Home Info Na shkruani Foto nga Berati Lajmet e tjera Arkiva Forumi i Lajmetarit

.

 

 

 

Titujt kryesore

Matura Shtetërore, akt reformues i shkollës sonë

Editorial

Zbardhen abuzimet me tokat

Kronika e javes shkurt

Në hetim autori i mesazheve të dashurisë

Ujësjellësi i Bogovës shpallet objekt i rëndësisë së veçantë

Kryetari i qarkut Pelivan Shatri zgjidhet nga socialistët e fshatit

A janë bërë reforma demokratike në Bashkinë e Beratit?

Profesor Doktor Feçorr Agaçi me një botim të ri

Promovohet libri “Kapiteni që luante me vdekjen”

“Tomori”, humbja që kushton shtrenjtë

HOME NEWS KRONIKA

Kronika e Javes shkurt

Bashkia ndryshon mënyrën e taksimit të tregtarëve të rrugës

Bashkia, në bashkëpunim edhe me përfaqësues të tregtarëve të rrugës dhe me aprovimin e kryetarit z. Fadil Nasufi, ka ndryshuar mënyrën e taksimit të tyre: nga vjelja ditore e taksave, në vjeljen e tyre mujore duke llogaritur 900 lekë për 22 ditë pune.
Kjo mënyrë e re taksimi, sipas përfaqësuesit të zyrës së tatim-taksave pranë bashkisë, bëhet për dy arsye: për të lehtësuar vjeljen e taksave dhe për të shmangur ndonjë abuzim të mundshëm. Meqë këta tregtarë, janë me vende të përcaktuara, për të shmangur me të vërtetë çdo mundësi abuzimi, është e nevojshme, sipas radhës së vendosjes në të dy krahët e rrugës, të bëhet regjistrimi i tyre. Duke ndjekur këto lista, do t’u kërkohet edhe llogari mbledhësve të këtyre taksave. Ndryshe, po të lihet në dëshirën e taksambledhësve, lekët e vjela s’kanë për të mbërritur kurrë të plota në arkën e bashkisë.
Lajmëtari

BERAT, NDERTIMORJA RRAFSHON 160 OBJEKTE PA LEJE

Objektet pa leje qe u ndertuan vitet e fundit dalengadale po sheshohen sikur te mos kishin ekzistuar me pare. Policia ndertimore e Beratit ka ndermarre nje aksion per prishjen e rreth 160 objekteve, te cilat jane ndertuar nga banoret jashte kushteve qe parashikojne projektet e miratuara nga urbanistika e qarkut. Pas evidentimit te ketyre objekteve pa leje, policia ndertimore ne bashkepunim me prefekturen dhe qarkun e Beratit, e mbeshtetur edhe nga Policia e Rendit, kane filluar shkaterrimin e ndertimeve mbi kolektore, te cilat realisht jane bere shkak per permbytjen e banesave dhe zonave te tera periferike.
Ne oret e para te mengjesit, banoret kane pare fadromat e ndertimores qe prisnin te shkaterronin ndertimet e tyre ne linjen e kanalit kullues Ure Vajgurore Kucove. Kjo zone eshte epiqendra e permbytjeve ne rrethin e Kucoves. Drejtori i Policise Ndertimore te qarkut te Beratit, Rezart Dollani, eshte shprehur se tashme eshte vendosur perfundimisht qe te gjitha objektet pa leje te evidentuara ne kolektoret kryesore te shkarkimeve te ujerave do te shkaterrohen pa perjashtim. Gjithashtu, Dollani ka bere te ditur se pasi te perfundoje aksioni i prishjes ne kolektoret e kanaleve te kesaj linje, radhen do ta kene ndertimet pa leje ne fshatrat Kondesbalte, Pashatlli, Poshnje dhe Kutalli, si dhe ndertime mbi shtratin e lumit Osum te cilat jane bere premise per permbytjen e qytetit te Beratit e te Ures Vajgurore.
Sipas nje projekti qe disponohet nga kjo polici mesohet se fushata e fundit e prishjes se objekteve pa leje do te jete ne qytetin e Beratit e ne veçanti ne zonen muzeale.

Të mendohet jo vetëm për ndërtimet, por edhe për rrugët

Në lagjen “30-vjetori”, pranë stadiumit të vjetër, përballë zyrave të Kesh-it, po ngihen pallate të reja. Ndërtuesit për të shfrytëzuar sheshin e ndërtijmit, po i ngrejnë pallatet duke mos menduar për infrastrukturën e rrugës që do të lidhë të gjitha pallatet rreth tyre, të përcaktuara nga plani urbanistik.
Qytetarët e shohin me shqetësim bllokimin e kësaj rruge që do të kalojë para këtyre pallateve të reja deri tek pallati i zyrave të Kesh-it. I takon zyrës urbanistike të bashkisë që në bashkëpunim edhe me ndërtuesit, ta përcaktojë këtë rrugë, sepse ajo duket e bllokuar. Ky do të ishte shtegu i vetëm që do të lidhte të gjitha pallatet me rrugën kryesore dhe të shmangte kalimin e banorëve nga shkallët e stadiumit. Një rrugë kjo e premtuar edhe nga ndërtuesit e pallateve pranë këtyre ndërtimeve të reja.

Në hetim autori i mesazheve të dashurisë

Kucove-Burime të prokurorisë së Beratit bënë të ditur se dy ditë më parë kanë nisur hetimet për shtetasin Erion Xhaferri, 25 vjeç, lindur e banues në qytetin e Kuçovës dhe pronar e të vetmes diskotekë në këtë qytet. Sipas këtyre burimeve, Xhafaj po hetohet në gjendje të lirë nën akuzën e “shpërdorimit të thirrjeve telefonike” e klasifikuar si vepër penale për të cilën ai rrezikon gjobë deri në dy vjet burg, ndërsa do të hetohet në gjëndje të lirë. Ermir Xhafaj,pronar i pub-it në qëndër të qytetit përballë bashkisë së Kuçovës, është marrë në ndjekje penale nga prokuroria e Beratit, pas kallzimit të bërë nga 18 vjeçarja A. A., banore e qytetit të Kuçovës, të cilës ai i bënte mesazhe dashurie, të turpshme e kërcënuese. Vajza ka denoncuar në komisariatin e Kuçovës pasditen e së dielës së kaluar , duke thënë se nuk e njihte personin që prej ditësh i dërgonte mesazhe pa fund, duke e bezdisur e kërcënuar. Denoncimi i vajzës nuk ka qenë i vështirë për t’u verifikuar. Me aparatin e saj celular në duar, furgoni i forcave të gatshme ka shkuar menjëherë në pab-in e 25 vjeçarit, ka kryer një kontroll të imtësishëm të këtij lokali dhe më pas ka verifikuar celularin e tij. Në të janë gjetur të pa prishur të gjitha mesazhet që ai i kishte dërguar 18 vjeçares, të cilat së bashku me celularin i janë dërguar organit të prokurorisë së Beratit në cilësinë e proves së pa kundërshtuar. Xhaferri e ka pranuar edhe vetë akuzën e bërë nga denoncuesja e tij, por që këto i kishte bërë që ajo të pranonte dashuruar dashurinë e tij.

Lajmetari: 27.03.2006. |top | Commente | Printo