Home Info Na shkruani Foto nga Berati Lajmet e tjera Arkiva Forumi i Lajmetarit

.

Foto: Endjola Ruçi

 

Titujt kryesore

Qytetit po i kthehet identiteti

Editorial

Vetevritet 24-vjeçari

PREZANTOHET DREJTORI I DREJTORISË SË POLICISË

Kronika e javes shkurt

Prefekti Bejko u tërheq veshin komunarëve

Kronika e Kuçoves

Ministria e Kulturës sjell nje poet e nje spiun në Berat

Kush i vodhi 3534000 lekë në kryesinë e shoqatës të pensionistëve të rrethit Berat

Çelet turizmi në BeratI

E majta e bashkuar garanci për një fitore të madhe- S.Hodaj

NJË TASK- FORCË PËR KRYETARIN E BASHKISË

ELibra te rinj

Gjimnastikë:“Tomori” fitues i kupës së Shqipërisë 2006  

HOME NEWS KRONIKA

Nderohet nxënësja Edjola Ruçi

PRANGA PËR KALIM TË PALIGJSHËM TË KUFIRIT

GJIMNAZISTET PUSHTOJNE SKENEN

Nderohet nxënësja Edjola Ruçi

Zyra Arsimore e rrethit të Kuçovës ka organizuar një takim në nderim të Edjola Ruçit, nxënëse e vitit të dytë në shkollën e mesme të përgjithshme Kuçovë.
Edjola Ruçi para disa ditësh fitoi një ndër 5 vendet e akorduar për Shqipërinë nga Kolegjet e Botës.
Nga Drejtoria Arsimore Rajonale e Beratit u përzgjodhën 5 nxënës, 3 nga Berati, 1 nga Skrapari dhe 1 nga Zyra Arsimore e Kuçovës. Kjo e fundit fitoi një vend midis afro 90 konkurentëve në rang kombëtar.
Ky sukses i Edjola Ruçit bëri që Zyra Arsimore e Kuçovës të organizonte një takim në nderim të Edjolës. Merrnin pjesë nxënës të shkollës së mesme të përgjithshme, kryetari i Bashkisë Artur Kurti, prefekti i qarkut të Beratit Roland Bejko, nënprefekti i Kuçovës Rauf Troka. Drejtori i Zyrës Arsimore Dashnor Çela përshëndeti Edjola Ruçin, prindërit e saj dhe mësuesit e Edjolës për suksesin e arritur. Kryetari i bashkisë Artur Kurti dhe prefekti i qarkut të Beratit Bejko, krahas fjalëve të mira, i dhuruan Edjolës edhe nga 10 000 lekë të reja. Në fund përshëndeti Edjola Ruçi, e cila do të studiojë me bursën e Kolegjeve të Botës në Shtetet e Bashkuara të Amerikës.
Lajmëtari

ne krye

PRANGA PËR KALIM TË PALIGJSHËM TË KUFIRIT

***
Kishte zgjedhur si mënyrë punësimi dhe përfitimi kalimin në mënyrë klandestine të shtetasve që në pa mundësi për të siguruar një vizë për në shtetin grek, kanë pranuar të paguanin një shumë të caktuar lekësh për të mbërritur deri në destinacion. Këtë udhëtim këtyre shtetasve ua ka marrë përsiper bashkëqytetari i tyre Kristian Ziu, i cili kishte llogaritur që të sfidonte të gjitha rojet kufitare greke, pa llogaritur se që në nisje dhe pa mbërritur ende në kufirin grek do të prangosej nga agjentë të Seksionit të Luftës Kundër Trafiqeve të paligjshme, të cilët në datën 08.06.2006 kanë bërë arrestimin në flagrancë të shtetasit Kristian Ziu , 31 vjeç, lindur e banues në lagjen “11 Janari”, Kuçovë, me arsim 8 klasë, i martuar.
Arrestimi i tij u bë pasi më datë 06.06.2006 ka nisur nga Kuçova në drejtim të Greqisë disa shtetas. Më pas janë kryer veprimet proceduriale si dhe iu bllokuan në cilësinë e provës materiale 500 euro të dhëna nga shtetasit për kalim të paligjshëm të kufirit. Materialet i kaluan prokurorisë për veprën penale “dhënies ndihmë për kalim të paligjshëm të kufirit në bashkëpunim për qëllim fitimi në bazë të nenit 298/2 dhe 25 të Kodit Penal.
Lajmëtari

