Home Info Na shkruani Foto nga Berati Lajmet e tjera Arkiva Forumi i Lajmetarit

.

Foto: Agjensia e urbaneve Berat

 

 

 

 

 

 

 

Titujt kryesore

Nuk kanë helm vetëm gjarpërinjtë

Editorial

Çdo ndertim i paligjshem do te perballet me ligjin

Kronika

Kronika e javes shkurt

Bogova, burimi i rrezikuar

Bilbilat e Kalasë

Nderohen me titullin “Nderi i qytetit” dok. Artin Bundarzian dhe dok. Lluka Muço

Nderohen me tituj nderi disa personalitete të shkencës

Emri yt i ëmbël- Paul Vinicius

Tomori, vazhdon variantin në vendnumëro

Bilardistët e “Tomorit” në kampionat

HOME NEWS KRONIKA

Kronika

ÇDO NDERTIM I PA LIGJSHËM DO TË PËRBALLET ME LIGJIN

Problemi i përmbytjes të qarkut të Beratit nga shirat ka mbledhur disa ditë më parë në një takim të zhvilluar në prefekturën e qarkut të Beratit përfaqësues të pushtetit vendor, kryetarë komunash, drejtorë institucionesh dhe të ftuar të tjerë. Në këtë takim krahas prefektit të qarkut Roland Bejko, i cili ishte edhe iniciuesi i këtij takimi, kryetarit të këshillit të qarkut Pelivan Shatri, N/ Prefekti i Skraparit Fadil Kapllani, Drejtori i Bordit të Kullimit të Ujërave Bujar Dhëmbo, Drejtori i BUMK Pirro Bica etj, merrte pjesë edhe z.Jemin Gjana Ministri i Bujqësisë, Ushqimit dhe Mbrojtjes së Konsumatorëve i shoqëruar nga Drejtori i Përgjithshëm i Policisë Ndërtimore z.Ibraim Morina, Drejtori i Projektit 2KR Fredi Braushi etj. Takimi u hap nga Prefekti i Qarkut Berat z.Roland Bejko, i cili pasi falenderoi pjesëmarrësit theksoi se qëllimi i këtij takimi është evidentimi i dëmeve të shkaktuara nga përmbytjet, puna e deritanishme e strukturave për menaxhimin e pasojave dhe parandalimin e tyre në të ardhmen. Gjithashtu në këtë takim ai kërkoi sensibilizimin e organeve të qevirisjes vendore dhe donatorët për të bashkërenduar punën për kryerjen e investimeve me qëllim mbrojtjen e shtetasve dhe pronës nga përmbytjet e lumit Osum. Më pas specialisti pranë prefekturës ing. Kostandin Ndini me anë të një materiali filmik pasqyroi një material të bollshëm të gjendjes aktuale të shtratit të lumit Osum, një historik përmbytjesh dhe investimesh në vitet paraardhese si dhe pikat me emergjente për evitimin e fenomenit të gërryerjes dhe përmbytjes. Qarku i Beratit përshkohet mespërmes nga lumi Osum.Gjithashtu territori i qarkut përshkohet nga një numer i madh përrenjsh malore, te cilet ne periudhen e vjeshtes e te pranveres dalin nga shtreterit e shkaktojne deme te mëdha.
Qyteti i Beratit është me i rrezikuari nga permbytjet. Në 50 vjetët e fundit ai ka njohur disa përmbytje të mëdha, si ato të viteve 1962, 1972, 1983 dhe 2002.
Më pas në këtë takim e mori fjalën Drejtori i DBUK z.Pirro Bica, i cili pasi parashtroi disa probleme që ka bujqësia sot në prefekturën e Beratit i kërkoi ministrit Gjana që në kuadrin e projektit të ministrisë për tregjet rajonale të krijohet edhe një treg për qarkun e Beratit, i cili sipas tij do të krijonte avantazhe dhe mundësi të shumta për tregëtimin e prodhimeve bujqësore. Më pas ngritën shqetësimet e tyre edhe disa kryetarë komunash, të cilët kërkuan ndihmën e shtetit për pastrimin e kanaleve kullues, të cilët herë pas here bëhen shkak për përmbytjen e tokave bujqësore.
Në këtë takim Ministri Gjana u midis të tjerash shpreh:
Kemi trasheguar probleme të medha me ujitjen, kullimin dhe mbrojtjen nga erozioni. Eshte investuar jo pak, sipas letrave, në ujitje dhe kullim gjatë kësaj dekade të fundit, por problemet rezultojne sot të pazgjidhura në permasa të medha. Investimet janë komanduar nga Tirana. Janë krijuar shoqatat e perdoruesve të ujit, por ato më së shumti kanë qenë e janë inekzistente. Fermeret nuk janë pyetur për krijimin e këtyre shoqatave dhe kanë ecur e ecin me mendimin se shteti është i detyruar të sigurojë vaditjen për pronen e tyre private. Pushteti lokal ka qenë tërësisht jashtë loje në këtë problem të madh për fshatin. Disa muaj me radhe jemi marrë me analizën e kësaj situate dhe deshiroj të bëj të qarte disa piketa mbi të cilat do të ecim së bashku.
