Home Info Na shkruani Foto nga Berati Lajmet e tjera Arkiva Forumi i Lajmetarit

.

 

 

 

Titujt kryesore

Matura Shtetërore, akt reformues i shkollës sonë

Editorial

Zbardhen abuzimet me tokat

Kronika e javes shkurt

Në hetim autori i mesazheve të dashurisë

Ujësjellësi i Bogovës shpallet objekt i rëndësisë së veçantë

Kryetari i qarkut Pelivan Shatri zgjidhet nga socialistët e fshatit

A janë bërë reforma demokratike në Bashkinë e Beratit?

Profesor Doktor Feçorr Agaçi me një botim të ri

Promovohet libri “Kapiteni që luante me vdekjen”

“Tomori”, humbja që kushton shtrenjtë

HOME NEWS KRONIKA

Kronika

Zbardhen abuzimet me tokat

Abuzimet e mundshme nga drejtues e komisionierë të komunave dhe çrregullimet në Zyrën e Regjistrimit dhe Menaxhimit, janë zbardhur nga Zyra e Seksionit të Administrimit dhe Mbrojtjes së Tokës të Qarkut të Beratit.
Burime nga kjo zyrë bëjnë të ditur se sipërfaqja në shkallë qarku është 53 mijë ha tokë bujqësore.
Nga kjo sipërfaqe, 40900 ha tokë është ndarë sipas Ligjit 7501 dhe kanë përfituar 30289 familje.
Gjithmonë sipas statistikave, toka e pandarë shtetërore, aktualisht rezulton të jetë 12060 ha.
Në Zyrën e Statistikave Shtetërore kjo sipërfaqe figuron dejuro, për arsye se defakto nuk dihet se si është ndarë e kush është pronar i saj.Përgjegjësi i Zyrës së Seksionit të Administrimit e Mbrojtjes së Tokës, pranë Qarkut, zoti Hajredin Lybesha pohon “ : “Drejtuesit e komunave, komisionet e fshatrave si dhe Zyra e Regjistrimit dhe Njësia e Menaxhimit nuk kanë bërë rivelimin dhe azhornimin sipas ligjit. Kësisoj ata kanë penetruar me fondet e tokës. Ne si institucion nuk do të bëjmë asnjë tolerim për këtë problem. Ligji nuk i lejon njësitë vendore që të dalin jashtë kuadrit ligjor. Ajo pjesë toke e pandarë, prej 12060 ha, që kërkohet sot nga komunat, bashkitë e personat përgjegjës duhet të gjendet ose të jepen shpjegime se ku ndodhet”.
Më tej zoti Lybesha shpjegon se Seksioni i Administrimit e Mbrojtjes së Tokës e konsideron këtë një shpërdorim dhe nuk do të lëshojë pe ndaj atyre që kanë shkelur ligjin dhe se dosjet e drejtuesve vendorë dhe zyrës së menaxhimit janë kthyer mbrapshtë.
Të gjithë ata që kanë shkelur ligjin në fjalë ose kanë marrë rryfshete në ndarjen e tokës duhet të dalin përballë ligjit, - përfundon zoti Lybesha.
Ky problem është kërkuar nga Kryetari i Komunës Velabisht Bledar Çili dhe Kryetari i Bashkisë Ura Vajgurore Agim Bregu, në një mbledhje të Këshillit të Qarkut.
Dilaver Xhelili

Formohet grupi antitrafik

Nën drejtimin e prefektit Roland Bejko, drejtues të strukturave të pushtetit vendor, të shërbimeve sociale, të punësimit, të policisë, të arsimit, drejtues të organizatës “Për mbrojtjen e grave”, “Të këshillimi të gruas”, të Kryqit të Kuq- dega Berat, të fondacionit për zgjidhjen e konflikteve u mblodhën në takimin për formimin e Grupit të Punës Antitrafik të Prefekturës Berat. Pas përshëndetjes së znj. Sarah Stephens, drejtuese e programit të USAID “Nisma Shqiptare”, u prezantua plani kombëtar dhe rajonal i veprimit të qeverisë shqiptare për vitin 2005-2007, si dhe modeli i grupit të punë në nivel qarku. Po në këtë takim u prezantuan projektet që po zbatohen në qarkun e Beratit për këtë qëllim si dhe u bënë diskutime për identifikimin e hapave të mëtejshme për funksionimin e këtij grupi. Trafikimi i qenieve njerëzore është tepër alarmant. Nga viti 1997 nga Berati janë trafikuar rreth 480 femra, të cilat kanë përfunduar trotuareve në shtetet fqinjë. Sipas znj. Arta Dyrmishi, drejtuese e shoqatës për mbrojtjen e grave numri më i madh u përket femrave të cilat kanë qenë apo janë me banim në zonat rurale. Viktimizimi i tyre ka ardhur për shkak të kushteve të këqia ekonomike dhe nivelit të ultë arsimor e kulturor. Nga Kuçova numri i viktimave ka qenë i madh. Edhe nga Poliçani e Skrapari viktimat e qenieve njerëzore janë shqetësuese
. Lajmëtari

Lajmetari: 03.03.2006. |top | Commente | Printo