Berat- Editorial 13- maj 2006

Zhveshje e gjuhës, apo shplarje e trurit?!

Ndihmesa e organizatave joqeveritare që kanë vepruar dhe veprojnë në Shqipëri është dhe ka qënë e madhe në rrugën nga diktatura në demokraçi. Nëpërmjet trainimeve, seminareve, ndihmave materiale, bisedave me qytetarët këto organizata e kanë lehtësuar disi udhën e mundimshme në këtë tranziçion. Natyrisht ka patur dhe ka mjaft shembuj të deformimit të funksionit të këtyre shoqatave , kur ato janë kthyer në ndërmarrje që u kanë shërbyer dhe u shërbejnë vetëm drejtuesve të tyre, duke devijuar në këtë mynyrë ndihmesën e taksapaguesve të Europës dhe Amerikës.
Sidoqoftë nuk është ky synimi i këtij shkrimi, por fenomeni qesharak, por edhe tragjik njëherësh që vërehet nga pjestarë , drejtues, apo edhe ndjekës të OJQ-ve.
Në emisionin “Zonë e Lirë”, që transmentohet nga TV-Klan dhe drejtohet nga gazetari Artur Çani, pikërisht në emisionin e njëqindë të tij u prezantua një vajzë e vogël, vetëm 14 vjeç, e çila rezultoi drejtuese e një OJQ-je për të rinj Kur ajo nisi të fliste, të gjithë ata që e kanë ndjekur këtë emision do të kenë vënë re se gjuha e saj nuk ishte gjuha e një fëmije 14 vjeç, nuk ishte gjuha e një vajzë në klasën e shtatë të shkollës 9-vjeçare, nuk ishte as gjuha e një nxënësi mesatar, as gjuha e një nxënësi të shkëlqyer në mësime. Ishte një gjuhë pa moshë, e pavarur nga shkolla, pa nivel çulture, pa ngjyrë. Ishte një gjuhë e ftohtë llamarinë, e çmineralizuar nga çdo pasuri leksikore, e çmineralizuar nga çdo formë tingullore dhe sintaksore. Ishte një ligjërim që të kallte datën për nga mungesa e njerëzores, nga mungesa e gabimeve të natyrshme të moshës dhe shkallës së njohjes, një ligjërim prej roboti që nuk përçillte asnjë kumt njerëzor, një gjuhë uniforme prej luftëtarësh. (Fëmija 14 vjeç kishte marrë përsipër të emançiponte politikën dhe gjithë jetën shoqërore në vend, mesa mundëm të kuptonim nga fjalët e saj) Një shformim të tillë, të denjë për t’u shfaqur vetëm në një emission plot gjetje të kësaj natyre si “Zonë e Lirë”, e ndeshim edhe në ëorkshope, konferença, takime dhe biseda që zhvillojnë çdo ditë OJQ të ndryshme. Djem dhe vajza, burra e gra, të shkolluar dhe të paarsimuar flasin të njëjtën gjuhë të zhveshur dru, të njëjtën gjuhë të çmineralizuar, pa individualitet si kokrriza e rërës. Kur e dëgjon këtë mënyrë të artikuluari (as që bëhët fjalë për një formë të menduari), pyetja e parë që të lind është : Në çilën OJQ bëni pjesë zonjushë, zonjë a zotëri i nderuar?
Edhe më e dukshme dhe më e dëmshme bëhet kjo dukuri kur zyrtarë të shtetit , ardhur nga përvoja të gjata OJQ-sh komunikojnë me qytetarët me këtë gjuhë të kara-kumit. Qytetari që bie në kontakt me këto speçie, i hutuar nga moskuptimi tund kokën dhe bëlbëzon: nçë, nçë, nçë, nçë…! Sa i ditur që është! Foli një orë të tërë pa ndsalim dhe unë i mjeri nuk kuptova asgjë!
Kur dëgjon këtë gjuhë qukapikësh vëren se shplarja e trurit, djerrina e shpirtitnuk ndodh vetëm në diktaturë, por edhe në tranziçionin e saj për në demokraçi. Kjo dukuri nëse do të përhapet dhe do të bëhet mbizotëruese do t’i sjellë një dëm të pallogaritshëm gjuhës si mjet komunikimi dhe identitet kombëtar, formuar gjatë shekujve, do t’i sjellë një dëm të madh vazhdimësisë intelektuale dhe shpirtërore të banorëve të këtij trualli.
Yzedin Hima

Lajmetari: 08.05.2006. |top | Commente | Printo

Titujt kryesore

Qytetarët shqiptarë në 3 korrik
flakën qeverisjen më të korruptuar në botë

Zhveshje e gjuhës, apo shplarje e trurit?!

Kronika e Kuçoves

Pse akuzohet Elton Hazizi

Veprimtaria dhe ndihma e Kryqit të Kuq në sytë e fëmijëve

Kronika e javes shkurt

KOMUNIKATE PËR SHTYPKonsullata e përgjithshme në Vlorë

Faleminderit SHBA
Ali Lybeshari

Përkujtohet dëshmori Aqif Karaj

Debat:
“Sa janë transparentë bashkia dhe këshilli bashkiak me qytetarët”

NXENESIT ME IDE NE VEMENDJEN E MESUESITNje inteligjence, nje koke, ne te cilen mbijne idete eshte si nje toke ku mund te mbillen peme

Beratasit në takimin ndaj Adës kanë bërë thjesht një formalitet

TTAEK WON – DO

Bilardistët e “Tomorit” në kampionat

Zhveshje e gjuhës, apo shplarje e trurit?!