Home Info Na shkruani Foto nga Berati Lajmet e tjera Arkiva Forumi i Lajmetarit

. Foto: Y. Hima

 

 

Titujt kryesore

Kështjella e Beratit pushtohet nga poetët

Editorial

Krizë për abonetë e urbanit në Berat

POLIÇAN, NJE SHKOLLE PER FEMIJET E NGUJUAR

Kronika e javes shkurt

Bogova, burimi i rrezikuar

Formimi qytetar i nxënësve të shkollës së mesme

Nderohen me tituj nderi disa personalitete të shkencës

Berati, kronika e jetës qytetare

E papritura
Në kujtim të Vexhi Buharasë)

Tomori, vazhdon variantin në vendnumëro

Bilardistët e “Tomorit” në kampionat

HOME NEWS EDITORIALE

Kështjella e Beratit pushtohet nga poetët

 

 

Ditën e diel në datën 30 prill 2006 Kështjella e Beratit u pushtua nga poetët. Ata kishin ardhur nga Rusia, Hungaria, Kroacia, Slovenia, Rumania, Maqedonia dhe Kosova. Në anën perëndimore të Kështjellës, aty ku ngrihet busti i Shën Konstandinit u organizua Poeteka e Beratit, si derivate e Poetekës së organizuar ditët e fundit në qytetin e Durrësit. Midis poetëve të huaj si hungarezi Mario Pupp, rumuni Paul Vinicius, maqedonasi Zoran Ducevski, greku Titos Patrikios, Boris Biletic qe edhe rusja Olga Sedekova, një nga poetet më të njohura aktualisht në Rusi, e njohur edhe jashtë Rusisë.
Poeteka e Beratit, si zgjatim i Poetekës së Durrësit u udhëhoq nga shkrimtari dhe përkthyesi i njohur Agron Tufa, ndërsa organizatori kryesor i poetekës poeti Arian Leka nuk erdhi në Berat. Nga poetët shqiptarë mori pjesë poeti i njohur Xhevahir Spahiu, ndërsa nga Kosova kishte ardhur Ali Podrimja, një nga poetët shqiptarë më të përkthyer në Europë.
Organizator në qytetin e Beratit ishte prefekti i qarkut Roland Bejko. Në nderim të poetëve në Berat erdhi edhe Ministri i Jashtëm Besnik Mustafaj, Zëvëndësministrja e Turizmit dhe Kulturës Zana Turku,etj. Poetët u pritën në hyrje të Kështjellës nga kryetari i bashkisë së Beratit Fadil Nasufi.
Në Sheshin e Shën Konstandinit qenë mbledhur dashamirës të artit poetik, nxënës dhe qytetarë të Beratit. Orkestra e shkollës së mesme artistike “Ajet Xhindole” shoqëroi me muzikë leximin e poezive. Një grup të rinjësh qenë veshur me veshje antike ilire dhe kostume popullore të qytetit të Beratit.
Pas përshëndetjes së prfektit të qarkut të Beratit Roland Bejko iu dha fjala shkrimtarit Agron Tufa, i cili nisi të prezantonte poetët që do të lexonin poezitë e tyre.

Leximin e poezive e nisi poeti grek Titos Patrikios, i cili lexoi dy poezi. Poeti i ardhur nga vendi fqinj, ku ka lindur poezia foli për vlerat e qytetit të Beratit dhe vlerat universale të poezisë që ka lindur në këto troje të Ballkanit.
Me radhe lexuan poezitë e tyre miqtë e ardhur nga larg, të shoqëruar edhe nga nga krijuesit vëndas Agim Mehqemeja, Suela Manaj, Fatbardh Dervishi, Efti Mboqe, Balil Gjini dhe Yzedin Hima.
U dhanë edhe dy cmime poetikë: nga prefekti i Beratit u nderua me cmimin “Onufri” poetja ruse Olga Sedekova, ndërsa nga krijuesit e Pogradecit u nderua me cmimin “Nosit” poeti Xhevahir Spahiu.
Më pas prefekti i qarkut të Beratit Roland Bejko shtroi një drekë në “Castle Park”
Në fjalimet përshë-ndetëse ra në sy fjala e Olga Sedekovës, e cila midis të tjerave tha se dikur Bota qe dypolare, pra me dy qendra të qytetrimeve të ndryshëme, ndërsa tani është me shumë qëndra të kulturës dhe qytetrimit. Një nga këto qendra të qytetrimit është edhe qyteti i Beratit, i cili ka tre gjëra tepër të rëndësishme që e bëjnë të tillë. E para është vendlindja e Kostandinit të Madh, që tregon për një themel qytetrimi, e dyta është qyteti ku ka punuar dhe lënë veprën e tij një nga piktorët e njohur të kristianizmit Onufri dhe e treta ka pranë një mal të shenjtë si Tomori, ku kanë burimin tërë besimet.
Një tjetër poet Zoran Ducevski, nga Maqedonia foli për njohjen e kulturave të njeri-tjetrit. Ai tha se kishte krijuar një përfytyrim krejt të gabuar duke parë vetëm gjysmën, por tani ndihej i lumtur që kishte njohur këtë realitet. Poeti Zoran Ducevski është një nga organizatorët e festivalit ndërkombëtar poetic të Strugës. Ai tha se tani e tutje Poeteka dhe Struga ishin një.
Përshëndetën edhe poetët Ali Podrimja dhe Xhevahir Spahiu.
Poetët u larguan nga qyteti i Beratit duke marrë me vete një çmim poetik që mund të mbetet i përvitshëm, cmimin “Onufri”, përshtypjet e një qyteti të bukur e me kulturë të vjetër si Berati dhe duke lënë pas kumbimin e poezisë së tyre.

Yzedin Hima

Lajmetari: 02.05.2006. |top | Commente | Printo