Home Info Na shkruani Foto nga Berati Lajmet e tjera Arkiva Forumi i Lajmetarit

.

Prefekti

 

 

Titujt kryesore

Bogova, zemra e tronditur e Tomorit

Editorial

Materniteti do të transferohet në mjediset e spitalit rajonal

Ura e re mbi lumin Osum

Qeveria jep 45 milionë lekë

Kronika e javes shkurt

KESH-i pret 3500 lidhje të paligjshme të energjisë

Kronika e Kucoves

Shpëtim Dyrmishi lë partinë nga dashuria për artin

MYSTIQUES MOODS (GJENDJE MISTIKE)

Vexhi Buharaja,
Nderi i Qytetit tim dhe i gjithe Shqiperise

Humbje e turpshme e “Tomorit”

HOME NEWS KRONIKA

Ura e re mbi lumin Osum
Qeveria jep 45 milionë lekë

 

Burime nga Prefektura e Beratit bënë të ditur paraditen e djeshme se do t’i japë fund shqetësimit disavjeçar të funksionarëve lokalë, për nevojën urgjente të një ure të re me tonazhe të rënda, që do të bënte të mundur mbrojtjen e Urës së Goricës, urë shekullore dhe e shpallur “Monument kulture”. Burime të Prefekturës së Beratit, thanë se mbledhja e fundit e qeverisë vendosi ndërtimin e kësaj ure gjigande brenda vitit 2006 dhe miratoi një fond prej 4 milionë lekësh të reja nga buxheti i shtetit për projektin e saj. Sipas këtyre burimeve, kjo urë do të ngrihet rreth 200 metra nën digën e këtij lumi, e cila do të lidhë unazën e ardhshme me lagjen Goricë dhe vetë Beratin me qytetet e zonat në Jug të vendit. Nga ekspertë të qeverisë Berisha, është menduar që kjo urë e re t’i shërbejë dhe të jetë pjesë e projektit të korridorit qendror-jugor dhe të lidhë në dalje të saj të gjitha akset rrugore rurale, përtej lumit Osum. Të njëjtat burime sqaruan se fondi prej 4 milionë lekësh të reja ka mbërritur në prefekturë dhe, së shpejti, zyra e prokurimeve publike pranë saj do të shpallë tenderin për përzgjedhjen e projektit të saj më të mirë. Në këtë tender të hapur do të ftohen studio e kompani projektuese vendëse dhe të huaja dhe brenda muajit prill 2006, projekti i saj duhet të jetë miratuar. Gjithnjë sipas burimeve të prefekturës së Beratit, kjo ngutje për ta ndërtuar sa më shpejt këtë urë të re mbi lumin Osum, rreth një kilometër poshtë urës së Goricës, ka marrë shkas nga kërkesat disavjeçare e pushtetarëve lokalë nga vështirësitë që ka aktualisht qyteti i Beratit, për t’u lidhur me zonat përtej lumit Osum dhe nevojave urgjente që ka mbrojtja e vlerave të papërsëritshme arkitekturore e muzeale të Urës antike të Goricës. Kjo urë e re do të ketë përmasat e një ure bashkëkohore moderne. Nga llogaritjet paraprake që kanë bërë specialistë të prefekturës, rezulton se ajo do të jetë mbi 150 metra e gjatë, rreth 20 metra e gjerë dhe me katër korsi, me 8-10 këmbë betonarme dhe rreth 8-10 metra.
Dilaver Xhelili

Lajmetari: 17.04.2006. |top | Commente | Printo