Home Info Na shkruani Foto nga Berati Lajmet e tjera Arkiva Forumi i Lajmetarit

.

 

 

Titujt kryesore

A funksionon koalicioni i djathtë në Berat?

Editorial

Policia në aksion për mbledhjen
e gjobave të 2 viteve

UJI I NDOTUR I PUSEVE RREZIKON SHËNDETIN BANORËVE

Kronika e javes shkurt

Tregu i lirë vret tregun ligjor

Feniksi u ringjall-Grupi i këngës popullore “Berati” jep koncertin e parë

Kulture

Babai që i dhuroi veshkën djalit

ROMËT ENDE LARG INTEGRIMIT

Jep dorëheqjen kryetari i degës së PD-së

Politike

Emri yt i ëmbël- Paul Vinicius

Poezi

Sportdashësit beratas nuk meritojnë këtë skuadër

Opinion

HOME NEWS SPORT

Sportdashësit beratas nuk meritojnë këtë skuadër

Jam një sportdashës i “Tomorit”, por që
nuk banoj në Berat. Vetëm se zemra më
qan për sportet e “Tomorit”, sidomos për futbollin. Rastësisht ditën e hënë u ndodha në Berat, se isha në një dasmë. Të hënën në mëngjes bleva gazetën “Lajmëtari”, gazetë që më pëlqen shumë. Më tërhoqi vëmendjen shkrimi i gazetarit të njohur sportiv, zotit Vlash Pambuku, i cili me të drejtë pyet: “Përse kritikat që po bëhen për sportet, nuk po e ndryshojnë gjendjen?” Të më fali profesor Vlashi (unë e kam patur mësues dikur), më mirë nga të gjithë mund t’ia bëjë ai analizën sporteve dhe me siguri që ia gjen (megjithëse ai ia di shkaqet e vërteta përse Berati është katandisur kështu). Unë nuk do të rri të bëj analiza të tepërta e të gjata, do t’i bije shkurt, e para se të tilla janë shkaqet dhe e dyta, nuk kam kohë se do të iki pas 30 minutash. E para, është se në krye të bashkisë nuk ka njeri që t’i dojë sportet. Nuk është turp të pranosh se nuk i ke qejf sportet, por i “ndihmon” sa për të thënë se ta kërkon puna. E dyta, dhe ata që janë në bashki as që kanë haber nga sportet. Në skuadra apo ekipe nuk janë afruar biznesmenë të fuqishëm e të ndershëm, i kanë dashur këto vende si presidentë vetëm për të përfituar vetë ndonjë tender a shumë të madhe investimi, siç qe ajo e ndërrimit të tapedit të stadiumit, që u masakrua nuk dihet nga kush. E treta mendoj se është taktikë e vjetër e Miles që në fund braktis ekipin, larg i rri dhe në periudhën përgatitore. Pastaj afrohet. Po shkuan punët mirë, nis e mburret e thotë se merita është e tij, po shkuan keq, justifikohet se në periudhën përgatitore (që është baza e suksesit), nuk i ka stërvitur ai. Dhe e fundit mendoj se në sport tërë puna vërtitet rreth dy emrave, të cilët, pasi largohen nga puna për rezultate të dobëta, ndërrojnë vendet me njëri-tjetrin, herë duke shkuar nga një klub te tjetri, herë nga bashkia në klub ose anasjelltas. Pse vallë, në tërë qytetin vetëm tre vetë mund t’i drejtojnë sportet? Po t’u gjenden punëve njerëzit e duhur të ndershëm e të përkushtuar si drejtues e trajnerë, keni për të parë se gjendja do të ndryshojë.

Astrit Kollaci, Durrës

 

Lajmetari:22.05.2006. |top | Commente | Printo