Home Info Na shkruani Foto nga Berati Lajmet e tjera Arkiva Forumi i Lajmetarit

. Foto:K. Dervishi

 

 

Titujt kryesore

Qytetarët shqiptarë në 3 korrik
flakën qeverisjen më të korruptuar në botë

Editorial

Zhveshje e gjuhës, apo shplarje e trurit?!

Editorial

Kronika e Kuçoves

Pse akuzohet Elton Hazizi

Veprimtaria dhe ndihma e Kryqit të Kuq në sytë e fëmijëve

Kronika e javes shkurt

KOMUNIKATE PËR SHTYPKonsullata e përgjithshme në Vlorë

Faleminderit SHBA
Ali Lybeshari

Përkujtohet dëshmori Aqif Karaj

Debat:
“Sa janë transparentë bashkia dhe këshilli bashkiak me qytetarët”

NXENESIT ME IDE NE VEMENDJEN E MESUESITNje inteligjence, nje koke, ne te cilen mbijne idete eshte si nje toke ku mund te mbillen peme

Beratasit në takimin ndaj Adës kanë bërë thjesht një formalitet

TTAEK WON – DO

HOME NEWS EDITORIALE

Qytetarët shqiptarë në 3 korrik
flakën qeverisjen më të korruptuar në botë

 

 

