Home Info Na shkruani Foto nga Berati Lajmet e tjera Arkiva Forumi i Lajmetarit

.

 

 

 

Titujt kryesore

Bogova, zemra e tronditur e Tomorit

Editorial

Materniteti do të transferohet në mjediset e spitalit rajonal

Ura e re mbi lumin Osum

Qeveria jep 45 milionë lekë

Kronika e javes shkurt

KESH-i pret 3500 lidhje të paligjshme të energjisë

Kronika e Kucoves

Shpëtim Dyrmishi lë partinë nga dashuria për artin

MYSTIQUES MOODS (GJENDJE MISTIKE)

Vexhi Buharaja,
Nderi i Qytetit tim dhe i gjithe Shqiperise

Humbje e turpshme e “Tomorit”

HOME NEWS KRONIKA

Biznesmeni grek fiton gjyqin

Ambasadori kroat ne Berat

Pushohen gjashte faturiste te KESH-it

Helmohet 19 vjeçarja nga Veleshnja

200 milionë lekë për poliklinikën e Beratit

Biznesmeni grek fiton gjyqin

Një biznesmen grek që jeton në Berat ka fituar gjyqin ndaj ish-ortakut të tij shqiptar, pas një mosmarrëveshjeje që patën 2 vjet më parë. Andon

Kristodhulo thotë se ka mundur të marrë borxhin prej 50 mijë eurosh që i kishte ish-ortaku i tij biznesmen, pasi gjykata e Vlorës i dha atij të drejtë. “Nuk mora para, por mall, pasi shteti shqiptar organizoi shitjen në ankand të pasurisë së ish-ortakut, duke m’i dhënë mua makineritë e tij, në vlerën e borxhit”, -tha dje Kristodhulo.
43-vjeçari i lindur në Athinë tha se ka ardhur në Shqipëri në vitin 2000 dhe ka në qytetin e Beratit zyrën e tij të biznesit. “Jap me qera makina dhe pajisje të ndryshme që përdoren nga firmat ndërtuese dhe ato të prodhimit të materialeve inerte. Aktivitetin e shtriva në disa qytete dhe në Vlorë u lidha, vite më parë, me biznesmenin Pavllo Bezhani. Në një moment të caktuar ai nuk u tregua korrekt me kontratën që kishin nënshkruar bashkë, duhej të më kthente 50 mijë euro. Por Bezhani nuk pranoi dhe më pas u zhduk në drejtim të paditur. U detyrova të hap gjyq në Vlorë, të cilin edhe e fitova”, -tregon historinë biznesmeni grek. Ai thotë se tani i është kthyer plotësisht besimi në drejtësinë shqiptare. “Investitorët e huaj mund të vijnë pa frikë këtu, jam i sigurt që shteti shqiptar do t’i mbrojë”, përfundon Kristodhulo.

 

Ambasadori kroat në Berati

Ambasadori kroat Darko Javorski ka qenë për një vizitë në qytetin e Beratit. Pas takimeve që ka bërë me kryetarin e bashkisë së Beratit Fadil Nasufi dhe me prefektin Roland Bejko, ka vizituar nënstacionin elektrik në lagjen Uznovë. Ky nënstacion po rikonstruktohet nga një firmë kroate për të përcjellë rrjetin 20 kilovolt.
Ambasadori ka bërë vizita në galerinë e arteve “Eduart Lear” dhe në muzeun kombëtar “Onufri” në Kalanë e Beratit.

