Home Info Na shkruani Foto nga Berati Lajmet e tjera Arkiva Forumi i Lajmetarit

.

 

 

 

Titujt kryesore

Parlamenti i qytetit në fund të mandatit

Editorial

Kundërshtohet zhvendosja e spitalit Obstentrik-Gjinekologjik

Vidhet një dyqan para komisariatit të policisë

Kronika e javes shkurt

Bogova, burimi i rrezikuar

Uji i ndotur rrezikon mbylljen e 7 ujësjellësve

Avokati i Popullit në Berat

Më në fund bashkia e Beratit me këshill kulture... të paligjshëm

Berati, kronika e jetës qytetare

E papritura
Në kujtim të Vexhi Buharasë)

Erzeni – Tomori, “paqe nën ullinj”

Bilardistët e “Tomorit” në kampionat

HOME NEWS KRONIKA

Burgim pa afat për ish-komisarin Dida

RRESHQET DHEU, SHEMBEN 6 BANESA

Aksident i rëndë në aksin Ura Vajgurore -Syzez

Tregtarët e gurit shkaktojnë ndotjen e burimi

Shqetësime nervore, vetëvritet 65-vjeçari nga Ura Vajgurore

Ish- komisari akuzohet për vrasjen e Dritan Zhupës

Ish- drejtori i policisë së Beratit, Ilirjan Dida, është paraqitur sërish dy ditë më parë para togave të zeza në Gjykatën e Faktit.
Por dje ai ka qëndruar në një seancë që zgjati më shumë se 4 orë, për “revokim të masës së arrestit”.
Ish-komisari, që gjykohet për vrasje, mbërriti në gjykatë i lidhur me pranga dhe nën masa të forta sigurie, rreth orës 11.00, me një makinë të burgut numër 302 në Tiranë.
Ai u fut menjëherë në sallën e katit të parë të gjykatës. Seanca e djeshme është zhvilluar me dyer të mbyllura dhe siç mësohet nga burime të sigurta, pati debate shumë të ashpra mes avokatit të Didës, ardhur nga kryeqyteti, dhe prokurorit të Krimeve të Rënda, po nga Tirana, Anton Martini.
Gjykata e Beratit deklaroi për gazetën se ishte e detyruar të zhvillonte seancën, edhe pse ishte e diel, sepse pikërisht në këtë ditë Didës i skadonte afati ligjor i paraburgimit. Në dosjen penale në ngarkim të tij ende nuk ka prova të mjaftueshme për të nisur hetimet gjyqësore për dy akuzat e rënda ndaj ish-komisarit.
Ishte kërkesa e prokurorit Martini, për shtyrjen e afatit të paraburgimit të Didës, ajo që ka acaruar seancën, sepse avokati i ish-komisarit ishte dakord për vazhdimin e hetimeve, por jo me shtyrjen e afatit të paraburgimit. Avokati i Didës ka kërkuar që klienti i tij të hetohej në gjendje të lirë dhe jo të mbahej në birucë. Pas katër orë debatesh, gjyqtarja Margarita Buhali, ka marrë në konsideratë kërkesën e prokurorit për t’i njohur edhe një tjetër akuzë Didës, atë të “shpërdorimit të detyrës”, dhe vendosi për të masën e re të sigurisë “arrest në burg pa afat” ose “deri në fund të hetimeve të Prokurorisë së Krimeve të Rënda”.
Ish- komisari akuzohet për vrasjen e Dritan Zhupës (Shuahipi), 29 vjeç, në mars të vitit 2001, në përpjekje me policinë, në afërsi të banesës së tij në lagjen “Çlirimi” të qytetit të Beratit, ndërsa kthehej me kalë nga fshati Tërpan, si dhe për vrasjen e Gjergji Gushalit, 30 vjeç, në dhjetor të vitit 2001, i cili u gjend pesë ditë më vonë, me disa plumba në kokë e gjoks, i futur në një thes dhe i hedhur në kanalin anë rrugës nacionale Berat –Lushnje.

