Home Info Na shkruani Foto nga Berati Lajmet e tjera Arkiva Forumi i Lajmetarit

.

 

 

 

Titujt kryesore

Qytetarët shqiptarë në 3 korrik
flakën qeverisjen më të korruptuar në botë

Editorial

Zhveshje e gjuhës, apo shplarje e trurit?!

Editorial

Kronika e Kuçoves

Pse akuzohet Elton Hazizi

Veprimtaria dhe ndihma e Kryqit të Kuq në sytë e fëmijëve

Kronika e javes shkurt

KOMUNIKATE PËR SHTYPKonsullata e përgjithshme në Vlorë

Faleminderit SHBA
Ali Lybeshari

Përkujtohet dëshmori Aqif Karaj

Debat:
“Sa janë transparentë bashkia dhe këshilli bashkiak me qytetarët”

NXENESIT ME IDE NE VEMENDJEN E MESUESITNje inteligjence, nje koke, ne te cilen mbijne idete eshte si nje toke ku mund te mbillen peme

Beratasit në takimin ndaj Adës kanë bërë thjesht një formalitet

TTAEK WON – DO

HOME NEWS KRONIKA

Veprimtaria dhe ndihma e Kryqit të Kuq në sytë e fëmijëve

Unë nuk do të kisha shkruajtur këtë artikull, nëse nuk do të kisha
ngelur e mahnitur dhe tepër e impresionuar nga një vizatim që
më ra në dorë gjatë ditëve që bëhej grumbullimi i punimeve për konkurim “Fëmijët dhe Kryqi i Kuq”. Dhe ky ishte një punim që shprehte botën e një fëmije 5-vjeçare, vogëlushes Sindi Omenaj. Në këtë vizatim shihej ndihma dhe përkrahja që duhet t’u jepet njerëzve në nevojë: Bëhet fjalë për organizmin e një konkursi vizatimi në shkallë qarku me pjesëmarrjen e të gjithë nxënësve të shkollave nëntëvjeçare të qytetit të Beratit, Kuçovës e Skraparit.
Flitet për një konkurs, i cili zhvillohet çdo vit. Ky aktivitet u inicua nga Dega e Kryqit të Kuq Berat dhe gjeti përkrahje dhe mbështetje të plotë nga drejtoria arsimore, qendra kulturore e fëmiëjve dhe biblioteka “Vexhi Buharaja”.
Për të pasur një pjesëmarrje sa më të gjerë dhe një aktivizim masiv të fëmiëjve, për t’i mbështetur ata, u dhanë orientime konkrete mësuesëve të vizatimit në shkollat nëntëvjeçare të qytetit nga kordinatori i projektit.
Tematika e punimeve të fëmijëve ishte e ndryshme dhe e larmishme dhe në to shprehej bota fëminore e lidhur kjo me ndihmën ndaj fatkeqësive natyrore që Kryqi i Kuq iu jep njerëzve. Në ato punime shpreheshin qartë të gjitha aktivitetet e ndërmarra nga Kryqi i Kuq dhe që pasqyroheshin me çiltërsi e naivitet fëminor në vizatimet e bëra nga fëmijët . Në këtë aktivitet masiv u përfshinë vullnetarë të Kryqit të Kuq së bashku me grupin e punës dhe vullnetarët që oeprojnë në shkollat e qytetit. Një rëndësi të veçantë gjatë këtij aktiviteti iu dha edhe organizmit të seancave të informimit nëpër shkolla dhe vendosja e njoftimeve nëpër këndet e njoftimeve nëpër të gjitha shkollat nëntëvjeçare jo vetëm të qytetit, por edhe të fshatit. Vlen për t’u përmendur puna e mirë e të gjithë mësuesëve të vizatimit nëpër këto shkolla dhe e koordiantorit të projetiti, z. Ermal Krasi. Punimet e bëra nga duart e vogla të fëmijëve u mblodhën dhe u ekspozuan në fillim në mjediset e Kryqit të Kuq dhe nga data 15 deri në 25, këto punime u ekspozuan në mjediset e bibliotekës “Vexhi Buharaja”, kati i parë. Më pas një pjesë e punimeve do të afishohen në pavionin e fëmijëve të spitalit rajonal në Berat si dhe në qendrën e zhvillimit mendor.
Për fëmijët pjesëmarrës në këtë konkurs u ndanë këto çmimet:
Çmin e parë, e meritoi nxënësi Erlin Musabelliu i shkollës jopublike “Irfan Ngjeqari”.
Çmimin e dytë, nxënësja Nevila Muka e qendrës kulturore të fëmiëjve.
Çmimin e tretë, nxënësi Martin Ethemaj.
U dhanë shumë çmime inkurajuese dhe fëmijët që morën këto cmime janë: Sindi Ormënaj, Oert Mahmutaj, Jolta Gura, Lorin Demoj, Faiken Idrizi, Franc Nallbani, Ergi Jahollari, Andrea Bojaxhiu.
Numri i punimeve të vendosura në ekspozitë ishte 245 vizatime nga të gjitha grupmoshat. Fëmiëjve iu shpërndanë dhurata simbolike dhe një çertifikatë. Tre punimet e vendeve të para do të paraqiten në konkursin kombëtar që do të zhvillohej në Tiranë nga dega e Kryqit të Kuq Shqipëtar. Kryqi i Kuq falënderon të gjithë fëmiëjt pjesëmarrës në këtë konkurs si dhe të gjithë ata që kontribuan në zhvillimin me sukses të këtij aktiviteti.
Monika Melëngu

Lajmetari:8.05.2006. |top | Commente | Printo