Home Info Na shkruani Foto nga Berati Lajmet e tjera Arkiva Forumi i Lajmetarit

.

Foto :Mensur Hoxha

Kryetari i ri i PS-se

 

 

Titujt kryesore

Berati pa ujë, hakmerret Mali i Shenjtë

Editorial

Dosjet e firmave fantazmë shkojnë në prokurori

Kronika e javes shkurt

POLICET E BERATIT KANE NJE VIT QE S’MARRIN ORET E NATES

Mund të mos licensohen firmat që nxjerrin gurë dekorativë

Partia Socialista e Beratit zgjedh kreun e PS-se per fshatin

PS i kërkon Çelës dorëheqjen nga këshilli i bashkisë

Bashkim Çela i kthehet fshatit

Bashkia e Beratit jep 3% të fondit për shkollat

Ambasadorja e SHBA, znj. Marcie Ries vizitoi Beratin

Bashkia financon grupin “Berati”

Këshilli bashkiak i jep 480 000 lekë grupit të këngës qytetare “Berati”

Simsia : Zogjtë filluan të fluturojnë në qiellin e kaltër, duke lajmëruar se pranvera e vertetë filloi të vinte...

“Tomori”, humbja që kushton shtrenjtë

HOME NEWS POLITIKA

Bashkim Çela i kthehet fshatit

Me ndarjen e organizatave të Partisë Socialiste veç për qytetin dhe veç për fshatin, në politikën lokale të Beratit ndodhi një fenomen i rrallë: Bashkim Çela , kryetar i degës së Partisë Socialiste, për disa vite, kur e pa se nuk do të zgjidhej kryetar i PS-së për qytetin e Beratit, bëri një lëvizje që më tepër se politike qe një lëvizje kaotike. Ai i la pa frymë socialistët teksa shkoi në bashki dhe kërkoi prishjen e lejes së banimit në qytetin e Beratit dhe kthimin në fshat, pikërisht në vendlindjen e tij në komunën e Vërtopit.
Dikush mendoi se ky qe një reagim disi i vonë ndaj thirrjes së njohur të diktatorit Hoxha: “Sikur të isha 20 vjeç, do të shkoja dhe punoja në fshatin e bukur socialist!
Mirëpo z. Çela nuk është 20 vjeç dhe duke qenë një politikan i PS-së lokale është distancuar nga PP-ja dhe Hoxha. Atëherë çfarë ka ngjarë?
Burime nga PS-ja bëjnë të njohur se z. Bashkim Çela iu kthye fshatit, sepse vetëm kështu mund të kandidonte për kryetar partie. Një nga kushtet e vëna nga selia rozë për të kapur kreun e PS-së së fshatit të Beratit është vendbanimi në një nga fshatrat e rrethit.
Z. Çela pas tjetërsimit nga qytetar në fshatar pritet të zgjidhet kryetar. Nëse jo, ai mund të shkojë edhe refugjat në Greqi dhe të kapë kreun e PS-së në ndonjë qytet grek.
Lajmëtari

PS i kërkon Çelës dorëheqjen nga këshilli i bashkisë

Pas konvertimit të z. Çela nga qytetar i Beratit në banor komune për shkaqe politike, disa këshilltarë të grupit socialist në këshillin e bashkisë Berat kanë kërkuar nga Bashkim Çela, ish-kryetar i degës së Partisë Socialiste për rethin e Beratit, dorëzimin e mandatit të këshilltarit të bashkisë. Statusi i ri i z. Çela, ribanor i Vodicës në komunën e Vërtopit bie ndesh me ligjin për funskionimin e pushtetit vendor ku thuhet se një nga kriteret e qenies anëtar i një këshilli bashkie, komune është qenia banor i komunës ose bashkisë ku vepron këshilli përkatës. Ende nuk ka një ligj konvertimi nga këshilltar i bashkisë në këshilltar i komunës, ndërsa ndodh konvertimi nga banor i bashkisë në banor komune. Nuk dihet nëse Partia Socialiste e beratit (qytet) do t’i kërkojë Çelës mandatin e këshilltarit të bashkisë edhe nëse Çela nuk zgjidhet kryetar i Partisë Socialiste të Beratit për fshatin. Sidoqoftë vetë z. Çela kur dorëzoi lejen e banimit në Berat duhet të dorëzonte edhe mandatin e përfqaqësimit në këshillin e bashkisë.
Lajmëtari

Lajmetari: 27.03.2006. |top | Commente | Printo