Home Info Na shkruani Foto nga Berati Lajmet e tjera Arkiva Forumi i Lajmetarit

.

 

 

Titujt kryesore

Matura Shtetërore, realitet i shkollës sonë

Editorial

U zhvillua provimi i dytë i Maturës Shtetërore

PREZANTOHET DREJTORI I DREJTORISË SË POLICISË

Kronika e javes shkurt

Prefekti Bejko u tërheq veshin komunarëve

Kronika e Kuçoves

Ministria e Kulturës sjell nje poet e nje spiun në Berat

Marrëveshje me Co-Plan për hartimin e Planit të Përgjithshëm Rregullues të qytetit të Beratit

Nderohen me tituj nderi

Brenda korrikut 2006 dega e PD-së me drejtues të rinj

NJË TASK- FORCË PËR KRYETARIN E BASHKISË

Libra te rinj

Gjimnastikë:“Tomori” fitues i kupës së Shqipërisë 2006  

HOME NEWS POLITIKA

NJË TASK- FORCË PËR KRYETARIN E BASHKISË

Në fund të muajit Dhjetor 2005, kryetari i bashkisë Nasufi në një takim me përfaqësuesit e kompanive “Diekot’ dhe “Siemens”u kërkoi atyre që të fillonin punën për të kthyer sipërfaqet e demtuara në gjendjen e mëparshme duke i kërcenuar deri në pezullimin e kryerjes së punimeve të mëtejshme nëqoftëse nuk do të fillonin nga puna për reabilitimin e pjesëve që ishin demtuar, por askund pas kërkesës ultimative të k/bashkiakut Nasufi nuk u pa të fillonte kjo punë.

Të dyja kompanitë vazhdonin të punonin si edhe më parë pa u shqetësuar fare për ato çka u kërkohej dhe as deshën t’a dinin për z.Nasufi.
Duke parë gjendjen alarmante në drejtim të shkatërrimit të qytetit nga punimet e këtyre kompanive, megjithëse i shprehur se nuk ishte kompetencë ligjore e tij, por e të zotit të shtëpisë në këtë rast e kryetarit Nasufi, në 6 prill të këtij viti prefekti i qarkut Roland Bejko ndermori një nismë duke u kërkuar edhe ai përfaqësuesve të kompanive për të filluar nga puna për kryerjen e punimeve në siperfaqet e demtuara.
Pas kësaj u duk sikur diçka po lëvizte, por kjo nuk do të zgjaste më shumë se tre apo katër ditë. Gjithçka më pas do të kthehej në shtratin e mëparshëm.
Të dyja kompanitë do të vazhdonin të shkatërronin qetësisht qytetin, pasi me sa duket ata kishin marrë OK-in dhe se as kush nuk mund t’i ndalte në këtë punë të filluar.
Absurditeti më i madh do të ndodhte në dt.07.04.06’ në një takim tjetër me përfaqësuesit e kompanive “Diekat”dhe “Siemens”, ku krahas përfaqësuesve të kompanive merrte pjesë edhe drejtori i investimeve në KESH, z.Fatmir Hoxha.
Në këtë takim z.Nasufi midis të tjerash tha “Gjatë kryerjes së punimeve janë demtuar sipërfaqe të konsiderueshme urbane si rrugë, sheshe, e trotuare në akset kryesore,sekondare dhe në brendësi të lagjeve të qytetit. Kjo cënon dukshëm imazhin e bashkisë në sytë e banorëve të qytetit, krijon opinion në disfavor të saj... “Duke paraqitur më poshtë shifrat rrënqethëse të shkatërrimit të qytetit, të cilat konsistonin në shkatërrim rrugë të asfaltuara, trotuare, rrugë me kalldrëm, sipërfaqe të gjelbëruara del se janë së shkatërruar 13 197 m2, nga këto, sipërfaqja e dëmtuar nga firma “Diekat” 6 240 m2, ndërsa gjatë kryerjes së punimeve nga kompania “Siemens” janë dëmtuar 6 957 m2.
Pas paraqitjes së kësaj tablloje fjalën do ta merrte drejtori i investimeve në KESH z,Fatmir Hoxha, i cili që në fillim u shpre: “Ky takim është një mbledhje për mediatizimin dhe jo për zgjidhjen e problemit”, duke e justifikuar gjendjen e krijuar me pamundësinë e kryerjes së punimeve për shkak të stinës dhe motit me lagështi. Kjo bëri që kryebashkiaku Nasufi t’i ulte tonet dhe të tulatej dhe si i zënë në gabim dhe me gjysmë zëri ti drejtohej përfaqësuesit të KESH-it me fjalët “Ne këtu nuk duhet të sillemi si palë por si partnerë”.
Askush nuk mund ta kuptojë përveç tij se ku qëndron partneriteti i zotit Nasufi me kompanitë investuse dhe se kush do të ishte pala në problemin e krijuar.
Pamjes së zbehtë të kryetarit të bashkisë të krijuar pas triumfit të përfaqësuesit të KESH-it F.Hoxha në debatin me të, do t’i vinte në ndihmë ndërhyrja e drejtorit të gjelbërimit pranë bashkisë z.Baftjar Kafexhiu dhe atij të drejtorisë së monumenteve të kulturës Ajet Nallbani. Kafexhiu në këtë takim i kujtoi z.Hoxha se janë prishur sipërfaqe të konsiderueshme të pjesës së gjelbëruar të qytetit, të cilat ende nuk janë kthyer në identitet.
Po kështu janë dhjetëra pirgje me dhe të cilat ndodhen në të gjitha rrugët e qytetit, heqja e të cilave nuk ka të bëjë me motin. Gjithashtu janë shkarkuar dhjetëra metra kub inerte, të cilat në vend që të hidheshin diku tjetër janë hedhur në lumin Osum.
Drejtori i monumenteve të kulturës Ajet Nallbani në këtë takim u shpreh: “Investimi që po kryhen KESH-i është europian gjithashtu dhe parametrat janë të tilla, por puna që po kryhet nuk është aspak e tillë. Zonat muzeale të qytetit tani që ne presim një fluks të madh turistësh janë të mbushura me mbeturina dhe gropa.
Edhe kalldremet e qytetit janë të shkatërruara, por edhe atje ku është ndërhyrë punimet nuk janë cilësore, pasi toka në sipërfaqet e prishura nuk ngjishet me tokmak dhe nuk punojnë specialistë që e njohin këtë profesion. Në vend që të hiqen me dorë, në rrugët ku janë vendosur pllaka me mozaik, ato priten me troko duke shkaktuar kështu deme të pariparueshme për vlerat që mbartin këta mozaikë”.
Edhe pas këtij takimi kompanitë investuse të KESH-it vazhduan të qeta ritualin e përditshëm, hapnin kanale, shkatërronin dhe as kujtoheshin për riparimin e dëmeve të shkaktuara më qëllim reabilitimin e pjesëve të demtuara.

