Home Info Na shkruani Foto nga Berati Lajmet e tjera Arkiva Forumi i Lajmetarit

 

Titujt kryesore

Qytetit po i kthehet identiteti

Editorial

Vetevritet 24-vjeçari

PREZANTOHET DREJTORI I DREJTORISË SË POLICISË

Kronika e javes shkurt

Prefekti Bejko u tërheq veshin komunarëve

Kronika e Kuçoves

Ministria e Kulturës sjell nje poet e nje spiun në Berat

Kush i vodhi 3534000 lekë në kryesinë e shoqatës të pensionistëve të rrethit Berat

Çelet turizmi në BeratI

E majta e bashkuar garanci për një fitore të madhe- S.Hodaj

NJË TASK- FORCË PËR KRYETARIN E BASHKISË

ELibra te rinj

Gjimnastikë:“Tomori” fitues i kupës së Shqipërisë 2006  

HOME NEWS KRONIKA

Kush i vodhi 3534000 lekë në kryesinë e shoqatës të pensionistëve të rrethit Berat

Po bën disa muaj që ky skandal
financiar është bërë objekti kryesor
i bisedave te pensionistët e këtij rrethi. Pse kryesia e vjetër nuk po i vë pikat mbi i? Themi kryesia e vjetër, sepse faktikisht në shoqatën e pensionistëve në Berat po bën 5 vjet që nuk janë bërë zgjedhjet.
Po si qëndron e vërteta e këtij skandali?
Kryesia e shoqatës veç kuotave që i merrte çdo pensioni 2000 lekë në vit, është marrë edhe me një lloj aktiviteti të paligjshëm. Kjo kryesi furnizohej me ushqime me shumicë nga një firmë ushqimore në Berat dhe j’ua shiste këto ushqime pensionistëve, sigurisht që kjo kryesi nga ky lloj biznesi ka patur fitimet e saj, pra në vitin 2004-2005 me këto ushqime në kryesi nuk i bënin hyrje paratë e fituara nga shitja e ushqimeve, por i fusnin në xhepat e tyre, kështu që kur u mbaruan ushqimet del një diferencë e madhe me para që duhej shlyer te firma ku u morën këto ushqime, pra 1900 000 lekë, dhe këto para firma me të drejtë po i kërkon, sepse u ka dhënë mallin. Logjikisht lind pyetja: Kush i vodhi këto 1900 000 lekë? Në këtë kryesi ushqimet sipas të dhënave menazhoheshin nga sekretari i shoqatës
Skandali i dytë financiar fillon në vitin 2005 nga tetori i këtij viti, kur i nderuari kryetari i kësaj shoqate akuzon publikisht sekretarin e shoqatës se i kishte vjedhur në zyrë kryetarit një sasi të konsiderueshme parash dhe librezash që një librezë shitej 2000 lekë dhe ky sekretar këtë akuzë nuk e ka kundërshtuar në asnjë mbledhje të kryesisë dhe as publikisht, që do të thotë se akuza e kryetarit qëndron. Për dijeni për lexuesit, arkën me para në atë kohë e mbante ky sekretar, Pëllumb Hamdiu. Ç’ka ndodhur më vonë fill mbas akuzave që kryetari i shoqatës i bëri sekretarit? E urdhëron sekretarin që për 15 ditë sa të gjente arkëtar për t’i dorëzuar arkën, t’ia dorëzonte arkën dhe paratë një pensionisteje të nderuar. Po qysh ia ka dorëzuar paratë kësaj zonje, Pëllumb Hamdiu? Ai nuk ia ka dhënë asaj që t’i numëronte. Ja si tregon vetë Pëllumbi: “Mua nuk më dha para që t’i numëroja, se sa shkroi në procesverbalin që mori për vete, se mua nuk më dha kopje të procesverbalit dhe se sa futi në arkë unë nuk di gjë, sepse ai edhe çelsin e arkës nuk ma dha mua. Në procesverbalin e tij Pëllumb