Home Info Na shkruani Foto nga Berati Lajmet e tjera Arkiva Forumi i Lajmetarit

.

 

 

Titujt kryesore

Bogova, zemra e tronditur e Tomorit

Editorial

Materniteti do të transferohet në mjediset e spitalit rajonal

Ura e re mbi lumin Osum

Qeveria jep 45 milionë lekë

Kronika e javes shkurt

KESH-i pret 3500 lidhje të paligjshme të energjisë

Kronika e Kucoves

Shpëtim Dyrmishi lë partinë nga dashuria për artin

MYSTIQUES MOODS (GJENDJE MISTIKE)

Vexhi Buharaja,
Nderi i Qytetit tim dhe i gjithe Shqiperise

Humbje e turpshme e “Tomorit”

HOME NEWS KRONIKA

Spitali nuk e ka grupin e gjakut të mësueses

Fillon prishja e ndërtimeve pa leje mbi kolektor

Arlarm për ndërtimet pa leje të bëra në afërsi të puseve të naftës

Mësuesja e psikologjisë tenton vetëvrasjen

Një mësuese 27 vjeçare, Albana Demo, banuese në lagjen “Tafil Skëndo”Kuçovë, ka tentuar në orët e para të mëngjesit, vetëvrasjen duke u hedhur nga kati i katër i pallatit ku jetonte. Ajo ka gjetur çastin e duhur kur në shtëpinë e saj nuk ka patur pjesëtarë të familjes dhe ka mbyllur derën e shtëpisë e ka shkuar në dhomën e gjumit, ku ka tentuar vetëvrasjen duke u hedhur nga balkoni i katit të katërt për të realizuar vetëvrasjen. Ka rënë në tokë dhe është dëmtuar shumë rëndë dhe mbuluar e gjitha në gjak. Menjëherë asaj i është dhënë ndihma e parë nga familjarët duke e transportuar menjëherë në spitalin rajonal të Beratit në gjendje shumë të rënduar.
Ngjarja
Ka qenë ora 9 e mëngjesit, kur mësuesja e psikologjisë 27-vjeçarja, Albana Demo, nuk ishte paraqitur në shkollën e mesme të përgjithshme “Myrteza Kepi” të Kuçovës, që prej 4 vjetësh ku jepte mësim në degën e psikologjisë. 27 vjeçarja që vuante prej kohësh nga depresioni ka gjetur çastin që në shtëpi nuk ndodheshin familjarët. Sipas dëshmitarëve okularë në çastin që është hedhur nga ballkoni është penduar dhe ka kërkuar ndihmë. Burimet nga spitali thanë se edhe pse i është dhënë ndihma me një mjekim intensiv gjendja e 27-vjeçares është në rrezik. Në vendngjarje kanë shkuar menjëherë grupi i ekspertëve të kriminalistikës dhe mjeku ligjor për hetimin e ngjarjes. Nga hetimet e kryera të grupit hetimor është konkluduar se vajza 27 vjeçare, Albana Demo, vuante nga depresioni i theksuar prej 3 vjetësh. Pavarësisht nga ky konkludim nga ana e ekspertëve të policisë kanë thirrur familjarët për t’u marrë në pyetje lidhur me këtë ngjarje tepër të rëndë. Burime nga Drejtoria Arsimore e Kuçovës bëjnë të ditur se kjo drejtori për t’i ardhur në ndihmë mësueses, e kishin larguar nga shkolla dhe e kishin punësuar në drejtorinë arsimore ku nuk kishte dhe shumë shqetësime si me nxënësit dhe me ngarkesën e punës. Sipas mjekëve të spitalit 27 vjeçarja ndodhet në gjendje kome, pasi ka humbur dhe një sasi të madhe gjaku dhe ç’është më e keqja se gjak për grupin e organizmit të mësueses Albana Demo nuk ndodhej në spital. Vajza ndodhet në gjëndje tepër kritike. Ky është rasti i parë për vitin 2006 në Kuçovë dhe rasti i dytë në qarkun e Beratit.