 

Pushohen gjashtë faturistë të KESH-itU

Gjashtë faturistë dhe dy elekticistë të KESH-it të Beratit u pushuan dje nga puna, pas ankesave të konsumatorëve dhe mosrealizimit të detyrës.
Drejtori i tij, Dritan Haznedari, tha dje për gazetën se krahas 6 faturistëve janë paralajmëruar për pushim nga puna mbi 30 elektricistë e faturistë, të cilët nuk i janë përgjigjur punës në kohën e duhur.
Ka patur mjaft ankesa nga qytetarët sipas të cilëve elektricistët nuk kanë shkuar në kohë për eliminimin e defekteve në zonat për të cilat përgjigjen, të tjerë nuk kanë mbrojtur dhe njoftuar në kohë për dëmtimin e matësave të energjisë, etj.
Haznedari sqaron se kufizimin e energjisë për 14 orë në ditë, për 21 fshatrat e komunave Kutalli e Donofrosë, e ka mësuar nga shtypi dhe pas verifikimit, ka rezultuar se kjo situatë ishte krijuar nga neglizhenca e elektricistëve të zonës, të cilët nuk shkonin për t’i takuar linjat.
Ai thotë se ndaj dy elektricistëve të këtyre komunave është vendosur masa e largimit nga puna gjë që do t’iu komunikohet atyre nesër.

Helmohet 19- vjeçarja nga fshati Veleshnjë

Helmohet në kushte jo të qarta një 19- vjeçare nga fshati Veleshnje, komuna e Velabishtit. F. C. Ka mbërritur në spitalin rajonal të Beratit në gjendje kritike për jetën, ndërsa ka shpëtuar falë ndërhyrjes së mjekëve. Për helmimin e vajzës 19- vjeçare e cila ishte e fejuar, të afërmit kanë pohuar se ishte helmuar aksidentalisht, pasi kishte bërë shtëpinë me preparate kimike kundër insekteve dhe nuk ishte treguar e kujdesshme për t’u vetëmbrojtur.

200 milionë lekë për poliklinikën e Beratit

Është një fond prej 200 milionë lekë të vjetra që do të përdoren për rikonstruksionin e poliklinikës qendrore të qarkut Beratit, e cila prej vitesh ishte kthyer në një hangar të vërtetë ku lagështia bënte kërdinë në aparaturat dhe në skeletin e kësaj godine tepër të rëndësishme si për të sëmurët, ashtu edhe për mjekët specialistë që u shërbenin këtyre të sëmurëve. Gjendja aktuale në këtë poliklinikë pa filluar punimet ka qenë skandaloze. Aparaturat mjekësore ishin tejet të amortizuara nga ndryshku i krijuar nga lagështia me përmasa të mëdha. Madje gjendja e rënduar shkonte deri aty sa të sëmurët rrezikoheshin nga korenti ku disa pajisje kishin rënë në masë dhe kësisoj jeta e të sëmurëve disa herë ishte vënë në rrezik.Tashmë pas akordimit të këtij fondi nga qeveria, kjo godinë do të marrë tjetër pamje. Lajmin e bën të ditur për gazetën drejtori i poliklinikës, Dilaver Ajazi, i cili është shprehur se me marrjen e këtij fondi dhe me fillimin e punimeve çdo gjë do të ndryshojë rrënjësisht duke kthyer besimin e humbur te të sëmurët. Sipas Ajazit, pas përfundimit të punimeve dhe zëvendësimit të aparaturave të vjetra me ato të kohës, çdo gjë do të jetë në parametrat bashkëkohore me një ambient normal, i cili do t’i shërbejë 260 mijë banorëve të qarkut Beratit. Me përfundimin e punimeve dhe zëvendësimin e aparaturave të vjetra me ato te rejat në këtë poliklinikë të sëmurët nuk do të udhëtojnë më për të kryer shërbimet mjekësore në rrethet e Lushnjes e Fierit siç është bërë kohët e fundit nga të sëmurët. Punimet që kanë filluar, do të përfundojnë brenda muajit qershor. Çdo repart do të ketë sistemin e ngrohjes, instalimet hidraulike, shtrim pllakash, dyer e dritare të reja. Madje sistemi sanitar do të jetë në parametra bashkëkohorë ku të sëmurët do të gjejnë atë që u ka munguar prej kohësh. Dilaver Xhelili

Lajmetari:17.04.2006. |top | Commente | Printo