Kryetari i ri i Partisë Socialiste të Beratit, në të parën deklaratë për shtyp të mbajtur më date 4 maj, në tv. “Onufri”, me një breshëri të paparë, ekzekutoi qeverisjen e PD-së në bazë dhe në qëndër. Me patetizëm ai konfirmoi edhe njëherë se nuk e ka kuptuar që ka humbur më 3 korrik dhe se populli i largoi nga qeverisja si qeveria më e korruptuar e globit. Nuk dua të përsëris ato që tha zoti Hoxha, por jam i detyruar të jem korrekt me lexuesin për atë që do të argumentoj më pas. Po e përshkruaj shkurt thelbin e deklaratës që lexoi me tërsëllëmë lideri socialist i Beratit: “ Asgjë nuk ka ndryshuar, ngritje çmimesh, tatime fiktive, errësirë, investimet nga pushteti qendror zero, nivel i lartë papunësie, pagat dhe pensionet po ulen, qeveria Berisha 2 nuk ka ndryshuar nga qeveria Berisha 1, varfëri apsolute, 250 socialistë të larguar nga puna, 25 drejtorë të larguar, 50 specialistë të hedhur në rrugë, 145 lëvizje në arsim, të arsimuarit me tetëvjeçare po zënë vendin e atyre me të mesme, ata me të mesme vendin e të lartit, pasiguri e vendit të punës, militantët e PD-së fyejnë të PS-së, janë vendosur drejtorë të papërgjegjshëm, nuk priten ndryshime, reformë politike etj, et, e,…”
Por më e çuditshmja paska ndodhur në ’97 kur erdhën në pushtet socialistët: “ Ne nuk gjetëm drejtues në institucione, prandaj i zëvendësuam vendet bosh!”
Po e nis nga fundi i deklaratës, pikërisht nga koha kur socialistët në ’97-ën i gjetën bosh vendet dhe i zëvendësuan. Zoti Hoxha, përse nuk deklaroni që vendet i hapët me kallash në dorë? Që ndryshuat vetëm llojin e armës, sepse shqiptarët rrugën e kishin çarë me shpatë në dorë, apo jo?! Për 8-të vjet ju bëtë spastrim etnik, i hoqët të drejtën e punës demokratëve dhe pasi mbaruat me ta, filluat brenda llojit duke i detyruar shqiptarët të lënë vendin e tyre. Përsa i përket kësaj teme shqiptarët më 3 korrik përdorën armën më efikase të demokracisë, votën, për të zëvendësuar rezultatet e ’97-ës. Socialistët i ndëshkoi populli si të korruptuar. Shikoni vilat si i kanë bërë! Mjafton të sillni ndër mend një ish- zyrtare të arsimit, e cila ka blerë shtëpi luksoze në Tiranë duke u shitur diploma fallco “mësuesve” militantë të PS-së, ndërkohë që ligjërisht zyra e saj duhet të verifikonte diplomat dhe dëftesat follco. Nëse ju si drejtues i PS-së kërkoni emra dhe mbiemra, herës tjetër do t’jua japim me fakte këto. Besoj se është e qartë dhe nuk ia vlen të zgjatem me këtë argument. Ne nuk i gjetëm vendet bosh, por i morëm sipas të drejtës që na e ka deleguar shumica e shqiptarëve. Nuk e keni kuptuar që keni humbur pushtetin dhe si rrjedhojë do të lini edhe vendet?! Hidhini një sy ish -drejtuesve, edhe atyre aktual në pushtetin lokal, ata të bëjnë për të qeshur me injorancën dhe fodullëkun e tyre, kanë zëvendësuar humorin e munguar në Berat. Të gjithë drejtuesit e rinj, janë, jo më njëlloj, por më të mirë se ish- drejtuesit e PS-së nga ana profesionale dhe intelektuale dhe personalitete të përgjegjshëm. Papërgjegjshmëria mori fund më 3 korrik.
Me lehtësi mund të të jap fakte të cilat kundërshtojnë deklaratën tuaj, për t’ia bërë më të qartë lexuesit idenë e shkrimit. Mjafton të përmendim investimet e qeverisë: 200 milionë për fizibilitetin e rrugës Elbasan- Berat- Gjirokastër, 40 milionë për projektin Ura e Re në Goricë , 2 milionë dollarë pë rrugën Ura e Kuçit – Berat, zgjidhjen e problemit të ujit të Bogovës, mbushjen e gropave në rrugën nacionale, pastrimin e lumit midis dy urave.
( Hidhini një sy rrugëve në qytet, rrugëve me sipërmarrje në Lapardha e në zonat rurale punimeve pa kontratë të 20 kilovoltshit, që janë nën administrimin e socialistëve! ). Tatimet, vetëm në tremujorin e parë 300 biznese të vegjël më shumë, nga 50 milionë tremujorin e parë në 2005-ën për tatimin e thjeshtuar dhe taksën vendore, u ulën në 25 milionë në2006-ën, 13 milionë të reja më tepër të mbledhura në rrugë ligjore. Kjo rritje ka ardhur si rezultat i miradministrimit. Eshtë e vërtetë që janë hequr punëtorët politikë që mbanin në mënyrë të paligjshme 300 biznese dhe janë zëvendësuar me specialistë. Në dogana 50 milion euro më tepër se 4-mujori i vitit të kaluar në shkallë republike. Kafeja dhe cigaret janë zhdoganuar 350 % më tepër.
Në arsim të gjithë drejtorët dhe inspektorët që përmendi kryetari socialist, të cilët janë zëvendësuar, kanë emrin në listpagesat e llogarisë së paligjshme, e cila çuditërisht është mbajtur si llogaria më e saktët duke e krahasuar me llogarinë e ligjshme. Duke trafikuar libra, fletore, janë këta ish- drejtorë të shkollave që kanë shitur dëftesa fallco, deri në 2 milionë lekë, duke mbushur rajonin e Beratit me “mësues” me katër klasë. Janë këta ish- drejtorë të kapur me presh në dorë, këtë e vërtetojnë edhe gjyqet me DAR-in, të cilët i kanë humbur të gjithë. Në drejtorinë arsimore nuk kishte asnjë demokrat, por vetëm socialistë dhe njerëz afër tyre.. Natyrisht socialistët e aftë me integritet profesional janë sot drejtues në të tëra hallkat. Arsimi i takon qytetarëve, ndërsa ish- drejtorët e kishin kthyer shkollën në shkollë në shërbim të politikës.
Investimet e qeverisë Berisha në arsim janë rritur dyfish, investime të cilat po i lëvrojnë pushtetarët lokalë socialiste. Matura shtetërore do t’i kthejë nderin e humbur arsimit shqiptar.
Dua t’ju kujtoj luftën e shkëlqyer të policisë së shtetit kundër krimit të organizuar, si dhe kapjen e bandave kriminale, çlirimin e Lushnjës dhe të Durrësit, jam i sigurt që edhe ju ndiheni i lëhtësuar nga makthet kriminale. Ajo që është tepër e rëndësishme, duket qartë funksionimi i shtetit, veprimi i ligjit. Disa ish- drejtues të korruptuar kanë përfunduar në duart e drejtësisë, të tjerë do t’i pasojnë. I premtuam elektoratit vendosjen e shtetit ligjor, tolerancë zero ndaj krimit, zhdukje informaliteti në ekonomi, atë po bëjmë po mbajmë premtimet elektorale.

Kastriot Dervishi,
Sekretar i marrëdhënieve me publikun
në Partinë Demokratike Berat

Lajmetari: 08.05.2006. |top | Commente | Printo