Home Info Na shkruani Foto nga Berati Lajmet e tjera Arkiva Forumi i Lajmetarit

.

 

Titujt kryesore

Matura Shtetërore, akt reformues i shkollës sonë

Editorial

Zbardhen abuzimet me tokat

Kronika e javes shkurt

Në hetim autori i mesazheve të dashurisë

Ujësjellësi i Bogovës shpallet objekt i rëndësisë së veçantë

Kryetari i qarkut Pelivan Shatri zgjidhet nga socialistët e fshatit

A janë bërë reforma demokratike në Bashkinë e Beratit?

Profesor Doktor Feçorr Agaçi me një botim të ri

Promovohet libri “Kapiteni që luante me vdekjen”

“Tomori”, humbja që kushton shtrenjtë

HOME NEWS POLITIKA

Kryetari i qarkut Pelivan Shatri zgjidhet nga socialistët e fshatit

Është e vështirë të mënjanohet nga strukturat drejtuese Pelivan Shatri, njeriu që ka bërë histori në të majtën e Beratit gjatë këtyre 16 vjetëve pluralizëm politik.
Ndonëse me ulje e ngritje karriera politike e z. Pelivan Shatri ka qenë konstante pikërisht në faktin se ai asnjëherë nuk është larguar nga Partia Socialiste drejt partive derivate të saj. Edhe kur e kanë flakur nga të gjitha strukturat e Partisë Socialiste siç ndodhi në vitin 92-93, Shatri vazhdoi të punonte i qetë si socialist i thjeshtë.
Si programatist i thekur, socialisti Shatri ka pritur ditë më të mira, kthjellime dhe kur ka parë se qe koha për sulm, nuk ka hezituar duke u ngjitur sërish lart, madje në majat e pushtetit lokal si prefekt i qarkut të Beratit, apo krytar i qarkut aktualisht.
Shatri, kur në vitin ’90 nuk guxoje t’i jepje dorën një anëtari të PP-së se ta linte teserën në dorë, mori pikërisht teserën e Partisë së Punës duke çuditur të gjithë komunistët dhe demokratët. Më pas ai u bë socialist.
Kohët e fundit, sipas një kombinimi të realizuar nga individë që e shohin Shatrin si rival serioz për çdo post partiak dhe pushteti, ai mbeti jashtë derës së komitetit drejtues të PS-së së qytetit. U gjend në rrugë të madhe njeriu që ka goxha energji. Po kundërshtarët e tij nuk i kishin bërë hesapet mirë. Pelivan Shatri nuk është nga ata individë që mund të lihet jashtë, qoftë edhe kur i mbyllen dyer e dritare.
Ai e gjeti mundësinë për të qenë sërish në krye, sërish brenda, sepse Shatri i di të gjitha rrugët që të çojnë në krye të PS-së. Konferenca e socialistëve të rrethit të Beratit e zgjodhi z. Pelivan Shatri anëtar të komitetit drejtues.
Ai doli i teti në listën me 41 anëtarë duke marrë 108 vota. Kundërshtarët e tij te Partia Socialiste të qytetit ngelën pa frymë kur panë se Shatri është sërish në majë të kalit të PS-së.
Lajmëtari

Lajmetari: 27.03.2006. |top | Commente | Printo