Berat- Editorial -Qershor

Matura Shtetërore, realitet i shkollës sonë

Kanë përfunduar dy provimet e detyruara të Maturës Shtetërore, letërsia dhe matematika.
Ka qenë një organizim shumë i mirë i këtyre provimeve nga ana e Ministrisë së Arsimit dhe Shkencës, gjë që u pa gjatë gjithë procesit të realizimit të tyre.
Një ndihmesë të çmuar dhanë edhe punonjësit e policisë për sigurimin e testit dhe të mjediseve ku u zhvillua Matura Shtetërore. Interesimi i nxënësve, prindërve dhe mësuesve për Maturën Shtetërore ka qenë i madh dhe falë këtij interesi përfunduan me sukses dy provimet e para. Them përfunduan me sukses sepse për të gjithë grupet e interesit më i rëndësishëm në realizimin e Maturës Shtetërore është procesi sesa rezultati. Një proces korrekt, ku informacioni nuk rrjedh, ku çdo kandidat është në start të barabartë do të sjellë një rezultat real, pavarësisht nivelit të tij.
Të gjithë grupet e interesit dhe vetë shoqëria kanë nevojë pikërisht për një rezultat real në të gjitha hallkat e shkollës sonë.
Ende nuk kanë dalë rezultatet e dy provimeve të detyruara të Maturës Shtetërore, por tani janë të vetëdijshëm të gjithë se kjo formë duhej aplikuar vite e vite më parë për të mirën e nxënësve, për të mirën e studentëve, për të mirën e shkollës e për rrjedhojë për të mirën e vendit.
Matura Shtetërore do të ndajë egjrin nga gruri. Nxënësit që e meritojnë do të shkojnë në universitet. Prindërit nuk do të bëhen me dhimbje koke, për shkak të merakut se fëmijëve mund t’iu bëhet ndonjë padrejtësi. Në shkollën e lartë ata nuk do të paraqiten më për të blerë një të drejtë studimi, pavarësisht nëse fëmija i tyre e kishte apo s’e kishte formimin e duhur për të qenë student. Në auditore nuk do të ulen më ata që nuk e meritojnë të jenë studentë. Mjaft mësues, të cilët zhvillojnë kurse private pas provimit me zgjedhje do të shohin se cili është fryti i punës së tyre. Ose do të dështojnë e do të mbyllin kurset e tyre, ose do të marrin liçensën dhe do të vazhdojnë normalisht një veprimtari.
Matura Shtetërore do të nxjerrë në dritë të diellit mashtrimin në shkollën tonë. Dhjetat do të bëhen pesa, nënta do të bëhen katra, gjashtat do të bëhen teta ose shtatat do të bëhen dhjeta. Pas Maturës Shtetërore do të ketë një analizë të imët të procesit dhe të rezultatit , ku do të nxirren përfundime të vlefshme për të ndërtuar të gjithë punën në shkollat e mesme për vitin shkollor 2006-2007.
Matura Shtetërore është një test për mësuesit e shkollave të mesme për të provuar aftësinë apo paaftësinë e tyre.

Titujt kryesore

Matura Shtetërore, realitet i shkollës sonëi

U zhvillua provimi i dytë i Maturës Shtetërore

PREZANTOHET DREJTORI I DREJTORISË SË POLICISË

Kronika e javes shkurt

Prefekti Bejko u tërheq veshin komunarëve

Kronika e Kuçoves

Ministria e Kulturës sjell nje poet e nje spiun në Berat

Marrëveshje me Co-Plan për hartimin e Planit të Përgjithshëm Rregullues të qytetit të Beratit

Nderohen me tituj nderi

Brenda korrikut 2006 dega e PD-së me drejtues të rinj

NJË TASK- FORCË PËR KRYETARIN E BASHKISË

Libra te rinj

Gjimnastikë:“Tomori” fitues i kupës së Shqipërisë 2006

Matura Shtetërore, realitet i shkollës sonë

Lajmetari: 26 .06.2006. |top | Commente | Printo