Home Info Na shkruani Foto nga Berati Lajmet e tjera Arkiva Forumi i Lajmetarit

.

t

 

Titujt kryesore

Midis brigjeve të ligjit dhe antiligjit

Editorial

Protesta të mjekve të spitalit obstentrik-gjinekologjik

Prefektit të qarkut, z.Roland Bejko

Ankesë

Kronika e javes shkurt

Cmimet e larta te biletave.Banorët peticion bashkisë

Kronika e Kucoves

Shpëtim Dyrmishi lë partinë nga dashuria për artin

Ahmet Kondo, beratasi me kontribute në fushën e studimeve

Tomori “rrëzon” kalanë gjirokastrite

HOME NEWS KULTURE

Ahmet Kondo, beratasi me kontribute në fushën e studimeve

Vepra që ke lënë pas, kurdoherë do të lëshojë një rreze që do të ndalet mbi gurin e varrit tënd dhe do të shkëlqejë më fuqishëm se sa kandili i artë i pasanikut më të madh të botës

 

Ditën e diel, më 2 prill 2006, u nda nga jeta historiani i njohur beratas, me kontribute të veçanta në fushën e studimeve historike, Ahmet Kondo.
Ai u lind 86 vjet më parë në Berat, në një familje të njohur dhe të nderuar në lagjen “Murat Çelepi”. Vitet e fëmijërisë dhe të rinisë së parë shkollore i kaloi në Berat, midis shokësh, në mjediset e njohura të lagjes, nga bostanet, nga rema, nga çikrikët, nga lulishtja “Dëshmorët e Kombit”, në oborrin e shkollës qytetëse nxënës i së cilës ishte.
Ruajti miqësi të veçantë me moshatarin e tij Vexhi Buharaja. Këtë miqësi e kishte mbartur edhe nga fqinjësia dhe hyrje-daljet familjare.
Për këto vite, në studimin hyrës të veprës kushtuar Vexhi Buharasë, e cila u mblodh dhe u botua prej tij, midis të tjerave, ai shkruan:
“Si shok i pandarë që kam qenë me të qysh në moshën e fëmijërisë e në vazhdim të jetës sime deri dy javë para se të ndahej nga ne, më 5 korrik 1987, kur biseduam për herën e fundit në spitallin e Beratit, ku ndodhej i shtruar, për të ruaj mbresa dhe kujtime të paharruara.”
Edhe pse nga vitet ’40, të shekullit të kaluar, u detyrua të largohej nga Berati dhe të vendosej në Tiranë, i ruajti lidhjet dhe nuk i shkëputi asnjëherë me qytetin e tij. Në vendbanimin e ri, siç tregonte, i gjeti këto lidhje edhe me beratas të tjerë që u vendosën në kryeqytet mbas lufte. Midis tyre veçonte Muhamet dhe Nusret Mehqemenë. Shprehte konsiderata të veçante për poetin, bashkëshokun e tij dhe të Vexhi Buharasë, Namik Mehqemenë, të cilat i ka shprehur edhe në shkrimet e botuara. Ai dha ndihmesë edhe në zbulimin e krijimtarisë së botuar të Namikut, kur mësoi që unë po punoja për grumbullimin dhe studimin e saj.
Thotë shumë për këto lidhje edhe një letër që Vexhiu i dërgon më 3 janar1963 Ahmetit. Midis të tjerash në këtë letër shkruhet:
“Nuk e merr me mend gëzimin që ndjeva kur munda tashmë, pas 20 e ca vjet përpjekje të kota, të hedh në dorë Firdeusinë dhe këtë nëpërmjet teje. Është e kotë të hyj në arsyetime të thella dhe aq më tepër në komplimenta që s’kanë pasur kurrë vend midis meje e teje. Vetëm nuk mund të rri pa theksuar se në qoftë se Firdeusi do të njihet në një të ardhme të afërme, në vendin tonë, një meritë e madhe në mos kryesorja, ju përket juve, ty dhe Dritëroit. Dhe unë pres që këtë meritë tuajën ta shfaq publikisht. Është e para herë që Firdeusiu hyn në Shqipëri dhe hyri duke të pasur si urë kalimi ju të dy.”
I tillë ka qenë Ahmet Kondo. Nuk e harroi Beratin dhe shokët e vjetër dhe të njohur të rinj, që i shtoheshin çdo ditë. Prandaj ishte i kudondodhur në veprimtaritë shkencore dhe kulturore që zhvilloheshin në qytetin e tij, duke dhënë, si i papërtuar që ishte, kurdoherë ndihmesë me kumtimet dhe studimet e përgatitura për këto raste. Mund të përmendim kumtimet për botimin e librit “Hapësira të kulturës islame”, rreth botimit të “Shahnamesë”, intervistat për Vexhi Buharanë, etj. Si përfundoi studimet universitare për histori, punoi si punonjës shkencor në Institutin e Historisë deri ditën që doli në pension. Por edhe në këto vite të paspunës nuk u shkëput nga krijimtaria botuese. Kohët e fundit ka bashkëpunuar edhe me revistën “Perla”.
Ahmet Kondo është autor i disa moniografive dhe e një sërë kumtimesh e artikujsh studimor. Midis tyre përmendim, monografitë Dora d’Istria për çështjen kombëtare në letërkëmbimin e saj me Jeronim De Radën, Çështja kombëtare në faqet e shtypit të Rilindjes, Aspekte të lëvizjes kombëtare në letërkëmbimin e Rilindjes, Vexhi Buharaja, njeriu, poeti, dijetari…
Është marrë me Jeronim De Radën në fushën e publicistikës, midis tyre përmendim botimin Fiamuri i arbërit (Çështja kombëtare), artikujt “Një gazetë e vitit 1848", Çështja kombëtare në shtypin e Jeronim De Radës, Jeronim De Rada në opinionin publik evropian, Disa të dhëna rreth gazetës së De Radës “Shqiptari i Italisë”, Merita patriotike e Jeronim De Radës pasqyruar në revistën “Fiamuri i arbërit” , si dhe për publicistikën e botuar në revistën Drita – Ditutria, 1884-1885…
Ahmet Kondo do të mbetet në kujtesën e qytetarëve beratas si një studiues i përkushtuar, si njeri që ndiente dashuri të veçantë për vendlindjen, si njeri i dashur dhe i thjeshtë, karakteristikë e ruajtur nga tradita familjare beratase.

Agim Mehqemeja

Lajmetari:10.04.2006. |top | Commente | Printo / Mbylle Dritaren