Fillon prishja e ndërtimeve pa leje mbi kolektor

Fadroma e policisë së ndërtimit ka filluar të prishë ndërtimet pa leje të ndërtuar mbi kanalin e ujrave të larta dhe atij kullues, që ndodhet në rrugën nacionale “Ura Vajgurore- Kuçovë” si dhe në hyrje të qytetit të Kuçovës kryesisht në lagjen meteor dhe tek kthesa e ish -fermës Partizani. Sipas burimeve të policë së ndërtimit, në këtë zonë do të prishen rreth 137 objekte nga të cilat 54 janë vetëm ura bankine dhe ura me diametër të vogël me fi 50 cm, që nuk lejon kalimin e ujrave të zeza dhe të bardha. Shkak për këto prishje janë bërë përmbytjet e muajve të fundit nga shirat. Kolektori ku ka filluar prishja e ndërtimeve pa leje vjen nga qytetit i Kuçovës dhe përshkon gjatësinë rreth 5 km për t’u derdhur më pas në lumin Osum. Po ky kanal mbledh edhe ujrat e larta nga kanalet e dyta dhe të treta kulluese të fshatit Perondi dhe një pjesë të lagjes 1 Maj, zonë në të cilën banojnë me shumë se 187 familje si dhe rreth 3 mijë banorë të lagjes 1 maj. Po i njëjti kanal kullues është edhe në anën tjetër të rrugës të fshatit Tapi ku banojnë afër tij rreth 63 familje të cilat me urat bankinë kanë bllokuar kanalin . Banorët e zonës ku ka filluar prishja e ndërtimeve pa leje dhe kryesisht ura mbi këtë kanal thanë për gazetën se policia e ndërtimit nuk e ka filluar mirë dhe sipas ligjit punën.
E para që duhet bërë nga shteti duhet në fillim të pastrohet kanali nga fillimi dhe jo nga fundi, ndërsa në fillim duhen prishur urat bankinë ku e kanë izoluar komplet kalimin e ujit dhe janë bërë shkak për përmbytjen në zonën tonë. Vetëm 3 javë më parë nga shirat e rrëmbyeshëm u përmbytën rreth 50 shtëpi dhe mbi 40 ha tokë ka thënë për gazetën një nga banorët e kësaj zone Bajram Mukaj. “Por puna ka filluar së prapthi, pasi në fillim duhet të prishen ndërtimet pa leje të ndërtuara nga ndërmarrjet e bizneset private që janë të ndërtuara në këtë zonë e më pas të prishen edhe urat si kjo e imja, që faktikisht është me mur mbajtës me fi. Drejtori i policisë së ndërtimit Rezart Shehu tha për gazetën se fadroma do të vazhdojë të prishë të gjitha objektet që janë të ndërtuara mbi kolektorët e ujrave të zeza dhe të bardha. Me dhe pa leje qofshin këto ndërtime, pasi ato bëhen shkak për përmbytjet e vazhdueshme të këtyre zonave të banuara.

Arlarm për ndërtimet pa leje të bëra në afërsi të puseve të naftës

Kryetari i Bashkisë së Kuçovës z. Artur Kurti u shpreh për mediat se ndërtimet që janë bërë pas vitit 1990 në territorin naftëmbajtës. Ato janë rezultat i lëvizjeve mekanike të popullsisë ashtu siç ka ndodhur në Bathore, Durrës, Vlorë etj.
Asnjë ndërtim nuk është pajisur me leje. Nuk është ndërhyrë sepse ka probleme sociale. Janë mbi 8000 banorë që kanë bërë ndërtime të tilla vetëm në Kuçovë.
Në vitin 1994 një fondacion gjerman dhe ne si bashki bëmë në studim, por nuk na e miratoi qeveria dhe u la në harresë.
Puset e naftës në Kuçovë janë edhe pranë ndërtesave që janë ndërtuar para viteve ’90. Kuçova është ndërtuar kështu dhe bashkëjetesa me puset e naftës ka ekzistuar por me rregull.
Mendoj se qeveria qendrore duhet të ndërhyjë me një ligj të veçantë për Kuçovën për legalizimet. Në Kuçovë trualli është i shtetit dhe ai mund të studjojë e të vendosë se çfarë do të bëhet me ata që kanë ndërtuar pa leje, por edhe me ata që jetojnë në qytet afër puseve në ndërtime me leje.

Drejtoria e Qendrës së Prodhimit të Naftës në Kuçovë ka dhënë arlarmin në lidhje me ndërtimet pa leje të bëra në afërsi të puseve të naftës dhe mbi tubacionet dhe kolektorët e naftës. Janë mbi 380 ndërtime pa leje kryesisht në Kuçovë pronarët e të cilave kanë shkuar njëherë në gjykatë nga kjo ndërmarrje por që aktualisht nuk është proçeduar në lidhje me kërkesën e ndërmarrjes në organin e drejtësisë.
Ndërtimet kanë filluar në vitin 1992 dhe kanë vijuar kryesisht nga të ardhur nga zonat rurale duke mos zbatuar asnjë kriter qoftë edhe për shëndetin e tyre por edhe për puset brenda territorit të të cilëve pengohet funksionimi normal i punës dhe sidomos në rastet e bllokimit kur nuk mund të punojnë makineritë sepse edhe vetë banorët që kanë ndërtuar nuk lejojnë që të kryen punime në atë territor që megjithëse pa leje e quajnë tashmë pronë të tyre.

 

Dilaver Xhelili

Lajmetari:10.04.2006. |top | Commente | Printo