Home Info Na shkruani Foto nga Berati Lajmet e tjera Arkiva Forumi i Lajmetarit

.

 

 

 

Titujt kryesore

Midis brigjeve të ligjit dhe antiligjit

Editorial

Protesta të mjekve të spitalit obstentrik-gjinekologjik

Prefektit të qarkut, z.Roland Bejko

Ankesë

Kronika e javes shkurt

Cmimet e larta te biletave.Banorët peticion bashkisë

Kronika e Kucoves

Shpëtim Dyrmishi lë partinë nga dashuria për artin

Ahmet Kondo, beratasi me kontribute në fushën e studimeve

Tomori “rrëzon” kalanë gjirokastrite

HOME NEWS KRONIKA

Ankesë- Prefektit të qarkut, z.Roland Bejko

 

I nderuar prefekt,
Në kushtet e një gjendje të rëndë e të stresuar e gjej të arsyeshme t’ju drejtohem juve si shpresa ime e drejtësisë dhe vizionit të së ardhmes.
Quhem Tatjana Xhafa, banuese në lagjen “Llukan Prifti” Kuçovë, e martuar me 2 fëmijë. Jam diplomuar në 1989 në Ekonomi Financë.
Kam 17 vjet punë si financiere, ku nga 2000 e sot mbaj detyrën e përgjegjëses e degës së financës në laboratorin e naftës, të kompanisë ARMO Sha Fier, vend të fituar me konkurim.
Jam e specializuar nga kjo kompani në vitin 2002 për drejtim financiar.
Gjatë gjithë karrierës sime nuk kam asnjë vërejtje apo masë administrative, ku disponoj të gjitha akt-kontrollet e drejt. kontroll. revisionit për punën time.
Jam një nga kuadrot e parë të demokracisë në 1992, e zgjedhur të punoj nga Petrit Belliu. Familja ime rrjedh nga Eduard Dollanit, ku vëllai është mbështetës i flaktë i PD-së në lagjen 6, Kombinat, Tiranë, anëtar i shtabit elektoral të deputetit Bujar Nishani dhe vëllai i burrit Astrit Xhafa, anëtar i PD-së Kuçovë nga 1991.
Kam 4 muaj që goditem nga një terror psikologjik i paparë në rrugë, kafe, institucione publike nga z. Shkëlqim Xhaferri, i cili është në forumet e PD-së Kuçovë, me emrin e të cilës më sulmon për të më larguar nga puna, si e majtë dhe se detyra i takon së tij dhe kjo në forumet e PD-së Kuçovë dhe me cilësinë e më të fortit, më të pasurit, pasi vetë është drejtor në albtelekom, gruaja në tatim -taksa dhe ushtron aktivitet privat si financiere në qendër të Kuçovës në kundërshtim me ligjin e konfliktin e interesave.
Ka arritur deri aty sa vetë quhet kryetar i PD-së Kuçovë dhe paraqitet në drejtorinë time nga unë varem në Fier, ku errëson figurën time.
Në emër të ligjit, të drejtësisë, familjes sime, rritjes dhe shkollimit të fëmiëjve të mi, pasi paga ime është e vetmja mundësi, se im shoq është ushtarak në reformë, kërkoj të ndalohen institucionalisht këto propaganda personale.

Kam besim në figurën tuaj,
me konsideratë për ju,
Tatjana Xhafa.

 

Lajmetari: 10.04.2006. |top | Commente | Printo