Duke folur për ndertimet e pa ligjshme mbi kolektor dhe veprat ujitëse z.Gjana tha se çdo zaptim apo ndertim i paligjshem mbi veprat e ujitjes dhe kullimit do të perballet me ligjin. Të paligjshme do të konsiderohen, duke ndjekur procedurat edhe ato raste që mund të kenë përfituar leje të dyshimta apo të padrejta dhe në ketë rast me ligjin do përballen edhe leje leshuesit.
DRBU dhe Bordi i Kullimit janë përgjegjes për gjithë këto probleme që parashtrova më lart. Çdo investin, çdo projekt qe aplikohet në bujqësin e Qarkut, çdo mbështetje që jepet për bujqesinë, siç është bie fjala furnizimi me karburant me 40 lekë per litër, duhet te jenë nën monitorim të rrepte e të përditshme të strukturave të bujqësisë. Vartësia e tyre është tek MBUMK, por porosia ime është e prerë: koordinimi i tyre me pushtetin lokal, pa asnjë dallim që mund të stiset për gjoja motive politike është një detyrim i strukturave lokale të bujqësisë. Të njejtin mirëkuptim kërkoj edhe nga të zgjedhurit apo stafet ekzekutive të pushtetit vendor. Ne duhet të mesojmë të punojmë në grup, madje duhet ta njohim mirë detyrimin për të punuar në grup e për të bashkëpunuar, ndryshe nuk ka sukses.
Duke folur për mbështetjen financiare që duhet t’i jepet bujqësisë, Ministri Gjana tha se kjo është një sfidë për qeverinë dhe se mbeshtetja buxhetore, kreditë, grandet, grandet me konkurim dhe forma të tjera do të nxiten në mbeshtetje të fermerit. MBUMK ka marrë dhe do të marrë të gjitha masat që çdo njësi monetare e adresuar për bujqesinë dhe fermerin të shkoje realisht tek ato. Deri sot nuk ka ndodhur kështu. Ne jemi shumë të vendosur ta ndryshojme këtë situatë. Si Ministër u apeloj strukturave në vartësi të MBUMK, por edhe çdo punonjësi tjetër që lidhet me projektet që aplikohen në bujqësi për tolerancë vërtet zero ndaj abuzimit qoftë edhe me një lek.Cilido ta vlerësojë shumë seriozisht këtë angazhim.Vlerësoni shqetësimet dhe ankesat e qytetarëve, verifikojini ato dhe zgjidhini. Pushteti ynë duhet të marrë fytyrë njerëzore, pushteti ynë nuk mund të tolerojë asnjë rast kompromisi me abuzuesit. Srukturat lokale te bujqesisë dhe pushteti lokal duhet të ndjekin me përparësi çdo lek që adresohet tek fermeri dhe tek bujqësia dhe të mos lejojnë që financimet që vijnë për fermerin të përfundojnë tek të tjerët. Ne duhet t’i japim fund praktikës që disa të fitojnë para në emër të fermerëve, kur tek ata nuk shkon asgjë apo shkon shumë pak. Ne për këtë jemi, ta asistojmë, ta qartësojmë, ta mbrojmë dhe ta mbështesim fermerin.
Dua gjithashtu të bëj të qartë se për t’i dhënë mundësi fermerit tonë të dalë në treg, përveç investimeve në rrjetin e marketingut, MBUMK do të nxisë edhe investimet në agroindustri,që produktet tona përveç të konsumohen të freskëta, të mund edhe të përpunohen. Marketimi dhe agroindustria janë dy rrugët kryesore që prodhimet e fermës tonë të mos mbeten pa u shitur.Hapi drejt eksportit gjithashtu është një mundësi potenciale,veçse ajo kërkon shumë e më shumë standarte dhe aftësi konkuruese. Por më së pari une apeloj: le të ushqehemi me prodhimet tona, që janë më të pastra, më të shijshme, më të shëndetshme.
Në fund të takimit ministri Gjana i shoqëruar nga përfaqësues të pushtetit vendor dhe ekipi që e shoqëronte bëri një vizitë në fabrikën e pijeve “Luani” me pronar Pëllumb Berberi. Kjo fabrikë është ndërtuar në vitin 1960 nga specialistë rusë dhe vazhdon me të njejtin destinacion ,atë të prodhimit të pijeve dhe kryesisht prodhimin e verës. Kjo firmë ka ekskluzivitetin e furnizimit me verë të “Rogner” dhe “Sheraton”. Pronari i fabrikës Pëllumb Berberi e njohu ministrin Gjana me punën e deri tanishme në fabrikë si dhe vështirësitë që hasen në sigurimin e tregut. Nga ana e tij Ministri Gjana u shpreh se duhet të punohet më shumë për rritjen e cilësisë dhe sigurimin e standarteve për të gjitha llojet e pijeve dhe sidomos atë të verës për të cilën ka nevojë tregu si brendshëm ashtu edhe ai jashtëm. Pas vizitës në fabrikën e verës “Luani” Ministri Gjana pa nga afër punën që po bëhet për pastrimin e disa prej argjinaturave dhe kanaleve në fshatin Tapi të komunës Perondi ku u shpreh edhe një herë se nuk do të lejohet asnjë ndërtim mbi kolektor dhe kanale që shkaktojnë përmbytjen e banesave dhe tokës bujqësore.
Abedin Kaja

 

Lajmetari: 15.052006. |top | Commente | Printo