Hamdiu ka shkruar se i ka dorëzuar gjendjen e parave që kishte në ngarkim shumën prej 2200 000 lekë pas 15 ditëve që i janë bërë paratë në ngarkim. Kryetari gjen arkëtaren Emilia Rama dhe i jep urdhër Pëllumb Hamdiut që t’i dorëzohen paratë Emilisë. Por ç’ndodh?! Në procesverbalin që ka bërë vetë Pëllumbi me dorën e tij i ka dorëzuar Emilisë vetëm 566000 lekë dhe jo 2 200 000 lekë sa ishte gjendja e arkës, pra në arkë mungonin edhe 1 634 000 lekë. Kush i mori këto para nga arka? Pëllumbi që i dinte se i kishte dorëzuar vetë 2 200 000 lekë , pse s’i tha Emilia Ramës mos e merr arkën se ty të mungojnë 1 634 000 lekë ? Pse heshti kryetari i shoqatës, ku e ka burimin kjo heshtje? Me të drejtë çdo njeri thotë se Pëllumbi nuk i ka futur në arkë 2 200 000 lekë por 566000 lekë dhe 1634000 lekë i ka futur në xhepin e tij. Pse nxore dokumentin ti, Pëllumb, mbas vdekjes së kryetarit duke u mburrur se je në rregull, pse e mbulove vjedhjen kur kryetari ishte gjallë? Ti vend e pavend akuzon x-in për paratë. A mund ta pohosh publikisht kush i vodhi paratë? Pra, kush i vodhi 3 534 000 lekët? Ata që ty të dalin krah, a janë të përfshirë në këtë aferë të vjedhjeve të këtyre parave, a e dinin ata që paratë dolën mangët, pse s’e bënë problem te kryetari apo në kryesi?
Është për t’u çuditur me qëndrimin e Veiz Zaçes, president i shoqatës nga ku varet shoqata jonë që ka marrë në mbrojtje të akuzuarit që kanë vjedhur paratë. A jeton z. Veiz me situatën? Në vend që shumë fenomene negative kanë mbërthyer shoqrinë tonë siç është korrupsioni trafiqet dhe droga a duhet që Veizi t’i mbulojë këto fenomene negative që kanë mbërthyer edhe shoqatën e Beratit, apo duhet të ngrejë peshë opinionin e tërë pensionistëve për të bërë një luftë të ashpër ndaj korrupsionit dhe fenomeneve dhe dukurive negative? Pse Veizi deri tani ka mbajtur anën e kundërt, atë që nuk e dëshiron shoqëria shqiptare le ta analizojë vetë ai dhe të mbajë qëndrimin e duhur. Ne si pensionistë jemi që shoqëria jonë të pastrohet nga fenomene dhe dukuri negative. Prandaj ne i kërkojmë Veiz Zaçes në qoftë se nuk është i përfshirë në këtë skandal financiar të distancohet prej Pëllumb Hamdiut dhe ndonjërit që mbron atë në të njëjtën kohë kërkojmë që urgjentisht të mblidhen pensionistët dhe në Berat të dënojnë veprimet dhe mos veprimet e atyre që çuan në vjedhjen e 3 534 000 lekëve dhe kërkojmë që të bëhen zgjedhjet e reja në kryesinë e shp të Beratit me elemente të rinj dhe të papërfolur.
Ndryshe, në rast se Veiz Jançe do mbaj të njëjtin qëndrim që ka mbajtur deri tani ne, do ta akuzojmë atë si bashkëpunëtor me vjedhësit e këtyre parave dhe do të bëjmë denoncimin në prokurori dhe hetuesi jo vetëm për të dyshuarit këtu edhe më lart gjithashtu po i themi publikisht Veizit në rast se nuk distancohet nga ky skandal ne do shikojmë mundësinë e shkëputjes prej tij dhe do të kalojmë në shoqatën tjetër.

Nga një grup pensionistësh të rrethit Berat

Lajmetari:19.06.2006. |top | Commente | Printo