Ne krye

iRRESHQET DHEU, SHEMBEN 6 BANESA

Shkarja e dheut ne lagjen “28 Nentori”, te qytetit te Beratit,
ka shkaktuar shembjen e 6 banesave. Shkaku i kesaj katastrofe per 6 familjet nga Berati, te cilat papritmas kane mbetur ne qiell te hapur, eshte lageshtia e madhe dhe prishja e mureve mbrojtes te ndertuara vite me pare. Shembja papritmas e 6 banesave ka frikesuar jo vetem familjet “viktima”, por edhe te gjithe banoret e kesaj lagjeje. Familjaret e demtuar shprehen se gjendja ishte bere e pranishme nje vit me pare ne bashkine e qytetit ku dhe eshte kerkuar ndihma e saj per strehimin e tyre diku në një vend tjeter.
Meleq Paja, nje nga te demtuarit, shprehet:
“Ne gjithmone kemi kerkuar ndihmen e bashkise per te marre masa paraprake per parandalimin e shkarjes se tokes, por kerkesat tona kane rene ne vesh te shurdhet. Neglizhenca e kesaj bashkie çoi ne kete gjendje ku ne tashme ndodhemi ne qiell te hapur”.
Sipas familjeve te demtuara, nje vit me pare ne kete lagje kane ardhur nje grup specialistesh nga Instituti i Tiranes, te cilet, pasi kane bere analizat e tokes, i kane lene detyre bashkise se Beratit qe te ndertoje muret mbajtes dhe te eliminoje gropat e ujërave te zeza qe kane ndikuar ne shkarjen e tokes.
Ndersa burime nga bashkia bejne te ditur se ajo ka bere të pranishme gjendjen ne zyrat e emergjences ne Ministrine e Brendshme, me daten 16 mars te ketij viti, ku ka kerkuar fonde per strehimin e ketyre 6 familjeve qe tashme ndodhen ne qell te hapur.

Dilaver Xhelili

Ne krye

Aksident i rëndë në aksin Ura Vajgurore -Syzez

Dy aksidente të njëpasnjëshme që kanë ndodhur në rrugën nacionale Berat –Lushnje, përfunduan me një të vdekur e tre të plagosur. Rreth orës 04.30, furgoni i mallrave me targë BR 46 14 A, që drejtohej nga R. Sh., lindur e banues në lagjen “Barrikada” të qytetit të Beratit, është përplasur me një karrocë që shkonte drejt pazarit të fshatit Poshnje. Ajo ishte e ngarkuar me bagëti dhe drejtohej nga 68 -vjeçari Osman Xhelo, banor i fshatit Banaj,, i cili ka vdekur në vend. Kurse djali i tij, Estrefi, 18 vjeç, dhe drejtuesi i furgonit janë plagosur. I mituri ka plagë të rënda dhe i është thyer një këmbë, të cilën rrezikon ta humbasë fare. Drejtuesi i furgonit ka patur plagë më të lehta në trup, ai mori ndihmën e parë mjekësore në spital dhe rreth mesditës është dërguar në dhomat e shoqërimit të komisariatit të policisë së Beratit. Ndaj tij u vendos masa e ndalimit deri në sqarimin e plotë të rrethanave të aksidentit. Tre orë më pas është shënuar një tjetër aksident, në po të njëjtin vend, kur një makinë me targa të Tiranës,si pasojë e shpejtësisë së madhe dhe lagështirës në asfalt, doli nga rruga. Shoferi i saj mbeti i plagosur.
Ne krye

Pezullohet nxjerrja e pllakave

Është arritur përfundimi për shkakun e ndotjes së burimit të ujit në Bogovë dhe janë parashikuar masat e para për të shmangur këtë ndotje, e cila gjithësesi nuk do të përjashtohet përfundimisht.
Grupi i ekspertëve gjeologë dhe hidrogjeologë si dhe ata të institutit të studimeve bërthamore kanë rekomanduar që të pezullohen punimet e nxjerrjes së gurit dekorativ në rreth 70 % të sipërfaqes, ku është punuar deri tani duke u zhvendosur nxjerrja e pllakave të gurit më në veri të shpatit të Malit Tomor. Burimet nga prefektura e Beratit kanë pohuar për gazetën “Lajmëtari” se 12 firmat e liçensuara që kryenin aktivitet të ligjshëm në atë minierë preken nga ky vendim që pritet të meret nga qeveria, sepse harta e veprimtarisë së tyre parashikonte ato territore që tashmë janë rekomanduar si shkak i ndotjes së burimit që furnizon me ujë Poliçanin dhe Beratin nga ujësjellësi i vecantë i ndërtuar në Bogovë. Ne krye

Shqetësime nervore, vetëvritet 65-vjeçari nga Ura Vajgurore

65- vjeçari S. Z. i dha fund jetës së tij mbrëmjen e së premtes, duke u hedhur nga kati i katërt i pallatit ku banonte. Sipas policisë, ngjarja ndodhi rreth orës 23.00. Një depresion nervor i çastit mendohet ta ketë shtyrë të moshuarin drejt aktit kriminal ndaj vetes. Ai përfundoi mbi bordurën e betontë, poshtë pallatit, me thyerje e plagë të shumta. 65-vjeçari vdiq rrugës për në spital.
I vetëvrari banonte vetëm me gruan e tij, pasi të gjithë fëmijët i kishte të martuar. Ajo kujdesej vazhdimisht për 65-vjeçarin, sepse ai kishte vazhdimisht shqetësime nervore, por me sa duket, nuk mundi ta ndalojë natën e së premtes që të merrte vendimin fatal.

Lajmetari: 24.04.2006. |top | Commente | Printo