Por çudia më e madhe do të ndodhte në dt.23 maji të këtij viti kur të ndodhur përballë një fakti tashmë të kryer pasi kompanitë “Diekat” dhe “Siemens” e kishin bërë punën e tyre dhe që tashmë ua kanë mbathur këmbëve këto kompani e kishin futur nën tokë kabllin elektrik dhe bashkë me të kishin shtrirë përtokë edhe vlerat muzeale të qytetin duke na lënë si shpërblim për heshtjen e kryetarit të bashkisë Nasufi, grumbujt me dhe dhe inerte, kalldrëme të shkatërruara, rrugë dhe trouare të pa riparuara, sipërfaqe të gjelberuara të kthyera në ugar etj.
Në këtë takim me drejtues të drejtorive të bashkisë dhe të rajoneve, pasi u evidentuan edhe një herë dëmet u dol me një propozim të padëgjuar më parë “të ngrihet një task-forcë për kthimin në identitet të sipërfaqeve të shkatërruara si, rrugë trotuare, kalldrëme, pastrimin e qytetit nga mbetjet” etj.
Shumëkush që e ka dëgjuar këtë propozim të miratuar nga kryetari i bashkisë Nasufi nuk e ka kuptuar dot se kë do të detyrojë që të punojë kjo task-forcë ose e thënë ndryshe forcë e detyruar, që të kryejë këto punime?
Më së shumti kjo task-forcë duhet të detyrojë z.Nasufi që t’i kthehet punës që të bëjë detyrën si kryetar i bashkisë.Nuk dihet se ku do të gjenden lekët për kryerjen e këtyre punimeve të lëna pa u bërë nga kompanitë “Diekat” dhe “Siemens”, pasi këto lëke janë planifikuar në shumën totale që ato kanë marrë për të gjithë volumin e punës që do të kryenin.
E pra kjo është tablloja e përgjithshme e shkatërrimit që i është bërë qytetit

Abedin Kaja

 

Lajmetari: 12.06.2006. |top | Commente | Printo