Home Info Na shkruani Foto nga Berati Lajmet e tjera Arkiva Forumi i Lajmetarit

.

Eduart Bejko dhe Lefter Maliqi kandidatë të përbashkët të së majtës
Lefter Maliqin do ta paraqesë si kandidat kundërshtari i tij Braçe

 

Titujt kryesore

Estrada e Beratit jeton vetëm në... bordero

Editorial

Matsura: Berati në 2007 në listën e UNESCO

ZJARR NË BIBLIOTEKËN “VEHXHI BUHARAJA”

Kronika e javes shkurt

POLICIA PRANGOS HAJDUTIN E PULAVE

Kronika e Kuçoves

“KOLOR 2006”

Mjeket e Spitalit Kunder propozimit per emerimin e spitalit.

NDERIM NJERIUT QE NUK RRESHTA KURRE SE ADMIRUARI

Cili do të jetë kryetari i komanduar i PD-së?

LSI i kërkon PS-së Beratin dhe Otllakun

Emri yt i ëmbël- Paul Vinicius

Poezi

Futboll: “Tomori” U = 16, kampion 

HOME NEWS POLITIKA

LSI i kërkon PS-së Beratin dhe Otllakun

Burime të brendshme të LSI-së bëjnë të ditur për gazetën “Lajmetari” se Lëvizja Socialiste për Integrim (LSI) ka përcaktuar tashmë hartën elektorale ku do të valojnë si flamuj kryesorë flamujt e kësaj force politike. Në hartë janë përcaktuar qartë dy njësi në rrethin e Beratit. Këto njësi janë bashkia e Beratit dhe komuna e Otllakut. Këto dy njësi janë gati- gati të panegociushme me forcat e tjera aleate të partive opozitare të së majtës. LSI-ja ka piketuar edhe kandidatët për kryetarë bashkie dhe komune në këto dy njësi. Ata janë mjeku kirurg Eduart Bejko kandidat për kryetar në bashkinë e Beratit dhe një nga kandidatët më simpatikë të LSI-së në zgjedhjet parlamentare të vitit 2005, Lefter Maliqi, me arsim të lartë ushtarak si kandidat për kryetar në komunën e Otllakut.
Burimi shton se LSI, me përkrahjen e të majtëve në Berat do ta fitojë bashkinë dhe komunën e Otllakut. Aritmetika e LSI-së është e thjeshtë : Po të bashkosh votat e kandidatit të LSI-së në Berat me ato të socialistëve, shuma është më e madhe se votat e koalicionit të djathtë që fitoi deputetin në zgjedhjet parlamentare. Ndërsa Lefter Maliqi fitoi i vetëm afro 4000 vota në zonën e tij përballë Erion Braçes dhe Haznedarit të PD-së. Madje me humor burimet e LSI-së thonë se Lefter Maliqin do ta prezantojë në komunën e Otllakut pikërisht deputeti Erion Braçe, në emër të koalicionit të majtë. Në degën e LSI-së Berat ka patur edhe një propozim mjaft interesant: Lefter Maliqi ka energji të pashterrshme për të realizuar një fushatë të egër me shumë kundërshtarë, ndaj edhe mund të kandidojë si përfaqësues i së majtës edhe për bashkinë e Beratit. Vetë Maliqi nuk e ka pranuar këtë privilegj me arsyetimin se zona e tij elektorale është ajo ku është deputet aktualisht Erion Braçe.
Ende nuk dihet se si do t’i përgjigjet PS-ja aleatit më të ri të koalicionit opozitar. Aktualisht Partia Socialiste ka pothuajse të gjithë pushtetin lokal në rajonin e Beratit dhe do të luftojë me fanatizmin që e karakterizon për të ruajtur këtë pushtet për militantët e saj që nuk janë të pakët në këtë rajon. LSI-ja ka të sigurta mjaft komuna në Skrapar. Bashkinë e Corovodës e ka aktualisht, sepse kryetari i kësaj bashkie, Abdyl Arra, është një militant i saj.
Kreu i LSI-së z.Ilir Meta e ka qytetin e Beratit një prioritet. Ky fakt bëhet edhe më i besueshëm po të vëzhgosh vizitat e shumta që ai ka realizuar herë pas here në këtë qytet.
Lajmetari Eduart Bejko dhe Lefter Maliqi kandidatë të përbashkët të së majtës
Lefter Maliqin do ta paraqesë si kandidat kundërshtari i tij Braçe

 

Lajmetari: 5.06.2006. |top | Commente | Printo