Home Info Na shkruani Foto nga Berati Lajmet e tjera Arkiva Forumi i Lajmetarit

. Foto: Y. Hima

 

 

Titujt kryesore

Dora e ngrohtë e Partisë

Editorial

Bruceloza rrezikon rajonin e Beratit

ZJARR NË BIBLIOTEKËN “VEHXHI BUHARAJA”

Kronika e javes shkurt

QË TË MERRESH VESH ME ZOTIN DUHET TË SULMOSH QIELLIN

Kronika e Kuçoves

Ministria e Kulturës sjell nje poet e nje spiun në Berat

BASHKIA LE NE PERIFERI AUTOBUSET E FSHATIT

Çelet turizmi në BeratI

Politike

NJË TASK- FORCË PËR KRYETARIN E BASHKISË

ELibra te rinj

Futboll: “Tomori” U = 16, kampion 

HOME NEWS EDITORIALE

Dora e ngrohtë e Partisë

 

Është me të vërtetë mbresëlënës veprimi i Partisë Socialiste të Beratit
pas zgjedhjeve të 3 korrikut. Pas humbjes së zgjedhjeve parlamentare, rrjedhimisht që disa drejtorë të emëruar edhe për shkak të militantizmit, (në kuptimin normal të këtij termi), nga PS-ja të linin postet. Disa nga këta ish-drejtues të institucioneve dhe ndërmarrjeve të varësisë vertikale janë figura historike të së majtës në Berat. Ndonëse gjatë këtyre viteve kur Partia Socialiste ka qënë në pushtet midis tyre ka patur mjaft përplasje për poste të ndryshme, sherre që kanë shkuar deri në fyerje mjaft të rënda, ndonëse ka patur mënjanime nga strukturat partiake nëpërmjet lobingjeve, ka patur akuza të forta në forume dhe në media, menjëherë pas humbjes në 3 korrik u shfaq solidariteti tipik i së majtës: U lanë pas sherret, mëritë, rivalitetet, etja për pushtet, u harruan fyerjet, dasitë, parimet. Mbi gjithçka triumfoi humanizmi rozë.
Drejtori i rrugëve Stavri Ceca, pas lirimit nga detyra u emërua nënkryetar i bashkisë së Beratit duke spostuar nënkryetarin e bashkisë Artur Cepani, i cili i zuri vendin drejtorit të komunales Agim Nova, i ardhur si drejtues jo nga strukturat e PS-së. Po kështu ish-drejtori i Muzeut Etnografik dhe Muzeut “Onufri” Vladimir Skëndo pas lënies së kësaj detyre u emërua në postin e drejtorit të drejtorisë së kulturës në bashkinë e Beratit në vend të piktorit Agron Polovina, aktualisht jashtë srukturave të PS-së, i cili u emërua drejtor i galerisë së artit “E. Lear”, duke mbyllur qarkun. Pas lirimit nga detyra e drejtorit të ujësjellësit ing. Fatmir Shehut, u miratua një organikë nga këshilli i bashkisë për një nënkryetar të dytë të bashkisë së Beratit. Në këtë post të lartë u emërua ing.Fatmir Shehu. Në bashki u sistemua edhe ish-drejtori i filialit te telekomit të Beratit, Aleksandër Bode dhe të tjerë. Të gjitha këto
lëvizje mikpritëse u bënë nga kryetari aktual i bashkisë së Beratit Fadil Nasufi.
Nuk ngeli pas në këtë soldaritet partiak edhe kryetari i qarkut Pelivan Shatri. Ai ftoi në administratën e tij në një post të lartë Krenar Sukun, pas lirimit të tij nga detyra e kryetarit të degës së tatim-taksave të Beratit.
Nuk janë vetëm këta “të strehuarit” e Partisë Socialiste të Beratit pas ndërrimit të qeverisjes qëndrore ne institucionet dhe ndërmarrjet që varen nga pushteti vendor. Ka edhe mjaft të tjerë
Ky soldaritet i pushtetarëve lokalë ka vënë në lëvizje dhe të menduarit dhe të medituarit e mjaft drejtuesve të partive të djathta, Ka vënë në mendim madje edhe grupet e militantëve të partive të djathta që grinden dhe shajnë tërë ditën e Perëndisë njeri-tjetrin. Kjo dorë e ngrohtë e partisë, zgjatur për të mbajtur të sajtë, ka vënë në pozitë edhe mjaft drejtues të institucioneve dhe të ndërmarrjeve të varësisë vertikale, të cilët ende nuk kanë menduar për të gjithë të tyret, në emër të ruajtjes së ekuilibrave politikë dhe qytetarë dhe rritjes së shërbimit ndaj publikut. Por duhet pohuar se ky soldaritet tipik partiak i së majtës, që në analizë të fundi është i dobishëm për partinë , por jo dhe kaq i dobishëm për qytetarët, mungon te partitë e djathta. Aty aktualisht ka një mjedis mjaft të ngarkuar me mëri, shërre, letra dhe mesazhe dërguar lart, ku goditen me të drejtë dhe pa të drejtë drejtues partiakë dhe drejtues institucionesh, ardhur nga e djathta. Natyrisht, çdo pjesë e spektrit politik ka tiparet e saj, ka mënyrën e egzistencës dhe të sjelljes së vet dhe kurrsesi nuk mund të njësohet me tjetrën. Por në vënd të soldaritetit partiak të së majtës, ku intertesat partiake janë mbi ato qytetare, pjesa tjetër e spektrit duhet të lërë shërret, mëritë, sharjet që në fund të fundit nuk kanë asgjë të përbashkët me sjelljen fisnike të së djathtës, (përkundrazi), janë reminishencë dhe mentalitet i së kaluarës së komuniste, ku rivali apo kundërshtari politik ishte thjesht një armik.
Lëvizjer e fundit në qytetin e Beratit, kur edhe pas humbjes së zgjedhjeve partia nënë nuk të kërkon llogari për mënyrën e qeverisjes, që është arsyeeja kryesore e humbjes së këtyre zgjedhjeve, por përkundrazi të ngre në poste më të larta, të shpërblen me karrige të tjera, pa të lënë asnjë minutë pa post për të medituar se çfarë ndodhi dhe pse ndodhi, tregon se mesazhi i 3 korrikut 2005 i votuesve të qytetit të Beratit për të majtën në Berat ose nuk është kuptuar, ose është keqkuptuar, ose nuk përfillet nga kjo forcë politike.
Lajmetari

Lajmetari: 12.06.2006. |top | Commente | Printo