Home Info Na shkruani Foto nga Berati Lajmet e tjera Arkiva Forumi i Lajmetarit

Titujt kryesore

Estrada e Beratit jeton vetëm në... bordero

Editorial

Matsura: Berati në 2007 në listën e UNESCO

ZJARR NË BIBLIOTEKËN “VEHXHI BUHARAJA”

Kronika e javes shkurt

POLICIA PRANGOS HAJDUTIN E PULAVE

Kronika e Kuçoves

“KOLOR 2006”

Mjeket e Spitalit Kunder propozimit per emerimin e spitalit.

NDERIM NJERIUT QE NUK RRESHTA KURRE SE ADMIRUARI

Cili do të jetë kryetari i komanduar i PD-së?

LSI i kërkon PS-së Beratin dhe Otllakun

Emri yt i ëmbël- Paul Vinicius

Poezi

Futboll: “Tomori” U = 16, kampion 

HOME NEWS KRONIKA

Kronika

Matsura: Berati në 2007 në listën e UNESCO

Presidenti i Republikës Alfred Moisiu, zhvilloi dje një takim me drejtorin përgjithshëm të UNESCO-s, Koiçiro Matsura, në kuadër të Samitit të Shteteve të Evropës Juglindore që mbahet në Opatija të Kroacisë.

Në këtë takim kreu i shtetit vlerësoi interesin që mbartin takimet e këtij niveli për një vend me vlera të rralla kulturore si Shqipëria si dhe shprehu konsideratën e tij për punën e vazhdueshme të UNESCO-s për ruajtjen dhe promovimin e këtyre vlerave.
Presidenti Moisiu vuri në dukje se antikiteti kulturor, që ne shqiptarët kemi trashëguar, dëshmon jo vetëm lashtësinë, por dhe bashkëjetesën dhe tolerancën që karakterizon popullin shqiptar dhe nënvizoi pozitivitetin e nismave si kjo e samitit në fjalë, për të shkëmbyer pikëpamje për çështje në interes të bashkëpunimit në kuadër të vënies në pah të vlerave kulturore të rajonit, por dhe për të thelluar e forcuar lidhjet midis vendeve tona.
“Këto aktivitete tregojnë për identitetin kulturor të vendeve pjesëmarrëse, por dhe për elementë të përbashkët të bashkëjetesës dhe mirëkuptimit mes njëri-tjetrit, të cilat na udhëheqin ne drejt qëllimit të përbashkët të integrimit në Bashkimin Evropian në paqe, stabilitet dhe prosperitet”, - u shpreh presidenti Moisiu. Nga ana e tij, z. Matsura shprehu kënaqësinë e veçantë për takimin dhe mundësinë e shkëmbimit të ideve me presidentin Moisiu rreth trashëgimisë kulturore dhe vlerave që ajo mbart për mbarë njerëzimin.
Duke vlerësuar dosjen e paraqitur nga ekspertët shqiptarë për qytetin muzeal të Beatit, drejtori i përgjithshëm i UNECSO-s vuri në dukje se është optimist për vendosjen e këtij qyteti në listën e UESO-s vitin e ardhshëm. Z. Matsura vlerësoi kontributin e vendit tonë për ruajtjen e trashëgimisë kulturore në Kosovë dhe shprehu angazhimin dhe vullnetin e UNESCO-s për të vijuar punën dhe në këtë drejtim. Gjithashtu, presidenti Moisiu pritet të ketë takime me homologë të vendeve të rajonit, si dhe të tjerë personalitete të larta.
Presidenti i Republikës, Alfred Moisiu, merr pjesë në Samitin rajonal të Shteteve të Evropës Juglindore, që po zhvillon punimet sot në Opatija të Kroacisë, me temë “Komunikimi i Trashëgimisë: një vizion i ri i Evropës Juglindore”.

Gjatë punimeve të Samitit, presidenti Moisiu pati rastin për t’u takuar dhe biseduar me homologë të tij nga vendet e rajonit, të cilët marrin pjesë në këtë aktivitet. Në vijim të pranishmit kanë ndjekur ceremoninë e dekorimit të drejtorit të Përgjithshëm të UNESCO-s, Koiçiro Matsura, nga presidenti i Kroacisë, Stipe Mesiç.

Lajmëtari

 

Lajmetari: 5.062006. |top | Commente | Printo