Berat-politika-- 137- 2006

Më në fund bashkia e Beratit me këshill kulture... të paligjshëm

Bashkia e Beratit nuk ka patur këshill kulture, ndonëse ligji e detyron të ngrejë një këshill kulture, i cili do të nxiste veprimtarinë kulturore e artistike në qytetin e Beratit. Këshilli i kulturës nuk u ngrit gjatë këtyre viteve. Shkaqet nuk janë fort të qarta, por një fakt duket qartë si drita e diellit: këshilli i bashkisë nuk e ka vrarë mendjen për kulturën, artin dhe letërsinë në këtë qytet. Ai ka marrë vendime për t’i akorduar qendrës kulturore të bashkisë Berat çdo vit mbi 6 milionë lekë të reja për t’u përdorur për shfaqje e veprimtari kulturore. Këshilli i bashkisë Berat nuk e ka vrarë mendjen si, ku, sa, pse do të përdoren këto lekë të taksapaguesve shqiptarë. Vetëm ka ngritur dorën për të akorduar këtë fond që, së bashku me një fond prej 6-7 milionësh për paga të punonjësve të kulturës shkon te 120 mijë dollarëshi. Veprimtaritë kulturore në Berat ka vite që mungojnë. Bëhet një shfaqje në vit me gjimnazistët (shfaqje krejt amatore dhe e gjithë shuma e akorduar nga këshilli i bashkisë shkon kot. Se mungojnë projektet kulturorë e artistikë, se edhe kur këto projekte janë paraqitur në bashki, ato janë hedhur në koshin e letrave për shkaqe ideologjike).
Këshilli i kulturës ku duhet të bënin pjesë individë që kanë merita artistike që u peshon mendimi e fjala, nuk do të lejonin që jeta kulturore dhe artistike në qytetin e Beratit të ishte kaq e mjerë. Do të ndihmonin në përzgjedhjen e projekteve, në sugjerimet për këshillin e bashkisë dhe kryetarin e kësaj bashkie për ringritjen e kulturës e artit në këtë qytet.
Pas disa viteve pa këshill kulture më në fund bashkia e Beratit u bë me këshill kulture... po të paligjshëm. Në një nga mbledhjet e fundit të këshillit të bashkisë u miratua formimi i këshillit të kulturës. Ky vendim u mor ndërkohë që po skadon mandati i këtij këshilli bashkie dhe zgjedhjet e reja për pushtetin vendor po afrohen. “Më mirë vonë se kurrë”, kanë thënë bashkiakët tanë, por vendimi i tyre ka formësuar një këshill kulture të paligjshëm. Ja lista e këshillit të kulturës së bashkisë Berat: Shpëtim Dyrmishi, Agron Polovina, Alma Prendi, Avenir Bejo, Agron Gjyzari, Vladimir Skëndo, Ajet Nallbani.
Siç shihet në këshillin e kulturës bëjnë pjesë drejtori i saporikthyer i qendrës kulturore Shpëtim Dyrmishi, drejtori i galerisë së artit Agron Polovina, të dy në kundërshtim me ligjin.
Nuk e kuptojmë si e kanë miratuar këtë listë këshilltarët e nderuar të bashksië së Beratit që marrin vendime konform ligjit.
Nuk dihet nëse prefekti i qarkut të Beratit e ka miratuar këtë vendim në kundërshtim me ligjin.
Lajmëtari

Lajmetari: 24.04.2006. |top | Commente | Printo

Titujt kryesore

Parlamenti i qytetit në fund të mandatit

Kundërshtohet zhvendosja e spitalit Obstentrik-Gjinekologjik

Vidhet një dyqan para komisariatit të policisë

Kronika e javes shkurt

Bogova, burimi i rrezikuar

Uji i ndotur rrezikon mbylljen e 7 ujësjellësve

Avokati i Popullit në Berat

Më në fund bashkia e Beratit me këshill kulture... të paligjshëm

Berati, kronika e jetës qytetare

E papritura
Në kujtim të Vexhi Buharasë)

Erzeni – Tomori, “paqe nën ullinj”

Bilardistët e “Tomorit” në kampionat

Më në fund bashkia e Beratit me këshill kulture... të paligjshëm