Home Info Na shkruani Foto nga Berati Lajmet e tjera Arkiva Forumi i Lajmetarit

.

 

 

 

Titujt kryesore

Qytetarët shqiptarë në 3 korrik
flakën qeverisjen më të korruptuar në botë

Editorial

Zhveshje e gjuhës, apo shplarje e trurit?!

Editorial

Kronika e Kuçoves

Pse akuzohet Elton Hazizi

Veprimtaria dhe ndihma e Kryqit të Kuq në sytë e fëmijëve

Kronika e javes shkurt

KOMUNIKATE PËR SHTYPKonsullata e përgjithshme në Vlorë

Faleminderit SHBA
Ali Lybeshari

Përkujtohet dëshmori Aqif Karaj

Debat:
“Sa janë transparentë bashkia dhe këshilli bashkiak me qytetarët”

NXENESIT ME IDE NE VEMENDJEN E MESUESITNje inteligjence, nje koke, ne te cilen mbijne idete eshte si nje toke ku mund te mbillen peme

Beratasit në takimin ndaj Adës kanë bërë thjesht një formalitet

TTAEK WON – DO

HOME NEWS KRONIKA

Lajme shkurt

32- vjeçari Agur F. Tafa në udhëkryq.
Mjekët maqedonas e nxjerrin nga spitali për arsye financiare

Masa të forta në komisariatin e Beratit

Shuhet nga helmi 49 vjeçari

Festa e shkronjave

32- vjeçari Agur F. Tafa në udhëkryqMjekët maqedonas e nxjerrin nga spitali për arsye financiare

Është vetëm 32 vjeç. I martuar dhe me dy fëmijë. Mblidhte hekurishte në çdo fshat dhe në mbrëmje kthehej pranë familjes. Por kjo nuk zgjati shumë dhe Aguri aksidentohet ndërsa ngarkonte, me një vinç në shtyllën kurrizore dhe siç tregon vetë, që në çastin e aksidentimit, u paralizua. “Këtë çast, -thotë Aguri,- e mbaj mend, ndërsa disa djem nga Drenovica, vendi i aksidentit, më çuan urgjentisht në spital.
Mjekët në Berat e nisën në Tiranë dhe pas ndërhyrjes operatore në shtyllën kurrizore, Aguri nuk pati përmirësim dhe humbi aftësinë për të punuar. Kanë kaluar dy vjet nga kjo histori dhe 32 -vjeçari ndodhet në udhëkryq ndërkohë që dy fëmijët e tij dhe bashkëshortja, Alma, kanë nevojë për ushqim dhe veshmbathje. Aguri trajtohet si invalid dhe siç tregon gruaja e tij Alma, 6300 lekë të reja në muaj që merr nuk i dalin për asgjë. E vetmja pasuri e tij është kjo karrocë me tre rrota që e shtyjnë fëmijët nëpër oborr. Pa e ofenduar 32 -vjeçarin, vendi ku jeton është për të vënë duart në kokë, siç themi nga anët tona. Një dhomë me blloqe, mbuluar me llamarinë. Nuk po flas për orenditë shtëpiake, sepse nuk dua të nxjerr në pazar për ato që pashë. Dy televizione kanë ardhur në familjen Tafa për të sensibilizuar opinionin dhe për t’u njohur nga afër me paraplegjikun dhe kushtet ku jeton, por gjithsesi Aguri e quan ndihmë morale edhe televizionet dhe gazetën dhe na falenderon që shtypi i shkruar dhe mediat elektronike bëjnë për të sëmurët. Aguri ka dy dynym tokë, të cilën ai dhe familja e tij nuk janë në gjendje për ta punuar, sepse toka, thotë gruaja e tij, kërkon punë krahu dhe para. Ne, shton ajo, nuk kemi lekë për të blerë ushqime, na vjen keq për djalin kur shkon në shkollë për t’i dhënë një 200 lekësh të vjetër për të blerë një byrek. Morëm ca lekë borxh dhe e çuam Agurin në Maqedoni për të bërë operim, pasi një mjek atje doli garant për t’i kthyer 50% të aftësisë, të paktën të ecte me këmbët e tija. Por shuma e parave të marra borxh, nuk mjaftuan për vizita dhe disa masazhime që i bënë Agurit. Kurse unë haja vetëm një herë në ditë se nuk i përballoja dot shpenzimet. Shkuam me shpresë të madhe në Maqedoni, por ata e kishin mendjen vetëm te lekët dhe me ç’pamë mungonte shpirti human. Këtë e tregoi dhe arroganca e tyre kur na nxuarën fishekë dhe jashtë spitalit. Më keq nuk kishte, sepse nuk kishim lekë për të adhur në Shqipëri, deri sa i telefonuam një njeriut tonë që na mori. Kam dëgjuar, thotë Aguri, që mjekët tanë i shajnë, tani them me bindje se i shajnë kot. Mjekët tanë nuk bëjnë pazar me jetën e njeriut. Ja unë jam i kënaqur nga mjekët tanë që më kuruan, sidomos profesor doktor Mentor Petrela, pavarësisht rezultatit, po kush të fut në spital në Maqedoni pa parapaguar njëherë, ndryshe nuk të qas njeri as te porta. Mjekët maqedonas i kërkuan Agurit 14 000 euro për ta operuar. Kur më thanë këtë, tregon Aguri, vura duart në kokë, sepse nuk i kam parë në ëndërr. Gjithë miqësia më kanë dhënë borxhe dhe një pjesë dhe mi kanë faluar, por nuk kam mundësi që t’i siguroj gjithë këto para. Përveç sëmundjes së tij Aguri ka dhe djalin të verbër, i cili ka humbur dhe ky 70% të shikimit.
I ndodhur në këto kushte, Aguri nëpërmjet kësaj gazete apelon gjithë dashamirësit për ndihmë financiare sipas mundësisë që kanë. Siç thotë me lot Alma, jemi në pikë të hallit, por të paktën të më ishte shëruar burri se është i ri, por dhe djali sa vjen dhe rëndohet, është në klasën e parë dhe mezi lexon. Aq të vështira janë kushtet, sa nuk kemi një lopë për një pikë dhallë dhe shtëpi për të futur kokën.
Ky ishte Agur Tafa nga fshati Goriçan, i cili pret më shumë nga shteti dhe shoqëria.
Nezir Vrapi

