Home Info Na shkruani Foto nga Berati Lajmet e tjera Arkiva Forumi i Lajmetarit

.

Foto:

 

 

Titujt kryesore

Berati pa ujë, hakmerret Mali i Shenjtë

Editorial

Dosjet e firmave fantazmë shkojnë në prokurori

Kronika e javes shkurt

POLICET E BERATIT KANE NJE VIT QE S’MARRIN ORET E NATES

Mund të mos licensohen firmat që nxjerrin gurë dekorativë

Partia Socialista e Beratit zgjedh kreun e PS-se per fshatin

PS i kërkon Çelës dorëheqjen nga këshilli i bashkisë

Bashkim Çela i kthehet fshatit

Bashkia e Beratit jep 3% të fondit për shkollat

Ambasadorja e SHBA, znj. Marcie Ries vizitoi Beratin

Bashkia financon grupin “Berati”

Këshilli bashkiak i jep 480 000 lekë grupit të këngës qytetare “Berati”

Simsia : Zogjtë filluan të fluturojnë në qiellin e kaltër, duke lajmëruar se pranvera e vertetë filloi të vinte...

“Tomori”, humbja që kushton shtrenjtë

HOME NEWS SPORT

“Tomori”, humbja që kushton shtrenjtë

Skuadra beratase e futbollit, Tomori, ndeshjen e radhës e luajti në transfertën me Turbinën e Cërrikut. Një ndeshje, kjo, që ishte konsideruar jetike për futbollistët beratas, të cilët prej kohësh ndodhen midis dy alternativave:
Të dalin në superligë apo të qëndrojnë aty ku janë! Pikërisht, humbja me Turbinën ka përbërë “tërmetin” shumëballësh që ndoshta do ta lërë “Tomorin” aty ku është, pra në ligën e parë. Për të qënë realist, në takimin me Turbinën futbollistët e “Tomorit”, përjashto dy – tre vetë, nuk treguan asnjë vlerë, duke luajtur të shpërqëndruar e të nervozuar, pa asnjë ide apo skemë të qartë, gjë që e shfrytëzoi mjaft mirë ekipi kundërshtar.
Të luash 90 minuta futboll e të mos godasësh njëherë portën,është vërtetë e dhimbshme për një skuadër që pretendon të bashkohet me grupin elitar. Vërtetë që terreni ishte shumë i rënduar dhe arbitrimi ndikoi shumë në ecurinë e takimit, por gjithsesi nuk mund të justifikohet kjo me atë nivel të dobët loje. Cërrikasit shënuan një gol të anulluar nga gjyqtari kryesor Bogdani si dhe goditën 2 herë traun e portës së Bytyçit, ndërkohë që bilanci i beratasve është shumë i varfër.
Me gjithë përpjekjet e dy të rinjëve P. Arbri dhe Lamnica forca goditëse ishte pothuajse në nivelin zero. Përjashto Fanin, Bytyçin në mbrojtje dhe P. Arbrin në sulm, të cilët treguan diçka nga arsenali i tyre të tjerët ishin hija e vetvetes. Turbina, ndoshta mori hakun kur u mund në Berat 1:0, tregoi forcë dhe karakter deri në fund të takimit. Momenti i golit të avantazhit shënuar nga Shala në minutën e 73’ të takimit, ndoshta është për t’u diskutuar, pasi dy sulmues vendas shtynë portierin Bytyçi dhe Shala shënoi i lirë, por gjyqtari Bogdani i ndodhur nën trysninë e tifozërisë vendase, e priste këtë rast dhe nuk hezitoi të miratonte golin. Pas goli situata gati sa nuk doli jashtë kontrollit, madje futbollistët e Tomorit në mënyrë të pakuptimtë, dialoguan gjatë me gjyqtarin duke bërë edhe figurë të keqe, ndërkohë që duhej të kërkonin golin e barazimit pasi kishte mbi 20 minuta lojë.
Sikur të mos mjaftonte kjo, tërheqja e futbollistëve nga fusha për gati 7 minuta, ishte një veprim i nxituar që gjithsesi nuk duhet të ndodhte. Dihet që gjykimi është një problem i kontestuar dhe shkak për incidente, por nuk është se fiton gjë me revolta kur më e rëndësishmja është marrja e pikëve.
Tomori humbi një takim, humbi vlera nga arkivi i tij, rrezikoi seriozisht hyrjen në superligë. U takon strukturave përkatëse që të analizojnë situatën e krijuar dhe të rikthejnë imazhin e humbur prej disa muajësh. Asnjëherë nuk është vonë për të reflektuar, në të kundërtën situata do të dalë jashtë kontrollit.

Përgatiti faqen Rushan Dosti

Lajmetari:27.03.2006. |top | Commente | Printo