Home Info Na shkruani Foto nga Berati Lajmet e tjera Arkiva Forumi i Lajmetarit

.

 

Tregu ne Gorice

 

Titujt kryesore

A funksionon koalicioni i djathtë në Berat?

Editorial

Policia në aksion për mbledhjen
e gjobave të 2 viteve

UJI I NDOTUR I PUSEVE RREZIKON SHËNDETIN BANORËVE

Kronika e javes shkurt

Tregu i lirë vret tregun ligjor

Feniksi u ringjall-Grupi i këngës popullore “Berati” jep koncertin e parë

Kulture

Babai që i dhuroi veshkën djalit

ROMËT ENDE LARG INTEGRIMIT

Jep dorëheqjen kryetari i degës së PD-së

Politike

Emri yt i ëmbël- Paul Vinicius

Poezi

Sportdashësit beratas nuk meritojnë këtë skuadër

Opinion

HOME NEWS KRONIKA

Tregu i lirë vret tregun ligjor

Të gjithë subjektet që tregtojnë në të ashtu-quajturin treg i lirë, kanë paguar për bashkinë taksën e vendit me 20 lekë metrin katror dhe në një mesatare të llogaritur për të ardhurat mujore të arkëtuara në bashki kjo shumë nuk i ka kaluar më shumë se 20 lekë për person, pra, sikur sejcili të kishte jo më shumë se një metër katror në përdorim të përditshëm.
Në kushte kur as paga e punonjësit të bashkisë nuk justifikohet me këtë qëndrim dhe veprim liberal të pushtetit vendor në Berat, kanë ngritur krye bizneset e licensuara që janë të regjistruara në zyrën e tatimeve dhe paguajnë rregullisht taksat si ato vendore dhe ato që u takojnë me ligj për biznesin që bëjnë.
Janë rreth 68 subjekte të cilat kanë dyqane po në të njëjtin territor dhe që para tyre tregtojnë të tjerë që nuk paguajnë as taksa dhe as detyrime të tjera, ndërsa konkurojnë këta të fundit edhe pse askush nuk është kujdesur për këtë ankesë të tyre.
Tashmë kur ka kaluar afati i regjistrimit të subjekteve që kryejnë veprimtari në Berat dhe problemi është shtruar për zgjidhje me kërkesë të këtyre subjekteve të licensuara si dhe me kërkesën e zyrës së tatimeve në Berat të 600 subjektet që tregtojnë në tregun e lirë duhet të regjistrohen dhe duhet të derdhin sigurimet shoqërore dhe taksa të tjera sipas ligjit, pra, që të mos jenë më si deri më tani subjekte që konkurojnë të tjerët dhe nuk derdhin apo nuk ndiejnë asnjë detyrim ndaj shtetit apo pushtetit vendor.
Sipas drejtorit të zyrës së tatimeve në Berat, z. Arben Velçani, janë regjistruar 370 subjekte më tepër në krahasim me vitin e kaluar, ndërsa regjistrimi i këtyre veprimtarive që kanë vepruar pa licencë në tregun e lirë do të rrisë kon-kurencën dhe të ardhurat e shtetit, por edhe do të pakësojë shumë listën e emërave që trajtohen me përkrahje sociale dhe ndërkohë kryejnë veprimtari ekonomiko-tregëtare dhe konkurojnë në treg pa të drejtë të tjerët.
Kryebashkiaku i Beratit, z.Fadil Nasufi, ka përkrahur këtë logjikë veprimi, ndërsa ka pohuar se ka qenë i vështirë organizimi i vjeljes së të ardhurave në një terren të hapur dhe të pakontrolluar siç është lagja “30- vjetori”, ndërkohë që Berati ka nevojë sipas tij për një treg, i cili të jetë më i rregullt dhe më i kontrolluar e me kushte për tregtimin normal të mallrave.
Lajmetari

 

Lajmetari:22 .05.2006. |top | Commente | Printo