën 17-vjeçaren që flinte. Dy shkëmbinj të shkëputur nga lartësia 200 metra shkatërruan një shtëpi disa ditë më parë në Berat, ku mbeti e plagosur një vajzë 17-vjeçare. Rënia e masivit shkëmbor ka shkaktuar panik te banorët e lagjes Goricë. Dy shkëmbinjtë me madhësi deri në 1.5 metra ranë dhe shkatërruan shtëpinë e Vasil Lapit. Rënia e shkëmbinjve shkatërroi plotësisht çatinë e shtëpisë, ndërsa përfunduan njëri te shkallët e shtëpisë dhe tjetri në oborrin e fqinjit. Ngjarja ka ndodhur rreth orës 04.40 të mëngjesit të së dielës dhe zhurma e krijuar nga rënia dhe përplasja në trupat e pishave, kanë zgjuar bashkëshortët Lapi nga gjumi. Sapo e zonja e shtëpisë, Llambrinia, ka shkuar në kuzhinë, pikërisht aty ka rënë shkëmbi i parë, duke çarë një pjesë të soletës, një tjetër shkëmb ka rënë mbi çatinë e shtëpisë, mbi dhomën ku flinte vajza 17-vjeçare Laura, e cila u plagos në trup e kokë. Ndërkohë banorët ndjehen ende të trembur, sepse ende në pjesën shkëmbore janë disa shkëmbinj me diametër sa dy e trefishi i atyre, që ranë ditë më parë.

Lajmëtari

 

Lajmetari:10.07.2006. |top | Commente | Printo