Home Info Na shkruani Foto nga Berati Lajmet e tjera Arkiva Forumi i Lajmetarit

. Foto: Y. Hima

 

 

Titujt kryesore

A funksionon koalicioni i djathtë në Berat?

Editorial

Nisin hetimet për vdekjen e Mimoza Mançes në shtëpinë e lindjes Berat

BOGOVË, PESË KOMPANI DO TË ZHVENDOSIN BISNESET

Kronika e javes shkurt

Ferri Berat- Lushnje do të marrë fund

Kronika e Kuçoves

Edjola Ruçi, fiton konkursin e Kolegjeve të Botës

Nis Berati turistik

Hanët e Beratit

Mblidhet kryesia e degës së PD-së Berat

Kryetari i ri i komanduar

Emri yt i ëmbël- Paul Vinicius

Poezi

Ndahet nga jeta Pandi Ndreçka

HOME NEWS EDITORIALE

A funksionon koalicioni i djathtë në Berat?

 

Pas tre korrikut koalicioni i djathtë në rang lokal pothuajse nuk ka funksionuar.
Nëse gjatë fushatës u vu re një bashkërendim i mirë i veprimeve, më pas gjithçka ra në qetësi. Një grup pune i ngritur në qendër, ku merrnin pjesë përfaqësues nga të gjitha partitë, më shumë ngatërroi se sa ndërtoi. Ky komision mund të funksiononte për bukuri këtu në bazë, ku të gjithë e njohin njeri-tjetrin dhe nuk do të realizoheshin emërime shpesh klienteliste në drejtori e agjensi rajonale, pa pyetur strukturat partiake të partive të koalicionit që veprojnë në rajonin e Beratit. Kjo mënyrë funksionimi e koalicionit ka bërë mjaft emërime që lënë për të dëshiruar. Janë emëruar drejtues institucionesh individë që nuk kanë dhënë asnjë ndihmesë për fitoren e 3 korrikut 2005. Nëse të emëruarit do të qenë specialistë të zotë, profesionistë të njohur e me merita në shërbim të qytetarëve, le të ishin qytetarë të pazotuar, madje edhe anëtarë të partive opozitare, ata që i emëruan do të kishin mirëkuptimin e qytetarëve. Por nuk rezulton kështu. Të emëruarit janë thjesht miq apo kushërinj të x apo y, por mediokër në profesion dhe kulturë. Këto emërime kanë lënë të pakënaqur militantët e Partisë Demokratike dhe të partive të tjera të koalicionit. Janë emëruar në poste kyçe në emër të partive të koalicionit edhe anëtarë të strukturave të larta të partive jashtë koalicionit. Kjo sjellje lë shije të hidhur te qytetarët. Nëse je miku im përfiton, ke apo s’ke vlera profesionale, ke apo s’ke kontribut në radhët e partive që erdhën në pushtet me votën e qytetarëve
Nëse do të funksiononte tryeza e partive të koalicionit të djathtë, edhe shërbimet ndaj qytetarëve do të qenë më cilësore, sepse do të diskutoheshin mjaft probleme që shqetësojnë qytetarët dhe rrugët më të mira për zgjidhjen e tyre, do të silleshin në vëmendjen e drejtuesve të institucioneve premtimet e bëra në fushatën e 2005 dhe do të bashkërendohej puna për realizimin e tyre.
Nëse do të funksiononte tryeza lokale e partive të koalicionit nuk do të ndodhnin deformime të tilla klienteliste në emërime që kanë dekurajuar mjaft militantë të këtyre partive. Nëse do të funksiononte tryeza e partive të koalicionit edhe militantët e këtyure partive do të rregulloheshin më shpejt në punë të ndryshme.
Tani jemi në prag të zgjedhjeve për qeverisjen vendore. Pas largimit nga kjo qeverisje për dy mandate, koalicioni i djathtë do të kërkojë të rikthehet në krye të qeverisjes vendore në bashki dhe komuna. Kjo do të ndodhë nëse koalicioni i djathtë do të futet në zgjedhje i bashkuar. Ka ardhur koha që qytetarët në komuna dhe bashki të njihen me kandidatët e koalicionit të djathtë për këto zgjedhje. Lëvizjet shpesh kaotike brenda partive të këtij koalicioni janë në dëm të tij, Zgjedhjet lokale po afrojnë dhe vëmendja e qytetarëve është rritur për të njohur ata që pretendojnë t’i qeverisin në mandatin e ardhshëm.
Yzedin Hima

Lajmetari: 29.05.2006. |top | Commente | Printo