Masa të forta në komisariatin e Beratit

Masa të rrepta janë marrë në dhomat e paraburgimit për të dënuarit që ende nuk janë transferuar, pas vendimt të formës së prerë që kanë marrë nga gjykata e shkallës parë në Berat dhe asaj të Apelit në Vlorë. Menjëherë pas lajmit të arratisjes të tre të burgosurve në Fier, policia e shërbimit në dhomat e paraburgimit të Beratit dhe krerët e saj, kreu një kontroll të befasishëm dhe të rreptë në të gjitha dhomat e paraburgimit, duke vëzhguar orenditë të ndodheshin brenda tyre. Janë kontrolluar edhe dyert dhe dritaret e ajrosjes si dhe hekurat e tyre. Po të martën , burimet të sigurta thanë se dy të burgosur, dënuar me shumë vite burg, janë çuar në burgun e sigurisë së lartë në Tiranë. Gjë që pritet të bëhet edhe me disa të burgosur të tjerë.

Shuhet nga helmi 49 vjeçari

 

Një 49-vjeçar, baba i tre fëmijëve, ka tentuar t’i japë fund jetës duke u vetëhelmuar me pesticid. Ngjarja e rëndë ka ndodhur në lagjen Uznovë të Beratit mesditën e djeshme, kohë kur Ramadan Çuni ka pirë helmin. Burime nga reparti i urgjencës së këtij spitali thanë për gazeten se 49-vjeçari ka mbërritur në gjendje të rëndë në urgjencë. Megjithëse mjekët kanë filluar trajtimin intensiv, nuk kanë mundur ta nxjerrin atë nga gjendja e komas deri në orët e vona të mbrëmjes së djeshme. Çuni është gjendur nga bashkëshortja e tij përtokë dhe më pas është dërguar në spital.
Burime nga policia lokale pohojnë se 49-vjeçari jetonte në gjendje të rëndë ekonomike dhe dyshohet se ky është shkaku që ai tentoi vetëhelmimin.

Ne krye

Festa e shkronjave

Personeli mësimdhënës i shkollës 9-vjeçare “Thimi Tani” ka kohë që po lufton për cilësinë dhe punën e ka nisur me moton: “Ta fillojmë nga vetja”.
Në vijim të shumë aktiviteteve në datën 04.05.06 në QKF u zhvillua dhe festa e shkronjave me një klasë të parë, festë që pati disa të veçanta që kanë vlerën e referimit.
Nxënësit ishin përgatitur mjaft mirë për t’i qëndisur shkronjat me këngë e vjersha duke përcjellë emocione e mbresa te pjesëmarrësit me aftësitë shprehëse dhe interpretuese. Duartrokitje të veçanta mori nxënësja Aleksandra Selani, e cila edhe pse me këmbë të thyer (hedhur në allçi) ulur në karrige dha shembull interpretimi me zë melodioz duke dashur më tepër shkronjat se shëndetin.
Në aktivitet ishin dhe mësuese pensioniste (Eminea, Andromaqi, Lefteria, Merjemja etj), të cilat dhanë mesazhin që, edhe pse në pension, për mësuesin shkolla është shtëpia e dytë.
Pjesëmarrës ishin prindër, nxënës të ftuar etj.
Shumë domethënëse ishte dhe pjesëmarrja e mësuesve të tjerë të shkollës për mesazhin që dhanë : “Të gjithë bashkë të vlerësojmë punën e njëri-tjetrit.
E, këto të veçanta janë me vlera për të gjithë.
Aktivitete të tjera na presin.

Ne krye

 

Lajmetari: 8.05.2006. |top | Commente | Printo