ne krye

GJIMNAZISTET PUSHTOJNE SKENEN

Ka një thënie të bukur të popullit tonë : “Kush kërkon, gjen”.
Kjo ka ndodhur edhe me mësuesit e shkollave të mesme të përgjithshme në Kuçovë, Neim Zhuri dhe Albana Salca.
Në këtë fundviti shkollor, u organizuan dy veprimtari interesante nga të dy gjimnazet e qytetit; u përgatitën dhe u dhanë me shumë sukses dy shfaqje komedish në sallën e kinemasë “Kadri Roshi” të Kuçovës.
Duket po formohet një traditë e re për nxënësit e këtyre shkollave, përgatitja dhe vënia në skenë e shfaqjeve teatrore me pjesë nga autorët tanë apo të huaj. Ishin nxënësit e gjimnazit numër një, ata që e nisën vitin e shkuar me shfaqjen e komedisë ‘’Borgjezi fisnik’’ të Molierit , shfaqje që u ndoq me interes dhe u pëlqye shumë nga spektatori nxënës, mësuesit dhe prindërit.
Të parët që u ngjitën në skenë ishin nxënësit e shkollës ‘’Myrteza Kepi’’ me dramën e Foqion Postolit ‘’Martesa e avokatit’’. Dikush pati edhe shfaqje mosbesimi për gjetjen e talenteve dhe mundësitë e vënies në skenë të kësaj drame interesante.
Por mësuesi pasionant Neim Zhuri, ishte i vendosur që ta vinte doemos këtë dramë në skenë. Ai, për ditë të tëra, provoi disa të rinjë për rolet që duheshin interpretuar dhe arriti të gjente jo vetëm gjashtë aktorë, sa kërkonte edhe drama, po gati dyfishin, duke siguruar në këtë mënyrë edhe dublime.
Jo vetëm kaq, iu desh të udhëtonte edhe deri në Tiranë për të siguruar dramën e shkruar dhe muzikën skenike. Akoma nuk do merrnin fund peripecitë, sepse duheshin gjetur edhe kostumet, edhe rekuizita e domosdoshme, dekori e shumë e shumë telashe të tjera. Veç siç e cilësuam edhe në fillim të këtij shkrimi, kush kërkon dhe këmbëngul, gjen dhe mund të arrijë suksesin.
Drama u përgatit me seriozitet nga nxënësit. Ata, pa lënë pasdore mësimin dhe pa rënë nga niveli i përgatitjes ditore, me lojën e tyre, bënë për vete shikuesit nxënës, mësues dhe prindër.
U pëlqye shumë interpretimi i nxënëseve të talentuara Matilda Shushari, Renalda Buçka, Gerald Mulita etj. Spektatorët i bëri për vete vajza që luante rolin e shqiptares dhe që martohet së fundi me avokatin, Sabiola Bregu , për natyrshmërinë me të cilin interpretoi, thjeshtësinë dhe sinqeritetin komunikues me spektatorin.
Një figurë interesante dhe që nuk pritej të ishte e atij niveli , bëri edhe nxënësi i vitit të tretë, Klodian Qorri, me rolin e shërbetorit të avokatit. Shfaqja u ndoq me interes dhe u duartrokit gjatë nga të pranishmit.
Për ta ndjekur këtë shfaqje, erdhën edhe përfaqsues të pushtetit vendor, kryetari i bashkisë, Zoti Artur Kurti, drejtori i zyrës arsimore, Dashnor Çela, drejtori i shkollës Ferdinand Potoli dhe të ftuar të tjerë. Vetë kryetari i bashkisë së Kuçovës, z.A. Kurti dhe zoti D.Çela, i takuan artistët e rinj dhe i përshëndetën për shfaqjen e bukur dhe me nivel shumë të mirë artistik.
Përgëzime dhe falënderime mori edhe regjisori dhe organizatori i kësaj shfaqjeje, mësuesi i letërsisë Neim Zhuri. Meritë të veçantë pati në këtë shfaqje edhe z.Josif Xhako, që punoi edhe në ndihmë të regjisë, por edhe për grimin e artistëve të rinj, duke sajuar me art portrete të spikatur si ajo e shërbetorit, e avokatit apo e zonjushave të dramës.
Në skenë interpretuan bukur edhe nxënësit e gjimnazit numër një që risollën të freskët komedinë e njohur të A.Z.Çajupit ‘’Pas vdekjes’’.
Fejzi Murati.

ne krye

Lajmetari: 12.06.2006. |top | Commente | Printo